الوسم: الواحده

و السلام عليكم و رحمة الله و بركاته و الله ينصر المسلمين و يرحمهم بكل مكان

بنات هذي رفيجتي تقول لي عيبها الاكبر على حد وصفها ههههه

تقول انا مره على نياتي و الله بنات صغار بالعايلة يعني بالابتدائي احسهم يقولوم كلام يدل على فطنتهم ماشاء الله تبارك الرحمن ولا حول ولا قوة الا بالله العلي العظيم

يعني الي بهالقلب على اللسان ساعات اخر و اقول اسرار عائلية ولا شخصية على يو سوالف وهي خط احمر

تقول على نياتي حيل لدرجة اذا احد سالني سؤال ارد جواب بحذافيره يعني ما اجاوب جواب يدل على الذكاء
او اجاوب جواب غير مباشر

مثلا جم عمرج استحي اجذب او الف و ادور على طول اخر و اقول جم طولج تحطين عدسات ولا لا ؟

يعني ما تعرف تفرق بين السوالف الي تنقال للزوج او لاي شخص عموما والي ما تنقال له
هي بسن زواج و تقول بالله لمتى هالحاله ما اعرف امسك لساني و اتكلم بعقل مو بعاطفه؟؟؟

هي من النوع العشري و الي بسرعه يندمج و يفضفض
تقول اخاف باجر اتزوج و اطبح الميانه مع زوجي بسرعه و اقوله امور عائلية المفروض ما اقولها و نطيح من عينه او يقول عني غبيه او ما تستحي تتكلم عن اهلها جدامي

شلون امسك لساني؟ يعني مشكلتي الي احسه اقوله على طول ؟؟؟؟ زين ولا شين؟؟؟؟

يا الله ساعدوها ترا احس مشكلتها مو بشلون تمسك لسانها شلون تتعلم تقول الي المفروض تقوله و تسكت عن الشي الي المفروض تسكت عنه

تقول زوج قريبتها سكوتي ولا يرضى العيبه باهله رغم المشاكل العائلية الي ببيتهم ما يقول لزوجته اي خبر شين عن اهله جنهم دفتر مسكر جدامها

تقول ودي اتعلم متى اسولف ومتى اسكت ووش الاشياء الي المفروض اسكت عنها؟؟؟
ترا مشكلتها في اغلبنا تراوالي بس بدرجات متفاوته

يا الله شلون الواحده ما تعلم احد امور عايلتها او وشي المواضيع الي تعتبر خط احمر والمفروض ما نسولف فيها حتى حق روحنا و لما نسولف تسولف باشياء عامه
اعطونا طرق مهارات امثله قصص للعظه