أخويي رومانسي على الآخر . . .

بقولكم قصة أخويي :
باختصار شاب متدين يخاف ربه بار بوالديه وخواته وقايم بشغل البيت بعد وفاة أبوه ، أخوي رومانسي لدرجة انكم ما راح تصدقون ان هو كويتي
أخوي من عمره 13 سنة يكتب رسايل حب حق وحدة يتخيلها تكون زوجته ، وما يعرف بنات لأن ملتزم ،
تخيلوا كل يوم يبخر غرفته ويعيش جو أن معرس ( يعني مو مينون بس جذي يحب هالجو )
وكل يوم يكتب شنو راح يقول حق زوجته من كلام حلو ورومانسي ، وكل يوم يخطط اشلون يونس زوجته ، وكل يوم يفكر بإبداعات عشان يفرحها ، والحين عمره 24 وكنا ندور له بنت الحلال ، بس سبحان الله ما في نصيب دايما يرفضونه

والولد نفسيته تعبانه على الآخر ، وحبينا نصيف هالسنة برة الكويت ، وسبحان الله صار له حادث وسو العملية في الكويت وكانت نتيجتها عدم القدرة على الإنجاب ، بس لحقنا وحصلنا حيوانات وجمدناها

ولا تشوفون حالة الولد ، هو مؤمن وراضي ، بس ما في بنت ترضى فيه.
وباسم الله عليه ما في شي ينقصه وجامعي ومتوظف