|
|
الاتيكيت في التعامل مع ام الزوج
مني لكم
بناء على طلب الاخت الغالية غدير كتبت لها
وحطيته بموضوع منفصل عشان اللي مايدرون ان في تكملة لموضوعي الاتيكيت
يشوفونه ويستفيدون منه
بسم الله ..
↙ لما تشوفينها تسلمين عليها تبوسين راسها
ومايعلى حسج عليها ولاتراددينها أبدًا أبدًا
↙التهادي [تعطينها هديه] مثل دهن عود . قطعة خام . عطر . طقم استكانات
" تهادوا تحابوا "
↙لاتذكرين عيوب زوجج قدامها .. امدحيه واشيدي لتربيتها
↙دايم اسأليها اذا كان ناقصها شي
↙ساعديها اذا شفتيها قدامج سوت شي
لانها تعتبر امج الثانيه اللي بتقضين 30 سنه من حياتج بالتواصل معاها
↙لازم تدارينها و ماتدققين على غلطاتها وتحترمينها مهما بدر منها وماتحشين فيها عند الناس لو كانت ماكانت
↙ردي الاساءة دايم بالاحسان . لانها بحسبة امج و رضاها من رضا الزوج .. وتكسبين احترامها
↙ابدًا لاتجذبين عليها باي موضوع مهما كان بسيط مثل تخشين عليها من وين شريتي اشيائج
و متى حملتي و انج بتطلعين .. مافيها شي لو سألتج وين رحتوا .. وجاوبتيها بالعكس ودها
تشوف ولدها مستانس ويطلع مع زوجته
↙اياج تشكين لزوجج عن امه و شنو سوت لج ..
↙اذا كنتي ببيت وام زوجج ببيت اسبوعيًا زوريها أو أكثر وتفقديها وراح تعدج عزيزه مثل بناتها
↙نفذي طلباتها و لو امرتج تجيبين شغله عادي مو اهانه .. لانها تعتبرج حسبة بنتها ولها حق عليج
↙ابتسمي بوجهها و اتقي الله فيها وكلميها بهداوة و رزانه
لو حاولت تتدخل باي شي من الامور ..
لها الحق لان ولدها اللي مربيته من صغره ..
فمهما كبر لازالت امه .. وانتوا اعلم بهالامور
↙ اذا طبختي شي .. تنقصيلها فيه راح تستانس وتكسبين محبتها
↙ اذا تدخلت بمشكلة من المشاكل اسمعي رايها واحترميه وماراح تضرج برايها لان رايها بيأثر على علاقتج مع زوجج واكيد ماراح تشور براي يضر ولدها ..
وخلفت العش الذي فيه درجت إلى وكر لم تعرفيه،
وقرين لم تألفيه، فأصبح
بملكه إياك رقيباً ومليكاً، فكوني له أمة يكن لك عبداً وشيكاً.
أي بنية! احفظي له عشر خصال يكن لك ذخراً وذكراً.
فأما الأولى والثانية: الصحبة له بالقناعة، والمعاشرة بحسن السمع والطاعة.
وأما الثالثة والرابعة: التعهد لموقع عينيه، والتفقد لموضع أنفه،
فلا تقع عيناه منك على قبيح، ولا يشم منك إلا أطيب الريح.
وأما الخامسة والسادسة: فالتفقد لوقت طعامه ، والهدوء عند منامه.
فإن حرارة الجوع ملهبة، وتنغيص النوم مغضبة .
أما السابعة والثامنة: فالاحتفاظ بماله ، والإرعاء على حشمه وعياله ،
لأن الاحتفاظ بالمال من حسن الخلال، ومراعاة الحشم
والعيال من الإعظام والإجلال.
أما التاسعة والعاشرة: فلا تفشي له سراً، ولا تعصي له أمراً،
فإنك إن أفشيت سره لم تأمني غدره، وإن عصيت أمره أوغلت صدره .
ثم اتقي- مع ذلك- الفرح بين يديه إذا كان ترحاً، والاكتئاب عنده إن كان فرحاً،
فإن الخصلة الأولى من التقصير، والثانية من التذكير.
وكوني أشد ما تكونين له إعظاماً يكن أشد ما يكون لك إكراماً.
وكوني أكثر ما تكونين له موافقة ، يكن أطول ما يكون لك مرافقة .
واعلمي أنك لا تصلين إلى ما تحبين حتى تؤثري رضاه على رضاك ،
وهواه على هواك فيما أحببت وكرهت .
للاطلاع ص1 ، ص2 ، ص7
>>الحين اكمل اقرااه
وكلامج عين العقل صح لسسسانج
لان ام الزوج راح تصير امج الثانيه واي شئ راح تسوينه اعرفي ان بصير باامج من حريم اخوانج فاتقوا فيها الله
وبعدين كما تدين تدان
يعطيج العاااااااااافيه حبوبه
يعطــــــــــــيج العافيه مشرفتنا العزيزه ع هلنصايح الذهبيه
والله يسخر لكل بنت خالتها وزوجها ..
جزاج الله خير
واتمنى على عرايسنا الحلوين يطبقونها وما راح يندمون ابدا ان شاء الله تعالى
وتسلم يدينج على النصايح
يزاج الله خير
فدييييتج و الله كل السنع فيج
يسلملي هالبؤ الحلوووووو
