الوسم: الراشد؟؟

السلام عليكم..
شلونكم بنات شخباركم؟

آنا أراجع عند دكتور بدار الشفاء ،بس ناوية أولد برويال حياة فأبي أحول عند دكتورة حق ولادتي..
ومحتارة حيل بين د.نداء بوخضور ود.أمل الراشد اللي برويال حياة..انتوا شرايكم؟شتنصحوني؟

وأيهو أحسن ..تكون دكتورتي تابعة حق مستشفى معين ولا عيادة خاصة؟

ناطرة ردودكم الحلوة

د نداء بو خضور

لييييييش؟

والله عن نفسي وعن تجربة امل الراشد
وشوفي تجمعها
اما المرة الاولى عندها والحين بعد اراجع عندها
حنونة وصبورة
وخياطها ممتاز وشاطرة

صج يعني تنصحيني فيها؟وما سمعتي عن د.نداء؟

والله نداء ما اعرفا ولا اعرف احد من اهلي او رفيجاتي جربها
شوفي البنات شنو يقولون؟
انا عن نفسي جربت امل واهلي عندها وبعض رفيجاتي

مشكورة حبيبتي ماتقصرين

نداء بوخضوووور وعن تجربه
وولدتني برويال حياة من 3 اشهر

صج؟ وشلون كانت تجربتج معاها؟

دكتوره نداء حبوووووبه حيل صبرت علي يومين وولدتني طبيعي مع ان كان وضعي طبيعي بس سبحان الله الرحم موراضي يفتح معاي كلش وولدت وانا نايمه ماخلتني احس بالولاده نهائيا خلت علي كمام واهيا بشطارتها طلعت بنوتي بدون حتى مااساعدها صج صج تعبت بولادتي كانت تروح عيادتها تشوف مراجعينها وترجعلي وهاذي حالتها تروح وترجع يزاها الله الف خير

ما شاء الله عليها .. صج كبرت بعيني بحركتها هذي
والحمد لله على سلامتج ومبروك ماياج

الله يسلمج حبوبه ويبارك بعمرج
وعلى فكره كنت بعد ماخذه ابرة ظهر يعني ابره مع كمام حدي حدي بعالم ثاني لووووووووول

إي هذا اللي آنا ناويته هههههه خوافة

للرفع

انا جربت نداء ماعجبتني كلش

قوة بنوتات واحلى امهات
الموضوع امبين من العنوان ياليت تفيدوني اذا وحدة اولدت تكتب تجربتها وبجم الغرفة خلال الفترة هذي يعني لا يكون بعيد او ووحدة تصيرلج اولدت اهناك
ومشكوووووووووووووووووووووورين

الله يهون عليج
بس ترى موغالي تطلع لج بحدود ال 800 او الف
بالكثير. وعندهم دكاتره. شطار. منهم الشربيني ونصر هيبه
يقولون رجع للراشد

طيب حبوبة هذي الغرفة العادية؟؟

الله يسهل عليج

اب اب

اي
وانتي طبعا تبين الاسعار حاليا
لكن انا شفت محد رد قلت بقول اللي اعرفه
عن المستشفى. صج خبري فيه من سنتين
بس مايزيدون الاسعار. يعتبر رخيص ماديا

اب

اب

عن تجربه شخصية دكاترته ممتازين

مرحبا حبايبي

بغيت استفسر عن ولاده الراشد منو جربت

شلون عنايتهم؟؟؟

ومنو احسن دكتور عندهم؟؟؟

وجم تكلفه الولاده عندهم

هلا والله يالغاليه انا جربتها حيييل حلوه عند دكتوره ايفا ماتحسين بشي تنامين تقعدين والا خالصه ولاده صج صج ارتحت عليها كلفتني 300 مع الادويه

انا جربت الراشد مرتين ……..بس من 6 سنوات
حلو والعنايه حلوة بس طبيبتي ماهي موجودة ولدتني وطفشت…………….هههههههههههه
المهم اسعاره حيل مناسبة وعلى فكرة هو ارخص المستشفيات الخاصه عندنا

انا بعد جربت الدكتورة ايفا مثل ماقالت الاخت تنامين وتصحين انتي والدة طبعا السهالة من رب العالمين وانا خذيت سويت بشاير وقعدت 3 ايام ب 600 دينار مع الادوية

