ابليس بوك شنو سالفته !!

سلام عليكم

بنات انا ريلي طلع عنده اكاونت بالفيس بوك وبأسمه الكااامل وحاط الأغلب عنده باللسته شباب معاه بالكلية

وفيه جم بنيه

ولما شفت صفحته وصفحتهم ووردودهم لبعض

احس مادري في شي غلط .,,.. مايصير جذي انا حاسه اني بنفجر وماني قادره اقوله

ولاحظوا انه البنات بس بينه وبينهم سلام وردود عاديه

ويصبح عليهم واللي يحر انه يقولي نفس الكلمة لما يصبح علي اخ يا قلبي ,,

وينزل صور انا ماشفتها اصلا من قبل !!!!!!! صور له بالسفر وجذي ..

مادري احس انا ضايعه … اصارحه واقوله ولا اسكت دام كل شي مكشوف لانه اخاف باجر يصكره ويحط واحد ثاني ما اعرفه

والحين كل شي جدامي واضح .. وانا مسجله بعد همن بالموقع وضفته وسويت نفسي معجبة فيه

لكن

مارضى يتعرف علي وقعدت اتغزل فيه ههههههههه بس مارضى

شرايكم باللي سويته

شوووووروووا علي

والله مادري شقولج بس انتي قوليله انج تغارين عليه لان ماتدرين يمكن العلاقه تتطور بكره ويطيح الفاس بالراس اهم شي التفاهم والله يهديه لج ان شاء الله

رايي بلي سويتيه غلط !!!

والي اعرفه ان جات
ويمكن البنات احد من اهله ؟؟

واهوا جذي جنه ينحط الاسم والصوره

شنو بتصارحينه تقوليله ليش تسولف مع ربعك
عادي الكل عنده او الاغلب عنده

ودام انج ضفتيه وسولفتي معاه يعني عارفه حق الفيس بوك !

الفيس بوك موقع عالمي حق التعارف بين الناس

اي يا بنات انا عارفه الموقع وسجلت بشوف ريلي شنو مااايته

انا هالشي سويته بعرف ريلي شلون صايرر والموقع يشكل خطر ولا لا؟

انا مقتنعه باللي سويته

وهالشي الوحيد اللي اقدر اعرف منه اسلوب ريلي وليش داش هالموقع

!!!!!!!!!!!!!!

شفيكم كليتوني

ماكو احد ماعنده فيس بوك

مدام ما رضى يعني ريلج الحمدالله سيده

وادعي ان الله يهديه ويوخره عن هالبنات

امين يارب فديتج

بس في مثل يقول ابعد عن الشر وغني له

ولاتحط الزيت عند النار

هم في غلط السالفه

ترضووون برياييلكم ؟؟

حطوا نفسكم مكاني

منو كلاج ؟؟
قلتي شرايج ودشينا قلنالج راينا

بنات واللي يحر زياده

اني انا دقيت عليه ومارد علي وعقبها بعشر دقايق دخل الموقع وكتب رد بصفحته

انا قلت نايم واااعليه عليه طلع عقبها بعشر دقايق شابك 😐

شنو هذا التصرف

tmtmt

فهموووني ليش غلط اللي سويته ماني شايفة شي باللي سويته ((

ومشكورة ع رايج

انا اقولج لن لو يدري ريلج انج سويتي جذي
راح يلومج وتنقلب السالفه عليج وممكن ما يوثق فيج بعدها خاااااااصه اذا ما كان عنده شي

وثاني شي انتي الحين ضفتيه وكلمتيه وما عطاج وي
وهم عندج انها مشكله ومو واثقه فيه
ولو مكلمج ومعطيج وي هم نفس الشي

يعني ما ستفدتس من الموضوع اي شي ..

وحطي نفسج مكانه بترضين يتعبث من وراج ؟؟

لا تقولين اهوا ريال يخون غير لا

في حريم بعد اللهم يا كلفي يكلمون على رياييلهم ويخونون

والله يهدي الجميع

والله تبين الصراحه مالها داعي هالحركات ..!!

الواحد يدور راحة باله …وانتي تشترين الي يقثج ..

بسيطة يااختي يمكن جهازه سايلنت ويمكن وقته ماايسمح يكلمج

ويمكن ويمكن ((إلتمس لأخيك المسلم سبيعن عذراً ))

الحلو ان الواحد يعطي ثاني مساحه لنفسه …ونصيحة لاتعلبين دور كونان

رسول صلى الله عليه وسلم يقول (اذا شككتم فلا تتحققوا) …

ريلج واضح حاط اسمه بالكامل مو متخفي ورا نك ويغازل بنات خلق الله

ولا حاط صوور خلاعيه … وكااه مااقبل اضافتج ….

ولما قعدتي تتغزلين فيه رفض لانه انسان واضح ولايرضى بالغلط …

بالتوفيق …

انا مااشوف في شي غلط … انتي بنفسك تقولين ردوده لهم بس سلام

وين المشكله ؟؟؟

حبيبتي .. اذا زوجج موحاط رقمه او حاط صور خلاعيه .. ارقدي وأمني

بس لاتسوين من الحبه قبه على قولتهم وخلج واثقه من نفسج ..
وبطريقتج تقدرين تشغلينه عن اللاب

والله يهديه ويهدي الجميع يارب

عاد اليوم زوجى ولاول مرة يراونى الفيس بوك حقه على سالفه يات شوفى فلان نفس اللبس وقالى شوفى هذا فلانه اللى قتلج عنها هذى فلانه الثانيه بس بصراحه مابينت اى اهتمام ولا شى عاد واذا بسوى شى مثلا بردا الفيس بووك لا يبا هالايام التكنلوجيا وخلافه ماخلت حق الانسان مجال يقول ماعرف شلون اتعرف
الشاهد اذا اهو صار open minded معاج وشاركج لا تقعدين تخلين شكوجج تاثر على حياتج وتلعببين دور المخبر السرى , ترى انتى الى بتتاثرين وانتى اللى بتعفسين حياتج , هالشى ترى صاير منتشر بكل مكان وكل بلد ماتقدرين اتوقفينه