الوسم: الكليات

السلام عليكم

يايبتلكم عنوان السايت مال الجامعات البريطانيه وهذا السايت مجاني فيه كل المعلومات اللي تخص الطلبه اللي يبون يدرسون ببريطانيا واللي من خلاله تقدرون تقدمون على معاهد اللغه او الكليات او الجامعات سواء دبلوما او بكالوريوس او ماجستير او دكتوراه وطبعا الكل يقدر يقدم بنفسه ومجانا بدون اي رسوم وفيه كل التفاصيل اللي ودكم تعرفونها

وعلى فكره ماكو احد يقدر يروح يدرس ببريطانيا الا لما يراسل هالموقع ومن خلاله يقبلونه او يرفضونه لانه اهو الموقع المسئول عن القبول بكل الاماكن الدراسيه ببريطانيا معناة كلامي انكم لازم تراسلون هالموقع مو تراسلون الجامعات لان الجامعات البريطانيا مالها شغل بالقبول الموقع اهو اللي يقدمكم عليهم

للامانه ماحطيت السايت الا لما شفت واااايد ناس بالمنتديات الكويتيه والخليجيه قامو يستغلون جهل البعض بهالموقع وقامو يسوون روحهم بيخدمونكم وانهم بيقدمون طلبكم وياخذون منكم فلوس مع ان الشغله مو مستاهله كلها اقل من ربع ساعه بهالموقع وتقدرين تراسلينهم وعقبها بجم يوم يردون عليكم

الموقع اهو

www.ucas.ac.uk

مشكوووره حبوبه على الموقع

بس اهوا انجلش مافي عربي؟؟؟؟؟؟؟؟؟؟؟؟؟؟؟ شلون اذا بسجل وانا مو فاهمه شي

العفو ياقلبي ماسويت شي

اذا ماقدرتي تفهمين شي لازم تشوفينلج احد يعرف انجليزي او انج تروحين للمجلس الثقافي البريطاني اللي بالمنصوريه واهم يقدمونلج عن طريقهم واساسا اذا تبين تنقبلين بجامعات بريطانيا لازم تكونين مجتازه التوفل او الايلتس على حسب الدرجه اللي اهم طالبينها
هذا اذا كنتي خريجة ثانويه اما اذا كنتي مخلصه مواد بالجامعه وتبين تكملين بره كتحويل او اذا مثلا عندج دبلوما وتتبين تكملين عاد اهني على حسب يشوفون اذا كانت دراستج مدتها جم سنه وماخذه موادج بالانجليزي اهني ممكن يتقاضون عن سالفة الايلتس او التوفل لكن مو دايما لان بعض التخصصات لازم تكونين مجتازه التوفل او الايلتس والا مايقبلونج لو شنو

حطي في بالج ان تقديم الطلبات من الحين لي شهر يناير وهذا التقديم علشان السنه اليايه اتداومين اذا اقبلوج ان الله

الوقت معاج الحين فلا تضيعينه اذا بخاطرج تكملين ببريطانيا تلاحقي على نفسج وروحي قدمي واحد من الاختبارات سواء الايلتس او التوفل وشوفي شنو اللي الله يكتبه لج

عندهم انتساب ؟؟؟

مادري حبيبتي بس يبيلج تدشين السايت وتشوفين اللي يناسبج

مشكوووووووووووووووووووره
صج صج فدتيني
الله يوفقج ان شالله

حياج الله ياقلبي وان شالله اكون ساعدتج ولو بشويه بانج تحصلين الشي اللي تبينه من خلال هالسايت
اسعدني ردج الحلو

بنات هذا بعد سايت يشرحلكم بعض التفاصيل عن الجامعات البريطانيه وتقدرون تقرونه بالعربي

www.uniadmission.com

مشكوره ياعمري بس مافي تسجيل للهندسه لشهر 2 لازم انطر شهر 9 علما ان معاي دبلوم هندسه

العفو حبيبتي
اهم نظامهم سنوي مو نظام الكورسات الامريكي لكن على فكره بريطانيا اكثر دوله تعادل مواد الدبلوم وتقدرين بس بسنه تاخذين البكلوريوس

