استفساار صغيرون بالنسبه للقطاوه

شوفي القطاوه كلهم بالاساس نظاف يعني يحبون النظافه وشوية اهتمام منج خلاص
بس انا الي فهمته بكلامج تقصدين سالفة الحمام شوفي القطوه الصغيره اهيا الي تتعلم اسرع من القطوه الكبيره فانصحج تشترين وحده عمرها شهرين شهر ونص والتدريب سهل كل ما توكلينها وديها صوب الرمل هالحجي عقب ما تاكل ب5 دقايق جذي او ع طول وخليها وكل ما تبي تطلع دخليها بعدين راح تسويها مره مرتين ثلاث راح تتعلم

أنا كانت عندي قطوه أول ما أنولدت ربيتها كنت أوديها الحمام كل بين فتره وفتره ليم تعلمت
أصلا هي بالأساس راح تدور على مكان تقظي فيه حاجتها مثل تراب أو أي مكان مايتأذى أحد منه
وأسعارهم على حسب النوعيه والعمر وتتراوح الأسعار من 40 دينار وفوق

شيووما فديتج تسلمين ماقصرتي لان كل ما اقول لامي تعصب وتعيي ههههههه تحاتي النضافه

مونا تسلمين حبيبتي ماقصرتي انا ولا مره شريت لي قطوا بس كل اسمع اللي يشترون صغاار من يكبرون اللا هايته بالشوارع هههههههه عاد قطاوه الشوارع يالله من فضلك ههههخخ

القطط ذكية جدا وتعرف لتعلم سريعا ونصيحتي خذي قطوة متعلمة على الحمام افضل وتربيتها سهلة كل ما عليك شراء الحمام البلاستيك وهو عبارة عن حوض وضعي فية تربة صناعية وشراء اكلها وتطعيمها فقط

القطوه بروحها تتعلم وين تتوصخ بفطرتها
لاتحتاج تدريبب ولا شي
مجرد انج تحطينه بمكان سهل توصله
واول ماتيبينها البيت حطيها عليه خليها تدل مكانه وتستوعب
وافضل بالبدايه تحطين يمه صحن لاكل والماي بعددين عقب ماتعلم حطي اي مكان
طبعا لابد من حدوث بعض الاغلاط احيانا وضروري اذا وصخت بره الحمام تغسلين المكان عدل عشان تتغير ريحته
وماتعتبره حمامهاوتوصخ في مره ثانيه