انا ولدت عندهم عند دكتوره ايفا ونفس البنات
نمت وقعدت وله انا والده وخالصه :/
واخذت سويت بالدورالثالث مادري شسمه كلها كلفني جريب ال 700

للرفع

حبيبتي انا جربتها بعيالي اثنينهم الله يخليهم الاول اللي هو البجر عن ايفا وايد حلوه ما حسيت الا لما ودوني الغرفه اما الثاني تعذبت شوي لان جاني طلق مبجر اخر اسبوع بالثامن والرحم مبطل4سم الحمدالله تجي من ربج سهالات ان شاء الله

الله يقومج بالسلامه

يهبلون

انا عيالى الاثنين عندهم

والسهالات من رب العالمين

انا ماجربتها بس ناس واجد يمدحونها

انا جربت مستشفى الراشد كنت اراجع عند دكتور مدحت الشربيني الصراحه روووعه بالضبط مثل ما قالوا البنات ما حسيت كلش بالولاده

والله يسهل لج ولادتج

انزين بنات الدكتور محمود عبدالستار اشلونه منو مجربه

انا وامي وخالاتي كلناااااا عند دكتورة ايفا حدها تهبل بس بغيت اسأل عندهم غرف حلوة وفخمه ولا لا لان احس المستشفى جدا عادي مو فخم بس افضل شي دكاترتهم انا جربت الشربيني وايفاااااا رووووووعه

عندهم جناح ملكي الي يصير سويت غرفه وصاله وحمام ومطبخ اهم جنه عندهم 3سويتات
احلى واحد الي بالدور الثالث
انا قعدت فيه
اهو ترى مو فخم فخم فخم
بس بالنسبه حق مستشفى الراشد وايد حلووو وفيه غرفه الي فيها سرير المريض وقعدات جدامها صاله وفيها حمامين مو واحد جنه ماذكر
انا ولدت قبل 3 سنوات ونص

شوفي يا الغاليه
انا والده فيه سنه 2001 يعني من 8 سنوات
عند إيفا

الدكتوره زينه
بس ما سوتلي تجميل ولا كلمتني بالموضوع
تنامين وتقعدين والده

بس المستشفى ما يريح

قديييييييييييييم حده

خذيت أمبر سويت
يلوع الجبد مادري إذا الحين مغيرينه والا لأ

وبعدين غرف الولاده بينهم ستاير
تسمعين صراخ اللي يمج
تلوع جبدج
والدكتور اللي ايي يفحص

يفحص ويحوس فيج واحد ورا الثاني

يعني أنا كنت ابي ايفا بس

قالولي اي تيي تولدج بس لازم احد يفحص
الدكتور الموجود
يوني 3 العبو في حسبتي وانا كلها ساعتين بالولاده

والله نصيحه

اي ارخص
بس والله ولا ببيزه

جربي المواساة ورويال والله ماعليهم

عن تجربه

موفقه

الله يقطعهم مستشفى ولاشىء بصراحه ولدت عندهم ب2002جبت ولدى كانت دكتورتى تريباااات الله لايذكرها بخير بناااااات والله العظيم كان راس الياهل طالع كلش كان يصكون رجولى لين تجى دكتورتج والله العظيم حاشنى فتاق من حركتهم الله يقطعهم عيالى الباقى بالمواساة ولاأفكر اولد مرة ثانيه عندهم كنت بجر وغشيمه صج الدكتور الزين عندهم بس مدحت الشربينى

تم التصويت
انا بصراحه جربت الراشد ولادتهم روعه والمستشفى هادي ماعليه ضغط
والدكتوره ايفا
بس الخياط موشي
والامومه ماغامرت فيه لانه جديد
لكن تو انضم لهم محسن طلبه وهذا فنان لايعلى عليه بالخياط

انا انشالله ولادتي راح تكون بالراشد … مراجعتي كله فيها … ومن قبل سويت عمليه تنظيفات … عند الدكتوره بوليانا

انا صراحه جربت الراشد اول مره تيتيانا ماتغير شي لاني بجر وثاني ولاده ايفا بس الله يسامحها ماضبطت الخياطه وعانيت حييييييييييييييل وحاليا سمعت عن الامومه ويمدحون فيه دكاتره واللي تعرف دكتورات نساء ولاده فيه لاتبخل علي

الامومة الدكتورة سولاجا
الدكتور محمود السيد

الراشد عند دكتور مدحت الشربيني كنت كل مراجعاتي عنده بس وقت الولاده ولدت بحكومه من سوء حظي

انا كله بالراشد الحمدلله وماحب اغيره

عند دكتوره ايفا

..
..

