أمهات فاتحين حساب لعيالكم بالبنك ؟؟

السلام عليكم .. شلونكم يا أحلى أمهات وشلون عيالكم .. ربى يحفظهم .. عندى سؤال ؟؟ فاتحين حساب لعيالكم بالبنك ؟؟ هل تسوون لهم استقطاع مثلا .. والله كتبت هالموضوع لان ضميرى يأنبنى قبل جم يوم رفيجتى تسولف لى انها فاتحه حساب لبنتها ومسويه استقطاع وتحط عياديها بالحساب .. ضاق خلقى وقلت ليش انا مو فاتحه حساب وليش ما أخش عيادى عيالى مع ان والله .. عياديهم اصرف عليهم مو على ومعاشى كله لهم .. انتوا نفسى ؟؟ ولا فاتحين حساب لهم ؟؟

لو عندي عيال اكيد بفتح لهم حساب. وهذا شي ضروري، من اول ما ينولد الطفل لازم يكون عنده حساب للمستقبل.

من باجر روحي فتحي حساب أنتي وريلج ،، وسوي استقطاع مبلغ معين من حسابج وحساب ريلج، (الحياة مشاركة)

فاتحه حساب لعيالي بنك التمويل اسمه
حساب البراعم
واحط عياديييهم فيييه او اذا صارت مناسبه وحصلوا فيها فلوس خشيتهم وديتهم البنك
اما اني مسويه اتقطاع لا والله مومسويه ولافكرت بهالموضوع

انا فاتحتلهم حسابات ..
واحط عياديهم بحساباتهم ..

بس ما اسويلهم استقطاع اسمالله عليهم معاشي كله لهم ..
بس ابوهم يحولهم كل شهر ..

أنا اللى ما شجعنى أفتح لهم حساب هو زوجى يقول معااشنا كله حقهم ليش نفتح حساب ؟؟ بس راح أعيد النظر وأقنعه ان نفتح لهم حساب .. ومشكوره يا قلبى على المرور

zajel.. ربى يحفظ عيالج ويسعدنى مرورج .
[SIZE="5"][COLOR="Blue"]رفرف .. اى والله معاشى كله لهم عشان جذى ما فكرت أفتح لهم حساب .ز ويسعدنى مرورج يالغاليه

احنا مسوين لهم كل واحد حساب باسمه

ما اسويلهم استقطاع بس عياديهم واي هديه ماليه توصل لهم احطه بحسابهم

صباح الخير

انا مسوية كل واحد فيهم حساب وابوهم مسوي استقطاع حقهم

والله ينفعهم باجر

وبعيد الشر عنكم انا وابوهم اذا صار عندنا نقص مادي الجأ حقهم وبعدين انرد لهم اللي اخذنا

الحياة مشاركة الكل يشارك فيها

تحياتي

انا اول كل يوم اقول بروح افتح .. بس اخيرا قبل اسبوع رحت فتحت وسويتلها استقطاع..

ربي يحفظها ويجعلها من الذرية الصالحة

ابو عفاف مسوي الخمسين اللى تنزل له استقطاع بحساب الوطني لها وعياديها لا اطيرهم على الالعاب لها

انا اختي اليوم راحت البنك وفتحت حق بنوتتها حساب حطت على الكرت صورتها
ومثل ماقلتي تحط عياديها هناك

عجبني الموضوع فقلت اشارك معاكم

انا مو متزوجه بس بقولكم امي و ابوي الله يخليهم ان شاء الله شنو كانو يسوون لي و لاخواني

من اول ما ننولد يفتحون حساب بالبنك يحطون فيه الفلوس الهدايا اللي يعطونهم و كانو طبعا كل عيد يحطون العيديه و حتى لو نصرف منها كانوا يزيدون العيديه و بين فتره و الثانيه يحطون فلوس بالحساب و حتى شهادات البنوك اول ما حطوهم الحمدالله شرونا باسم كل واحد مجموعه شهادات

هالطريقه احسن لأن على ما يكبرون عيالكم يكون عندهم فلوس

أنا بعدي ما اشتغل .. بس زوجي مسويله استقطاع 50 دينار ويحط له بين فتره وفتره مبالغ ..

انا ان شاء الله اذا اشتغلت بفتح له حسااب ثاني وانا بجمع له ..

توكلي على الله و فتحي حساب حق عيالك و سوي استقطاع من معاشك كل شهر على حسب اللي تقدرين: (50 دينار أو أقل)
و قولي حق زوجك يشاركك بالاستقطاع ( اذا وافق) أو كيفه

باكر يفيدونك هالفلوس اذا كبروا……..
حق دراستهم – سياراتهم – زواجهم…الخ
ما تدرين شنو الزمن
الاستقطاع أضمن

مشكوووووووووريين وما قصرتوا وربى يحفظ عيالكم .. ومن بعد تشجيعكم لى بروح أفتح لهم حساب وكلمت امس زوجى بالموضوع وسكت ما قال شى قلت نفتح حساب لهم والفلوس ضمان لمستقبلهم .. أحسن من هالخرابيط كل ما ينزل المعاش بس اشترى هدوم وألعاب خلا نخش لهم شى للمستقبل .