مشكووووووووووره

يعني ما يصير ادرس الا شهر 9 الياي صح

للرفع

غلاي غير مشكوره على الرفع

شوفي غلاي انا بحطلج سايت وهو تقريبا يرشدج ويساعدج على اشلون تحصلين على قبول وهالسايت بحطه لج وللبنات اللي شوي توهقو بالانجليزي وهو فيه شرح وااافي عن الجامعات البريطانيه وطريقة التقديم والتكلفه وكل شي وهم لو تواصلتي معاهم بالايميل ممكن يساعدون للحصول على قبول والاحلى انه بالعربي يعني ابتقرينه على راحتج

السايت اهو
www.ukdemia.com

والله صج صج صج صج فادني واااااااااااايد موضوعج وونسني
صج انا كنت طايحتله بالناس اللي دفعي هالمبلغ واييبلج قبول
ولما اتصير حزه الصجيه ماكو شي
الله يوفقك ان شاء الله ويريح بالج
وان شاء الله احصل اللي ابيه

حياج الله ياقلبي وهذي الساعه المباركه ليدام اني قدرت افيدج لو بشي بسيط
وصاجه هالنصابين للاسف طايحينله مقصه على هالمساكين الطلبه
يالله
الله يوفقج بالدراسه اللي تبينها ياااارب وعسانا نفرح فيج متخرجه وماخذه الشهاده الكبيره

.

.

.

ز

.

.

.

بنات الي بيغيرون تخصصهم اعلنوا نتائج القبول يالله بنات قولولي انا مقدمة ع تغيير تخصص فما ادري

بنات الحين كيف الدراسه بكلية في مجال الاجتماعيات ابي ادرس هذا التخصص كيف هو هل هو صعب وكم النسبه المطلوبه وشنو ندرس فيه وايضاا كليه الشريعه الاسلاميه كيفها وكيف الدكاتره فيها وهل هل التخصص صعب وكم النسبه المطلوبه افيدوني الله يوفقكم بليييز

انتي قصدج بتصيرين معلمة اجتماعيات ؟!

نعم حياتي بس شاكه بين لاسلاميه والاجتماعيات يعني شنو الاسهل والاريح والاحلى

كلية الشريعه فيها تخصصات وايد ..
والاجتماعيات حلو بس اتمنى البنات يفيدونج ..
عموما جامعة الكويت للقسم الأدبي أدنى نسبة تقبلها 78 ..
وعسى الله يوفقج ..

بناااااااات وينكم فيدوني ولله لكم دعوه بظهر الغيب

اسير مدرسة اسلاميه ولا اجتماعيات هذا هو السؤال شل الاحلا والاحسن والاسهل

هلا حنو العجميه
اولا جامعه لكويت مثل ماقالت اختج تقبل 78% المهم الاجتماعيات من تبع كليه العلوم الاجتماعيه ماتقبل الا 85% وفوق وكليه الشريعه الاسلاميه نفس الشي 85% وفوق ولها عدت خصوصات وان شاء الله اكون فدتج

لاا اذا تبين تصيرين مدرسة اجتماعيات دشي كلية التربيه – تخصص اجتماعيات وعاد بعدين تحددين ( ابتدائي – ثانوي – متوسط )

ونسبة القبوول للتربيه 85% واذا 84% عادي يدخلوون

اما الشريعه 90 % واذا جبتي 78% عااادي تدشينها

واذا كنتي حاطه فبالج تصيرين مدرسه دشي كلية التربيه وحددي التخصص الي تبينه (اجتماعيات -انجلش -رياضيات – اسلاميه …الخ )

موفقه

اما الشريعه 90 % واذا جبتي 78% عااادي تدشينها
حبيبتي مايصير الا اذا تخصصت اداب وبعدين اتحول عاد شوفي متي احولونها

بس شنو الاسهل والاريح انا ناويه ابتدائي

والدكاتره فيها حليوين ومشكورين على الردود وما نسيت الدعوه

والله تعبتكم معي سوري

لا علق المنتدى الغثييث

المهم انا اقوول استخيري وبعدين قرري وانتي تو الناس ع هالامور انتي تخرجي ويصيير خيير ترى بيعطونج وقت كاافي لين تمليين , اسأليني
وشدي حيلج وان شاءالله تدشين التربيه , الله يوفقج

انتي صلي صلاة الاستخارة وشوووووووووووووووووووووفي

عجميه وكلي دلع , انتي اي كليه ؟

السلام عليكم

بنات انا كانو حاطين لي موعد حق التسجيل وراح علي لانه كان عندي امتحان بالكليه مامداني
وحطولي موعد ثاني ماحصلت شعب كلش غير مادتين وخذيتهم

قالولي 5 وحدات حد ادنى مايصير راح يحطون لج موعد بشهر 2
موعدي اليوم 1/3 بس طلع هالموعد بس حق سحب !!

