|
|
السلام عليكم كويتيات تقبل الله طاعتكم
بصراحه انا محتاره ومتاكده انكم بتساعدوني وتريحوني
انا كنت حامل وتوفى البيبي ببطني بالشهر السادس بدون سبب يذكر.gif "Eh S(11)")
والحين لي تقريبا 20 يوم من الاجهاض والحمدالله ع كل حال قدر الله ماشاء فعل
حبيباتي انا عندي جم سؤال والله يريح قلب اللي ترد علي يارب
1 متي يصير التبويض من عقب الاجهاض يعني انا الحين لي20 يوم متي يكون التبويض لاني ودي احنل وانسي اللي صارلي وتعب النفسي اللي فيتي:yaaaaaarb وشنو مفروض اسوي الحين
ويصير احمل عقب الاجهاض ع طول ولا انطر شوي
طولت وقرقت ادري بس تحملوني شوي ماتقصروووون.gif "Eh S(15)")
لازم تسوين تحاليل تشوفين سبب الاجهاض
علشان تتفادين المشاكل بالحمله اليايه
الله يرزقج
الله بعوضج ويصبر قلبج ويفرحج بالطفل السليم المعافى
الله يعوضج بالحمل الثابت انتي ريحي رحمج اقل شي 3 شعور وسوي تحاليل شامله وجيكي عالغده والاجسام المضاده
الاجهاض ممكن يكون من عنق الرحم يكون اضعيف ومايتحمل وزن البيبي بالسادس لان كبر فينفتح الرحم وتولدين او يكون طول عنق الرحم قصير
وهذا يبيله ربط عشان اتحافظين على حملج بس انتي سألي وسوي فحوصات تأكدي
ولازم اتظلين شهرين عالاقل مااتحملين اتريحين جسمج ورحمج عشان اذا حملتي مره ثانيه يكون حملج ثابت بإذن الله
واذا كنت ناويه اتحملين لازم تاخذين الفولك اسد شهرين قبل الحمال افضل عشان تقدرين اتحملين حمل سليم وبدون مشاكل
والله يرزقج بالي تتمنين
و قلت مابي اسوي اي موانع للحمل لان مو انا الي احدد متى انسب وقت لي احمل فيه
الله سبحانه اهو الي يحدد هالشي و كل شي خيره من رب العالمين
خليت هالشي بيد الله
و بعد اجهاضي ياتني الدوره شهرين و بعدين حملت عقبها والحين انا بالتاسع
الحمدلله رب العالمين
خلي هالشي بيد الله وان شاءالله الله يرزقج الحمل السليم
و استمري على بريقنا بلان اذا كنتي تاخذينه فترة حملج لان فيه حديد و فوليك اسيد
واذا يتعب معدتج اخذي بس فوليك اسيد عشان يهيء الرحم حق الحمله اليايه
لازم قبل تحملين تسوين فحوصات علشان مايتكرر معاج اللي صار
واذا عرفتي السبب عالجيه
وترا في حريم يحملون بعد اربعينهم
بس لان انتي البيبي توفا لازم تعرفبن شنو السبب
انتظري دورتج تجي وان شاءالله تحملين بعدها
الله يعوضج يارب
.gif "Eh S(17)")
ان شاء الله تقدرين تحاولين اول ماتخلصين اربعينج لان الدوره بتنزل عادي وبترجع مثل اول ان شاء الله
هالاسئلة الافضل تستشيرين فيها الدكتورة علشان الفحوصات و التحاليل
و اعتقد لازم تريحين جسمج بعد الاجهاض لان بالسادس
و لازم فيتامينات
وان شاء الله ربي يكتب اللي فيه الخير انا سالت الدكتوره عن التحاليل قالت مراح تفيدج بشي لان انا حملت من قبل والحمدالله وماكان معايا اي مشاكل
ماقصرتو وبحاول انطر جم شهر والله يجيب اللي فيه الخير
|
المشاركة الأصلية كتبت بواسطة انا نفسي تحب
 ماقصرتو حبايب قلبي ع الردود
وان شاء الله ربي يكتب اللي فيه الخير انا سالت الدكتوره عن التحاليل قالت مراح تفيدج بشي لان انا حملت من قبل والحمدالله وماكان معايا اي مشاكل ماقصرتو وبحاول انطر جم شهر والله يجيب اللي فيه الخير |
ما عليج منها حبيبتي روحي المستوصف وسوي تحاليل شامله
انا الحمدالله يبت 3 بنات وما كان فيني شي وكلهم مشالله ولدتهم بالتاسع بدون أي مشاكل عقبها حملت وبالاسبوع الخامس سقطت ويوم سويت تحاليل طلعت فيني خمول بالغده الدرقيه وسببت لي اجهاض لاني ما كنت اخذ علاج والحين حامل بالسادس والله يتممه على خير انشالله وملتزمه بعلاج الغده