اسعار الصالات والفنادق

بسم الله الرحمن الرحيم

هذي تقيبا أول مشاركة لي

وحبيت أستفسر عن سعر الفنادق ؟؟؟
أدري الكل راح يقولي على حسب الشخص
بس انا بعرف مثلا الشخص في الشيراتون جم؟؟ او أقل سعر لصالة في الشيراتون جم ؟؟
يعني مثلا انا اعرف انا الهوليدي ان يبدى سعر الشخص من 11 دينار وصاعد

فا كل وحده تعرف الاسعار من خلال عرسها أو عرس اختها او احد من اهلها بلييز تحطه

ومشكورييييييييييييين

من اولها بدليات حدههههههه فشلة :$

حياتي الشيراتون اقل شي 18 دينار هذا العادي و الحلو يبدي من 23 دينار
هو و الميريديان و الفنادق و جنه قاعه سلوى بعد ابتداء من 17 دينار

عندك الموفنبك شوي ارخص و حلو
و عندج بعد قاعه الاتحاد يمدحونها حييييل

اللي اعرفه ان ريجنسي ارخص فندق تقريبا 7 او 9 مو متأكده بالضبط

والرايه من 22

وصالة الاتحاد سمعت ان 2000 وحق الصالة والمعازيم عشان الصالة باداره رويال الموفنبيك

مشكوريييين الي ردووو

يم يم بسألج شنو قصدج الحلو ؟؟؟ بوفيه الحلو يعنييي ؟؟ ولا التقدييم لوول ادري استيعابي بطيييييء

الموفنبك بجم .؟؟

حبيبتي شنو الاتحاد ؟.؟؟ وين صاااااااااايره ؟؟

واشرايكم بريجنسي ؟؟؟

شوفي الرايه حلوه حيل بس وايد غاليه .. وعلى حسب المعزومين .. في من اهلنا دفعو 7 وفي ناس دفعو 15 الف

وبالعكس رجنسي غالي ترا مو هين اسعاره اتوصل اسعار الرايه, ويمكن ثاني اغلا قاعه ولا الثالثه لانه قاعة سلوى بعد غاليه

واذا تبين عرسج يصير حلو .. احلا شي رجنسي ماعليه كلام (:

انا ما عندي فكره عن الاسعار

بس الناس ملو من رجنسي

بشوفون شي ثان

حتا الرايه وشيراتون ملو منه
لان وايد ناس سوو عروسهم هناك

بس انا مره رحت عرس بنت رفيجت امي
مسوينا راديسون ساس معن قديم بس حلو

وهيلتون شرح

بس الناس تحب تطالع فوووووووووق

برستيج الي عنده والي ما عنده

بالتوفيج حبيبتي

اي والله صاجه ملينا من رجنسي
ومشكووره اختى على طرحج للموضوع وايد عجبني
وانشالله يردون البنات ويفيدونا

هاااي انا بقولج عن عرس اختي قبل اسبوعين كان مسوينه براديسون ساس بقاعة الهاشيمي طبعا اينن بس اللي خله القاعه احلى المصممات الله يعطيهم الف عافيه شغلهم حده روعه واينن بعدين ساس اسعاره تبدا من 15 لغاية 25 احنا خذينا اللي 18 كان البوفيه حلو واايد وفخم وطبعا لفينا علي الفنادق الثانيه بنات علي فكره رجنسي مصكر صارله 8 اشهر وراح يصكر بعد لمنده سنه قاعدين يسون فيه تعديلاات لانه كنا نبي نروح نشوف طلع مصكر والشيراتون وايد المدير مالهم يتفلسف بغيت اعطيه كف علي ويهه مليق نقلوه القاعه الماسيه يقول لا اعطيكم قاعة الدانه وخليناه يولي ورحنا ويالله الله يوفقكم

مشكوريين ماقصرتو ..
الاخت الي قالت الهيلتون ؟ وساس جم اسعارهم

وبيني وبينكم خواتي مو مسألة انه الواحد يطالع فوق بس مسألة اذا الواحد بيسوي عرس فيسوي بمكان زيين وخاصة الي معازيمه شوية فا الصالات الصغيرة الي بالفنادق تنفع

الهاشمي عاد روعة من ناحية البوفيه وشكل القاعه من داخل.. على البركة والله يوفقهم
والي تعرف بعد خل تفيدنا

والله ما عندي فكره عن الاسعار
سوري