|
شلونكم يابنات وعساكم طيبين
اليوم بنتي إسمالله عليها تخرجت من الحضانة
وبدخلها روضة إنجليزية بس أبيها قوية حيل .. وبما إني توني جديدة عالمنطقة العاشرة
بغيت مدرسة إنجليزية والا فرنسية قوية حيل أدخل بنتي فيها لكن ماعرف المدارس الخاصة
بالمناطق العاشرة
فحيحيل والمنقف وأبوحليفة والأحمدي وغيرها من المناطق إللي حواليني
نصحوني بنات وين أسجل بنيتي ؟؟؟؟؟
رحت طليت على فحيحيل إنكلش سكول إللي وره النادي مدحولي ياها وايد وشفتها إرتحت منها نوعا ما
لكن للحين محتارة شوي
فيدوني من خبرتكم يابنات
أختكم
ريحانة_14
أتمنى إللي عندها فكرة تفيدني
لأن أخاف يخلص تسجيلهم
وبالنسبة لكيمبردج مايمدحونها كلش مع اني مادرست عيالي فيها (عيالي بالمستقبل ثنائية اللغة) بس انتي لاتعتمدين على كلام الناس روحي وشوفيس بنفسج
بصباح السالم
مريت عالهندية إللي بالأحمدي تدرين شكاتبين على لافتتها ؟؟
شاطبين على إسم المدرسة وكاتبين بداله ( المرقاب ) مت مت مت ضحك .. سواية صبيان صغار
==========
أختي وافية .. تصدقين أول مرة أسمع بمدرسة إنجليزية بالقرين .. ياريت بس تعطيني أي قطعه لأني كلما دشيت القرين تعومست وطلعت
=============
الرؤية رفيجتي مدخلة عيالها حييييييييل تمدحها .. بس بعيده واااااااااااايد عن دوامي .. أنا دوامي ورا مينا شعيبة
فصعبة شوي