السلام ورحمة الله وبركاته

:
:

انا ولدت 2024 بمستشفى الراشد ولاده سيئه كل شيء حسيت فيه

والكمام يطيح واركبه بهدله وانا من الالم بوادي ثاني خياطهم
موشي موشي موشي بالثلاثه ( رحت بعدين عدلته بدار الشفا )
والكل اجزم وقال

مولدتني روسيه ايفا مافي غيرها هي والمصريه
وايفا حضور بس باّخر اللحظات اللي يباشرونج هنديات
وحتى الخياط مو هي تخيط كلهم هنديات

والسريفس ( معدوووم ) طبعا تبين ماي تقعدين ساعه دورين احد
يتلطف ويجيبه

وولدج لابغيتيه محد يجيبه يعني ينطرونج ساعه او اكثر

انا طلبته طولت انتظر جتني تقول راح نجيبه وقعدت
وفي الاخير قالت بنسوي سونار للحوض / على كيفهم

والطفل يبكي عندهم تحت وينقهر وتطلع روحه محد يشيله
يوم جيت بطلع واّخذه لقيت صوته مبحوح من كثر ما بكى

وغرفهم مكبوته درايشها صغيره ( مافيها نفس )
يعني فوق كاّاابة بعد الولاده /.. ضيقة صدر

..

..

..

ويوم رحت اراجع بولدي معامله خايسه وسسترات هنديات
نفسياتهم خايسه يعني ( .. الراشــــد..) اكس بالثلاث

..
؟؟

تبين نصيحتي في دكتوره كنت اراجع عندها قبل ولادتي بالراشد

هي بمستشفى دار الشفاء هي اللي عدلت خياطي بعدين

روحي عندها ( كانت بدار الشفاء وانتقلت لمستشفى السيف )

روعه اسمها راجني نفسيتها حلوه ( هنديه )

..

بنات لحد يفكر بالراشد نصيحه لوجه الله

والامومه بصراحه يمدحون فيه بس ماعمري ولدت فيه

ويقولون عندهم دكاتره جاين من المواساه ودار الشفا
..

بس حبيت ارفع الموضوووع
وان شالله كلكم تولدون بالسلامه

انا توني والده بالامومه عنايه ولا اروع وشرحه الغرف ودكتورتي كانت عبير بس الحين راحت بعثه كندا يمدحون سولاجا ومحسن طلبه ماعليه كلام والسهالات من ربي وعسا الله يهون علييييج

ما ادري اختي تولد عندهم ومرت حماي وحماتي

يمدحونهم ويمدحون عنايتهم

اما الامومة جديد ما ادري بس محسن طلبة مشهور حححيل

استخيري

مرت اخوي ولدت بالراشد تهبل ولادتهم والدكتور يهبل انا كنت اراجع عنده محمود عبدالستار
والحين اراجع عند دكتور نصر هبه اوشي جذي
وييييع جربت يوليانا مادري شنو عمه ابعينها خرعتني وقالتلي اجهاض يوم رحت السيف قالولي مافي شي وسمعوني النبض

الامومه ماجربته بس الراشد حلوه ولادتهم والسسترات كله فوق راسج

بعد نبي ارائكم بنات

رفععع

السلام

بنات بغيت اسالكم

من فيكم جربت او سمعت عن الولاده القيصريه في مستشفى الراشد؟ اقصد من ناحيه فتح البطن والخياط

ياليت تردون علي بسرعه

هلا حبيبتي
وناسه انا اول وحده ترد عليج
انا ولدت بجري بالراشد بس انا رحت الراشد مو عشان المستشفي لا طبعا عشان دكتور اسمه نصر وااااايد شاطر وزين
من حملت وانا اراجع عنده بالراشد واهو اللي ولدني
خياطه زين وممتاز
شللي بتعرفينه انا حاضر اجاوبج عليه

