أبي اصير مدرسة اجتماعيات بالابتدائي

السلام عليكم
شلونكم بنات
أنا تخصصي علم نفس عام وحاليا انا مرشده تربوية بالثانويه وودي أحول واصير مدرسة اجتماعيات بالابتدائي اللي عندها خبره بهالموضوع ياليت تساعدني اذا يصير والا لأ ؟
وبعد سمعت ان اللي مو متخرجه من التربيه وصارت مدرسه لازم تاخذ كورس بالجامعه في ماده التربيه العمليه هالكلام صج والا لأ
وجزاها الله خير اللي تساعدني

ماعندي فكره ..

بس حبيت ارحب فيج في مجتمع المعلمات .. درب شائك احيانا … ولكنه لا يخلو من المتعه

دعاية شامبو ولا ترحيب ؟؟ !!!
موفقه

مشكوره على المرور
وبانتظار ردود زميلات المستقبل

راح تدرسين مادة تربية حياتية
واللي متخرجة اداب تدرس المرحلة الابتدائية وما في لا كورس ولا غيره

جزاج الله خير يا أم جوري ريحتيني الله يريح قلبج
لاني ماني عارفه شسوي اخاف يرفضون نقلي لاني مو متخرجه من كلية التربيه

بالتوفيق يا الغالية

وشدي حيلش وحاولي تنتقلين لمدرسة بنات احسن

كفت ووفت ام جوري كالعاده فديتها

مثل ماقالت راح تدرسين مهارات الحياه

وبالتوفيق

جزاكم الله خير وماقصرتوا

هلا حبيبتي انا مدرسة حياتية ووطنية بالابتدائي

انتي تخصصج علم نفس يعني ما يصير ابتدائي يصير متوسط وثانوي بس
لو تخصصج اجتماع ولا تاريخ جان نقلتي وانتي مغمضة … بس حاولي بواسطة طبعا

صاجه لاني سألت بالوزارة وقالوا لازم يكون تخصصي علم اجتماع
بس كلامج نفس كلام زوجي كل شئ بالواسطه يصير