اجهاضات متكرره وابي اعرف السبب

يعطيكم العافيه خواتي

انا فصيلة دمي o+ وزوجي B+

المشكله ان عندي اجهاضات متكرره ويكون بداية الثاني بطانة الرحم سميكه وهرمونات الجنين مرتفعه يهني اخر مره كانت 2700 وانا بالاسبوع السادس بس يسوولي سونار خارجي وداخلي مايحصلون لاكيس حمل ولا شي ماادري سوناراتهم قديمه ولا شنو ولما اسقط تطله مني كتل حيييييييل كبيره وعوار حيل يذبحني

بالنسبه للاجسام المضاده سوولي تحليل بعد اجهاضي الثالث مافيه شي وعقبها ولدت مرتين ورديت اسقط مره ثانيه بس ماسويت تحليل اجسام مضاده

مشكلتي لاالدكاتره يعلموني او يفهموني ويمكن يكونون هم موفاهمين شي

وعلى فكره انا بكل اجهاضاتي اروح مراجعتين للخاص والحكومه واقارن وكله نفس الشي

ماني عارفه ليش مايلقون كيس للجنين ممكن يكون طاح الكيس ولا شنو لان انا بعد مااحلل باسبوعين يبدا ينزل بني معاي بكميات واسوي عقبها السونارات ومايرضون الدكاتره يعطوني تثبيت للين يتاكدون من السونار الداخلي وعقبها على طول وبنفس اليوم اسقط

حبيبتي

دكاتره الكويت الله بالخير

مسوين لنا حقل تجارب

انا تقريبا مثلج بس سبحان الله الجنين موجود والجيس بعد بس مافيه نمو مايكبر عندي

وكلهم يقولون من الله

توني مسقطه من اسبوعين

قلت بريج 8 شهور
وبساافر لندن علاج بشووف شنو فيني بالضبط لان الكويت للاسف مايعرفون وين الله حاطه من دكاتره

فاشلين بمعني الكلمه

مرحبا الغاليه

عسى الله يعوضج عليج خير يارب ياكريم

انا اتوقع بسبب السونار الداخلي لان انتي قلتي بعد السونار تسقطين…..بقولج ليش

لان ان مره اجهضت بالاسابيع الاولي والحين ولله الحمد حامل بس الدكتورة قالت لي بما انج تعرضتي لاجهاض سابقا مانقدر نسوي لج فحص داخلي.
ومايلقون كيس للجنين لانه توه صغير …الكيس يطلع بالاسبوع ال5 ومرات يطووول اذا حدث الحمل متأخر.

وعسى الله يعوضج

حبيبتي اذا كنت ناوية تحملين اكلي بيبي اسبرين وفولك اسيد
نرى كثرة الاجهاضات ممكن ايكون من تجلطات الدم فعلشان جذيه ايطيح
اذا حملتي انصحج روحي حق ماجده اليتامى انه كنت مثلج الحمدالله الحين عندي عيال
عسى الله يثبت الي بطنج

اول شي انتي عندج بيبيات

لان اذا عندج يعني تولدين وبيبي طبيعي وبعدين اجهاض وبعدها طفل طبيعي بعدين اجهاض هذا مايخوف الدكاترة الليا خوف انج بس اتحملين مايت البيبيابطنج وطيح

اذا سويتي حق الاجسام المضادة وطلعت عندج سالب يعني مافيج شي سوي تحليل حق الاجسام الفسفورية هذي بعد اتبين اذا في شي بالدم

وغير جذي روحي اصباح قسم الوراثة اسونلكم تحاليل انتي وريلج

والله اعوضج انشالله

الحمدلله على سلامتج والله يعوضج خير
السونار الداخلي مو زين وماانصحج فيه
وسوي تحليل

الله يعوض عليج حبيبتي

كلام ايمانو الحلوه عدل 100%

انا مثل حالتج وايد اجهض وحولوني الامراض الوراثيه بعد ماشخلوني تحاليل

اجسام مضاده وتحليل غده واشياء ثانيه ومافيني شي الحمدلله

اكلي فولك اسد قبل ماتنوين الحمال بشهرين

واقري على عمرج الرقيه الشرعيه انا هذا اللي سويته والحمدلله ربي جبر بخاطري