الحين شلون خلص وقت الاضافه ؟؟ ولا في مجال اضيف

الي عندها خبره بهالسوالف تعلمني شسوي حرام يضيع الكورس علي :'(

وعليكم آلسسلآم ..

ان ششآء الله فيه ..
الا اكييد فيه ,,

بآلتووفيق ..

انا بالتسجيل الي كان شهر 1 على ما اعتقد سجلت خمس مواد

واليوم كان عندي تسجيل عادي ضفت مواد وسحبت مادة

يعني التسجيل الي اليوم حق السحب والاضافة

السلام ُ عليكم اخواني واخواتي اتمنى تفيدوني …

انا طالبة سعودية بالثانوية إ وثاني علمي وودي بعد ماخلص ثالث ثنوي

اسجل بأحد الجامعات الكويتية إ لا بغيت اعرفه اني ابي ادرس هنـا عندكم بالكويت يصير اسجل ؟

ويصير التسجيل في الكليات عندكم لو كنت سعودية ..؟؟ ومايكون على حسابي؟؟ ووشنهي المجالات الموجودة عندكم ؟

ابييي اعرف وإلي يسلمكم ردوا علييي لأني بالحييييل ابي اكون بالكويت السنة الجاية

وعليــكم السسسلآم ي هلآ ..

اناا أتـوقــع ان يصيــر عآدي إذا عنـدج تسلسل << يعني شهادتج الثانويه 3 سنين

المـهم اأنتـي طآلبــه الأكيـد ومآبي اعطييييييج التوووقع

عاااااااااااااد اقـولج..<< هذيلآ أرقـآم وزآره التعليم العآلي بآلكـويت بيفيـدونـج أكثــر بتسسجيـلج :

( 22257374-22257373-22257372-22257371-22257375)

أتمـني أني أكـون سآعدتج وموووفقه.~

الله يجزآآآآآآآآش الرحمة والخير والعافية وماتقصرين خيتي ….

انتظر ردودكـــم اخواني واخواتي …. :

حياتي اتصلي عالملحق الثقافي .. اهما المسؤولين عن هذا الموضوع

22550091

وطبعا قبله فتح الخط 00965

و في رقم داخلي / 108

واعتقد اللي بترد عليج هيا الشمري ..

كلميها و اهيا تعطيج التفاصيل ..

———————————–

واحتمال بفرق القبول اذا كانت امج كويتية او لا …
لان تكونين من ابناء الكويتيات ..

———————-
* و مرة(( سمعت )) ان كانو ينزلون النسب 10%
يعني لو طالب ماخذ 95% ياخذ 85 %
لان في فرق كبير بين مناهجنا العلمية و مناهجكم .. يعني احنا مكثفة بشكل كبييييير..
فمادري هذا عالنظام القديم ( لما الكويتين كانو يدرسون ثالث عندكم و لا تغير )
انتي سألي و خليج من القيل و القال
——————-

بالنسبة للتخصصات كل شي عندنا ..
التخصصات العلمية تعتمد عالمعدل المكافئ للقبول فيها ..
( نسبة الثانوية + اختبار القدرات ) = معدل مكافئ

واختبار القدرات يشمل ( رياضيات -انجليزي- كيمياء )

عندنا
طب ( اسنان – بشري )
طب مساعد
صيدلة

كلية هندسة ( تخصصاتها / مدنية – كهربائية- كيميائية – ميكانيكية – بترول – صناعية ) و ( معمارية )
كلية العلوم

كلية التربية " للتدريس "
فيها تخصصات علمية
تخصصات ادبية

كلية الاداب
كلية الشريعة

كلية الحقوق ( القانون)
كلية الـعلوم الادارية
كلية العلوم الاجتماعية

كلية البنات ( يدرسون فيها البنات فقط / تشمل علوم التغذية او الغذائية – علم الاغذية – برمجة كمبيوتر IT – في عندهم مجال للتصميم شي جذي ..) ماا عندي خلفية كاملة عن هالكلية