مشكوره اختى

الله يوفقج ويرزقج بالولد الصالح

والله يسامح الباقي

والله ماهندي فكره
ماحبيت ادش بدون لا ارد
والله يسهل عليج

والله حبيبتي ماعندي فكره انا ولادتي بالراشد طبيعي والحمدلله
س ولادتهم وااااااااااااااااااااااااااااااااايد زينه الطبيعي يعني
فما بالج قيصري يمكن حلوه بعد
مادري ان شاء الله يفيدونج البنات المجربات

شاكره لكم الرد يالغاليات

السلام عليكم
شلووونكم؟؟
بنات بغيت احسن دكتوره لعلاج البشره بالمستشفى الراشد او دار الشفاا!!
بنات بليييز ردووا علي لاني برووح باجر ان شاء الله
ناطرتكم

السلام عليكم

شخباركم ………….

بنااااااااات اشرايكم بالدكتوره أمل ,في بنااااات يمدحوونه وفي بناااات يذمونه

الي مجربتهااا تنصحني اشلون ولادتهاا وخياطهااا انا سمعت انه كلش ما تنطر ولا فيها صبر حزت الولاده علطوول قيصري

لا تبخلووون علي انا بجر وتوني حااامل ولا أعرف في الدكاتره

up
up
up

وااايد يمدحونها

في تجمع هني حق اللي يراجعون عندها

شوفيه عشان تستفيدين

بس انا لاحظت اسعارها اغلى من غيرها مادري ليش

والله يسهل

حبوبه البنات اللي يراجعوون عندها امسوووين لهم تجمع

دخلي وشوفي التجمع احسن واقري تجاربهم

https://www.q8yat.net/showthread.php?t=368311

وتقبلي مروري

توني ادري انه في تجمع لها

يعطيييييييج الف عافيه

ماعندي فكره عنهااااااا

تهبببببببببببببل و تصصصصصصصصصصصصصصصبر

انا والدة عندها برويال حياة و تصبر ع الوحدة و خياطها يهببببببببببببل

آنا كنت أراجع عندها لما كانت برويال حياة وتعورت بالرابع وما شاء الله عليها ما قصرت معاي صراحة
مولدة بنات عماتي وحدة طبيعي ووحدة قيصري ويمدحونها
وأهي نفسيتها وايد حلوة وحبيبة
غيرتها لأنها أنتقلت السلام
بس فيه وحدة من الأهل قالت لي أنها أثناء الولادة كانت زينة بس تأذت لأنها حطتلها تكرمين بربيش للبول وآنا أدري أنه عذاااااب وما أحبه كلش وتقول لما ولدت وخلصت خلت البربيش فيها وراحت وأهي قامت تصارخ من العوار والسستر ما يصيبر تشيله لازم الطبيبة أهي اللي تشيله وتقول على ما يت وشالته إلا آهي ناضية من العوار
وشغلة ثانية بعد تقول أكتشفت أنه حاطة لها فتايل!!! وعقب مدة شالتهم تقول لي يومج ماني عارفة السبب مع أنها والدة أكثر من مرة قبلها !!
آنا أستغربت صراحة بس المرة اللي قالت لي السالفة ثقة وما تخربط وآنا أساسا كنت مهونة عنها وأراجع عند طبيبة ثانية فما همني الموضوع

السلام عليكم انا ولدت عند الدكتورة ولادتين مختلفتين تماما وحدة بالعاشر وطلق صناعي والثانية طلق من قبل التاسع وولدت بثاني يوم بالتاسع واراجع عندها انا وخواتي بصراحة الدكتورة جدا ممتازة وفاهمة وخبرة وخياطها ممتاز تخيط حتى لو كنتي بجر انصحج فيها حيل ولا تغيرينها بس عيبها الوحيد انها ماتولد الحين الا بالسلام لجذي حاولت دور احسن منها بس بصراحة مالقيت وخايفة اجرب غيرها
وبالنسبة اللي قالت عن البربيش انا الدكتورة حطت لي بس طبعا موهي اللي حطته لان السستر هي اللي تحطه وهي اللي تشيله وانا استغربت من اللي تقول الدكتورة تشيلة لان حتى حطته وشالته السستر وهي تحطه اذا كان الياهل مو نازل راسه عدل بالحوض فتخلي المثانه فاضية عشان تسهل نزلته بالحوض

الدكتورة تهبل انا ولدت عندها برويال حياه وانصحج فيها صراحه بالها طويييل