ابي مكان للفحص الدوري للسرطان

السلام عليكم

الموضوع باين من العنوان , حنا عندنا السرطان وراثه الله يكافينا الشر اجمعين بس الوقايه خير من العلاج, اللي مجربه تقولنا ونبي عيادات حريم يفحصون استحي, وصراحه ودي الكل يفحص احسن شرايكم بنات.

ابوي مات من المرض الله يرحمه وعمتي , وبنت عمتي طلع برحمها وحدي خايفه

حبيبتي سلامتج الف سلامه تعوذي من ابليس وخلي الوسواس بعيد عنج والله يحفظج انشالله

والله على ما اظن المستشفيات الخاصه وطلبي دكتوره وعندج مستشفى الاميري بعد يسوون هالفحوصات

والله ماعندي خبره ان شاء الله البنات يفيدونج والله يحفظج يارب ويحميييج ويعطيج الصحه والعافيه ياررررررب

مشكورين حبايبي بس والله خايفه

ما ادري والله ..

الفحص الدوري وااايد مهم .. واللي قاعده تسوينه اهو الصح ..

الله يحفظج حبيبتي ..

اسم الله علييييييج
لاتوسوسين ان شاءالله مافيج الا العافيه
بس روحي المستوصف قوليله ابي ورقه تحويل على الاميري او مبارك وروحي فحصي مافيها شي حبيبتي

ماتشوفين شر حبيبتي
ولاتخافين
وانا بقولج تجربتي
انا صابني اورام حميده بالصدر اثنين بمكان واحد و رحت لبروفيسور بمستشفى مبارك وسوالي العمليه وبنفس اليوم طلعت لانه ورم حميد
بس انصحج قوي قلبج وروحي فحصي عادي ترى العمر غالي والخوف ماينفعنا واذا في شي هالشي كتبه من ربنا وبس انتي تحلي بالامل وتفائلي
وإن شاءالله مافيج الا العافيه
اي نسيت اقولج كان مع الدكتور دكتوره اهيا اللي كانت تفحصني بعد العمليه
عاد انتي قولي ابي دكتوره
وصدقيني انا مت من الحيا بس شسوي كنت خايفه على عمري

انشالله حبيبتي . احس بثقل بصدري اليمين ويعورني حيل , اليسار عادي شكله وحجمه مو متغير , انشالله بروح.

انشالله خير بس صدري اليمين يعورني وشكله متغير علشان جذي خفت وما علمت امي تقعد تبجي, مشكوره حياتي