ابوي معاق وابي تخفيف ساعات العمل منو تعرف ؟

السلام عليكم

بنات ابوي شايب كبير اعمي مايشوف وطريح الفراش مايمشي في جلطة بريلة واخوي العود اهو اللي مهتم فية ويودية يطق ابر السكري على الويل شير ويودية يعالجة علاج طبيعي ودايمن معاه مايحب الخدم يجيسونة بس حييييييل متأذي من دوامة مو راحمين ظروفه وظروف رعايتة لابوة ويقولهم ابي بس ساعة او ساعتين اعفاء اودي ابوي يطق ابرتة او اطمن علية واداوم مو راضين كلش وكله يخصمون علية اذا اتاخر حسبي اللة عليهم وبس عندي 2 اخوان العود وفي واحد صغير مو مال مسؤلية شخص كبير بالسن او احد يعتمد علية
واخوي تأذى حيل من دوامة وحتا قال للمدير تعال بنفسك البيت عندي شوف حالة ابوي الصحية وشلون محتاج رعاية بس يقول مالي شغل فيك وكاسر خاطري يلاقيها من دوامة ولا من انشغالة مع ابوي ولا من مدارس عيالة ومصاريفهم
المهم مابي اطول عليكم ابوي عندة شهادة اثبات اعاقة من المجلس الاعلى للمعاقين وقالولي خلي اخوج يروح للمجلس المعاقين ويطلب منهم كتاب تخفيف عمل موجة لوزارتة عشان يهتم بالوالد
يصير بنات ولا مايصير وشنو شروطهم او طلباتهم
ساعدوني يزاكم الله خير

والله ما ادري حبيبتي… بس الله يشافي ابوج ان شاء الله

ماكو شروط حبيبتي روحي المجلس الاعلى للمعاقين في الشعب البحري الدور الاول وكتبوا قبلها كتاب اخوج يعني يكتب كتاب بخط الايد انه متكفل فيه ويبي تخفيف عمل حق الاب ويسوله الكتاب عادي موجه لوزارته بس اهم شي يكون ابوج مسجل هناك ان عنده ملف معاق
والله يسهل عليكم ان شاء الله

مشكورين عالمرور ويزاكم الله خير
بس جم يعطونة ساعه او ساعتين ؟
وبسرعه يوافقون ولا يبهدلونة روح وتعال ؟

الله يعينج

اتوقع مافيه قرار جذيه
لاني تعبت ادور ابي ساعات تخفيف عمل لانه ولدي معاق – اعمى وغير تلف المخ والكلى وعمره اقل من سنه وللحين مو لاقيه اللي يجيب لي ها القرار

الله يعيينكم وياجركم على هالتعب ..

حببتي فيه اخت رفيجتي عندها ولد معاق ومسوين لها تخفيف عمل بس مادري والله شلون الطريقه ..

لكن ماحبيت اظنشكم

الله يأجركم ويكون بعونكم حبيبتي وان شاء الله البنات يفيدونج

للرفع

اعتقد علي خصم ؟؟؟؟؟؟؟؟؟؟

اختي هدا
روحي اخذي الكتاب وكل شي يعتمد على الوزاره اللي يشتغل فيها اخوج في اماكن تخصم يعني طبقت قرار الديوان وفي لأ يتعاطفون ويسهلون الموضوع ولا يبيله موافقه في المجلس روحي وين ما قلتلج واي تفاصيل دزيها عالخاص اساعدج

الله يآجركم ويعطيكم العافيه ويشافي ابوج ويعطيه الصحه والعافيه ويطول بعمره آمييين يارب العالمين

نفس كلام خواتي ودي الكتاب وزارتج والله يسهل عليج ويوفقج يارب

الله يخليلكم الوالد
وماتشوفون شر ان شالله

جزاكم اللة كل خير

والله مادري حبيبتي ما اعرف بهالسوالف

بس حبيت اقولج الله يحفظلج الوالد ويشافيه واجركم كبير عند الله على رعايتكم له

اكيد بعون الله يصير حبيبتي ..

بس بسألج ابوج ليش يشتغل دام فيه اعاقه ؟

ليش ماقدم ع الشؤون ؟ تحت فئة مرض .. ؟ اسم الله عليه من المرض .. بس صدقيني وايد عندنااا نمشي لهم معاش مع امراضهم جدا بسيطهم ؟!!!

بعضهم عشان ضعف بالبصر مشينا لهم راتب شهري ..

او تحت فئة شيخوخة اذا كان بال60

حبيت اساعدج يالغاليه والله يحفظ لكم الغالي من كل شر ويخليه لكم غيمة تظلل شمس آلام هالدنيااا عليكم !!