وبس الله يسلمج :$

————————

حياج الله يديرتج الثانية .. :*

و الله مادري الحين الكويتيين مستوفين الشروط و ما قبلوهم

الله يعطيش العافية ويبشرش بالخير يابعد قلبي مشكورة ع المساعدة ومشكورة ع التعب ويايي
يا ورور92

زوثانكس ع المرور والرد الطيب ياتوتا

تسلمين ياااقلبي

الله يهديهم

جزاكِ الله خيرآ اختي الغاليه

وفقكِ الله

اي صاجة
هذا اصلا مو حجاب
ما اقول الا

الجنون فنون وقلة العقل مصيبة

الله يهديهم
جزاج الله خير

أشكر مروركم غالياتي
نورتـــــــوا موضوعي

الله يهدي الجميع

و لكل شئ حدود …

إرشادات هامه جداً..
يسر القائمة المستقلة أن تقدم هذه الإرشادات الهامه لطالبات الهيئة العامه للتعليم التطبيقي والتدريب والتي تتمنى أن تعينهم في مسيرتهم الدراسية..

قطاع التعليم..
كلية التربيه الأساسية كلية الدراسات التكنلوجية كلية الدراسات التجارية
كلية التمريض كلية العلوم الصحية

1- يحق للطالبه التحويل بين الكليات داخل قطاع التعليم وفق الشروط التاليه:
*التحويل إلى كلية التربية الأساسيه:
أ- اجتياز 14 وحده دراسية على الأقل.
ب- الحصول على معدل تراكمي لا يقل عن 3.50 باستثناء التخصصات التي لها اختبار قدرات فيكون المعدل المطلوب للتحويل 3.00 ثلاث نقاط فقط.
*التحويل إلى (التكنلوجيا- التجاري – العلوم الصحية – التمريض).
أ- اجتياز 14 وحده دراسية على الأقل.
ب- الحصول على معدل تراكمي لا يقل عن 2.00 نقطتين فقط.
2- يحق للطالبه التحويل من تخصص إلى تخصص آخر في نفس الكلية لمرة واحدة فقط خلال مدة الدراسة, بشرط اجتياز الطالبه أكثر من 45 وحده بالنسبة لنظام الأربع سنوات و 30 وحده بالنسبة لباقي الكليات.
3- يوضع اسم الطالبه على لائحة الإنذار إذا قل المعدل التراكمي أو المعدل التخصص عن 2.00 نقطتين.
4- يسمح للطالبه بفرصة لرفع معدلها خلال فصلين دراسيين,وإذا لم يرتفع معدلها إلى 2.00 تعتبر مفصوله من الكلية.
5- يحق للطالبه الإعتراض على الدرجة النهائية لأي مقرر ومراجعة الأستاذ خلال يومين من إعلان النتيجة لتعديل الدرجة أو رفع كتاب تظلم إلى عميد الكلية خلال اسبوع من إعلان النتيجة.
6- يحق للطالبه الإنسحاب من مقرر أو أكثر خلال أول سبعة أسابيع من الدراسة.
7- شروط التخرج من الكليه.
* اجتياز الطالبه جميع المقررات اللازمه للتخرج بنجاح.
* ألا يقل المعدل التراكمي والتخصص عن 2.00 نقطتين.

**للطلبه والطالبات بس انا ذاكره الطالبات لان هذي الارشادات كتبت لهن وحبيت افيد الجميع..

وقريبا..التقديرات والنقاط..

يعطيج آلعآفيه حبوبه ~

مآ قصرتي ~

جهد تشكرين عليه ~

،

حبيبتي الله يعافيج يارب
والله هذا ولا شي والهدف من اللي اسويه اني اساعد المستجدات لاني حاسه انهم شوي ضايعين..

مشكوووووووووره ياقلبي
بميزان حسنااتج ان شاء الله
ويعطيج الفففف عافيه

الله يعافيج ان شالله
حيااج الله
اهم شي تستفيدوون

تسلمين حبيبتي فطوووم على الارشادات المهمه

يعطيج العافيه حبيبتي
وجت بوقتها احنا محتاجين حق هالارشادات

الله يسلمج من كل شر يارب
منورتنااا

الحمدلله انكم استفدتوا حبووبه.

