استفسار عن شهادة icdl ؟

السلام عليكم ورحمة الله وبركاتة

بنات ابي اعرف عن دورة icdl ابي اسجل فيها

بس ماعرف شكثر مدتها ؟
جم تكلف ؟
ابي معهد زين اسجل فيه ؟
وعادي ادخل الاختبارات على طول من غير لا ادخل الدورة يعني اقول لهم ابي اختبر بس واخذ الشهاده على تقديمي بالاختبارات ؟

ياريت تفيدوني

انا ماختها بجامعه الكويت
اذا بدون ماتحضرين بس اختبارات 60 دينار
و في نوعين مضغوطه و عاديه

مشكورة ماقصرتي

واذا بدخلها كامله جم مدتها ؟ وبجم بتكون؟

روحي كامبردج وايد زينه ويبونها بالوقت الحاليي واتوقع جنه 80دك

قوة نتاشا بالنسبة لشهادة الicdl على حسب رغبتج تبين الدورة وبعدين يختبرونج أو تدخلين اختبارات على طول انا أخذتها اختبارات من معهد يوتيرن وستانفورد بالجهرا لانهم الوحيدين المعترف فيهم كمراكز اختبار بالجهرا وهم 7 اختبارات قيمة الواحد 6 دنانير وهذا السعر موحد بكل المعاهد يعني التوتال 42 دينار للاختبارات بس وأنا دفعت 25 دينار زيادة لأنهم بسوون لج بطاقة مهارات فيها معلوماتج الشخصية ونتائج اختباراتج وعطوني بعد كتاب يساعد بالدراسة للاختبارات وعلى فكرة انا سجلت وسوويت البطاقة وأخذت الكتاب من يوتيرن واخذت عندهم 5 اختبارات وبعدين اختبارين عند ستانفورد

اب اب

بنات بسألكم شهادة الـ icdl للموظفه زينه تنفع بشي يعني والا عادي مالها معنى اخذتها والا لا ؟؟؟؟؟؟؟؟

ياليت الي عندها خبره بهالشي ما تبخل علي بالرد

انا أخذتها بالمعهد الأثري مدتها 7 أسابيع ,تكلف 100 دينار مع الامتحانات واذا عدتي الامتحان ادفعين 6دنانير,7 مواد كل مادة اسبوع من الاحد لي الخميس والسبت امتحان في الصبح والعصر من 4-6 ومن 7-9 انتي تختارين .

مشكورين بنات ماقصرتو

اختي Cindy مشكورة وايد ان شاء الله راح اسجل في يوتيرن لاني قريبه من الجهرا

اختي الكايدهـ هذي الشهاده مهمه وايد كخبره ومطلوبه في كل مجال

تقدرين تمتحنين بس بدون دوره وتقدرين تاخذين دوره مع الاختبارات
احسن مكان بجامعة الكويت الخالديه مركز الخوارزمي اهو اكثر مكان معتمد 100%

السلام عليكم
انا بعد اخذت الشهادة من يوتيرن اللي بالرقعي
لانه اقرب علي من يوتيرن الجهراء
وطبعا تفيد الموظفة لأنه التربية ما تترقين الا اذا كانت عندج الشهاده
وحتى الجامعة او التطبيقي ما تتوظفين الا اذا كانت عندج الشهادة
و سمعت انه وزاره الصحه والداخلية بطبقون هالقرار بس ما ادري متى ؟
وعلى فكرة الاسعار وحده بكل المعاهد
والله يوفقج حبيبتي

بنات ودي اسجل بالدورة قبل رمضان يمدي ؟؟
وابي بجامعة الكويت الخوارزمي ؟؟ وين اروح ماعرف ؟؟

بنات الاختبار عبارة عن شنو
شلون طريقتة .؟؟؟

حبيبتي اخذيها عند جمعية المعلمين ارخص واحسن انا ماذكر بجم بس كنت ماخذنها قبل لا اصير مدرسة خذيتها 7 اسابيع ولازم تدرسينها لان اختبارهم غريب وصعب الطريقة لازم حتى المدرس يعلمج اياها والحلو بجمعية المعلمين قبل الاختبار المدرس يكلفكم ان تطبعون مذكرة على خط ايدة كوبي نفي الي يطلع بالاختبار اسئلة واجوبتها اهوا مجاوب نطبع ونوزع على بعض والله احس لج اخذيها اهناك اضمن قلتلج طريقة الاختبار مختلفة مو عادية واي استفسار عالخاص لان انا ما اجيك وايد على مشاركاتيي