مشكوووورة حيل عليهم لان صج احس المستجدات حيل ضايعين وخاصه في سالفه التحويل

العفوو ولووو ما سويت شي
اهم شي استفادوا

انا مستجده تربيه اساسيه

وابي احول بعدين

شلون اذا 45 وحده

ماقدر احول بكورس واحد؟؟

يعطيج العافيه حبوبة

امممممممممم حبيبتي دلوعه الظاهر اختي فطووم سقطت عندها كلمة واهي تكتب

القصد عدم اجتياز الطالب 45 وحده وحده بالنسبة لنظام الأربع سنوات و 30 وحده بالنسبة لباقي الكليات.

اتمنى توضحك الصوره الحين

السلااااااااااااااااااااااااااااااااااااااام عليكم ورحمة الله وبركاته :.

بنات : الموضوووع باين من عنوانـــــــــه :

تكفووون اللي تعرف الاجابه تررررررررررد :.:. واللي عندهااا تجربه ساااابقـــــه

لأني توني متخرجه بس ماادري متى التسجيــــــــــــــل …..

ومشكووووووورين يالغاليــــــــات

تحيــــــــاتي للجمـيـــــــــ ع

شلون توج متخرجه اذا معاج الحين دور ثاني تسجيلج كورس الثاني بالكليه موالحين يعني هالكورس مافي راح عليج

اختي كانت نفسج

تسجيلج بيكون ع الكورس الثاني
هالكورس يروح عليج لان الحين خلاص مافي تسجيل ..

موفقه حبوبه

وعليكم السلآآآآآآآآآآآآآآآآآآآآآآآآآآآآآآآآآآم

أولاً مبروك التخرج وعقبآل التخرج من اليونفيرستي

متخرجة الحين !

يعني تسجيلج قبل بدآيــــة الكورس الــثـــــــــآنـــــــي

ليش ..! لأن التسجيل لهذا الكورس بدأ من تخرجوا الثنوية يعني من شهر 7 و8

يعني انتهى التسجيل

وبمآ إنج خريجة هالكورس فـ تسجيلج على نهآية واحد

طبعاً بيكتبون بالجرايد وبموقع الجآمعة متى موعد تسجيل الطلبة للكورس الثآني ، يعني خليج على اطلاع بالجرايد وموقع الجآمعة

وإن شآء الله بترتآحين لأن تسجيلج كورس ثآني لآ زحمة ولآ قثى

وأنآ كنت مثلج مقبولة بالجآمعة كورس ثآني

موووفقة حبيبتي

مشكووووووووووووووووووريــــــــن ويعطيكم العافيه

عن جد فدتوووني يالغالياااااات

ملح العذارى تسلميــــــن يالغاليـــه ماقصرتي ….

اكيد رااااح اتابع الجرايد لأن الوقت راااح يكوون على شهر واااحد واثنعش

وعسى ربــــــــي يوفقكم جميــــــــــــــــــــــــــ ع يا رب

حبيبتي مثلـ مـآقآلوا البنآت …

انتي للآسفـ طآفجـ تسجيل الكورس الآولـ …

عآد نطري تسجيل الكورس الثآني …

رآحـ يفتحـ ان شا الله على شهر 12 ولا تحآتين رآحـ يحطوون الموآعيد بالجرآيد ان شا الله …

وموفقهـ ان شا الله خيتوووو …

هاي بناااااات شلونكم شخباركم

بليززز بنات اللي تعرف رقم واحد او وحده يسوي بحث بليييييييييييييييييييز تدزلي خاص ويكووون بسرعه ترى الاحد تسليم بحثي وحدي مو عارفه اكتب شي

up

up

up

شدعوووووووووووووه

ان شاء يا الغاااااااليه بس اخذة من رفيجتي وادز لج يا حلوة اوكي

امانه بليز بنات بسرعه شدعوه

حبتي موسهله انا ماجربت شغله بس اذكر في التجمع الي مسوينه البنات لكليه الحقووق في المنتدا كاتبين عن وحده خوووش وحده محترمه وسنعه تسوي بحث بدزلج رقمها عالخاص

مشكوووورة يا عمري