الوسم: البنت

السلام عليكم حبيباتي

انا بصراحه عمري مااستخدمت الرشاد وابي استخدمه

رفيجتي نصحتني فيه انه ينظف الدوره

لإن انا كل دورة اتألم حييل مو مثل قبل فقالتلي يمكن فيج دم متجمد يسبب عوار

عااد انا مالي بالاعشاب يوم قلت حق امي ولا تقولي منو قالج الرشاد حق البنت؟ بس حق المتزوجة !

وقالتلي يستخدمونها بالنفاس وهمن الحلبه قالتلي لاتجربينها مادري احترت

انا سويت سيرج قريت انها توقف الدوره وناس تمدحها

فمادري انا بستخدمها بس خايفه تزيد الطين بله؟

شنو نصايحكم خواتي؟

وهمن متى نستخدمه أول أيام الدورة ولا أخرها ؟
في ناس تقول اذا اخذتيها بأول ايام تنشفج بسرعه وفي ناس تقول اخذيها بأخر ايام الدوره
عشان تكونين نشفتي صح واهي تنشفج بعد فشنو الافضل؟

عادي حبيبتي الرشاد مايضر البنت
واذا متردده و جاتج الدورة اشربي دارسين
واعشاب هم تهدي العوار وتنزل الوسخ كلة

مايضرررر البنت الرشاد بس لاتاكلينه الا آخر يوم بالدوره لانه ينزل كل اللي فيج وينشفج فتوقف الدوره ..فمو زين بالاايام الاولى ..

ططيبب شلون استخدمه انا علي الدوره الحين يوم ثالث لها

انا نفسج قبل اموت من عوار الدوره بس بعد ماطبقت اللي بموضوع اختي داهية مطير جزاها الله الف خير

وخصوصا اللهوم اللي كاتبه عنه وربي مرت الدوره وماحسيت فيها الحمدلله يارب

والرشاد كنت اخذه ثالث يوم للدوره وينزل الدم كله وهذا رابط موضوعها

https://www.q8yat.net/showthread.php?t=739509

مشكوووووورين بناااااااات

بس احترت اول ايام ولاآخرها؟

نووووف الكويت
مشكوووره حبيبتي
بس داهيه الرشاد عندها ماحددت بس شكلها تقصد كل يوم؟

حيرتووني

العفو حبيبتي وداهية مطير صج مو محدده يعني عادي حتى لو من اول يوم

uuuuuuuuuuuuuuuuuuuuuuuup

اب اب

[B]السلام عليكم …… شلونكم يا بنات؟
و الله انا من ثقتي فيكم قلت بقولكم مشكلتي و اشوف رايكم فيها
القصة و ما فيها يا طويلين العمر [B] انا متزوجه من سنتين و نص و في بداية زواجي لاحظت تصرفات و حدة من جماعتهم ( تصير بنت و لد عم زوجي و حماتي ماخذة اخوها) هالبنت جني ماكله حلالها سبحان الله من اول ما شفتها حسيت انها ما تحبني اول مره و ريتها البوم صوري ما علقت على و لا صوره كلة تقول الله ياحلو فلان قصدها عن زوجي طنشتها بعدين كل ما تجينا (( الحبيبة كل اسبوع تطب علينا مرة و لا مرتين قصدها تزور حماتي الصغيره اللي اهي اصغر منها بخمس سنين و على فكرة اهي اصغر مني بسنة) تسال فلان و ينه اذا قلنالها موجود تفصخ العباية و تعدل الشوشة و تتمخطر يا نازل من الدرج يا صاعده الدرج المهم هما طنشتها قلت يمكن على نياتها لين مره رحت البر مع جماعتي و طبعا منو كان موجود اكيد عرفتوا ما غيرها الحبيبة جاية مع حماتي و نمنا يومين و لاحظت ان كل ماتشوف زوجي طالع من خيمة الرياجيل تقعد تغني جدامي الاسمراني مر يا يمه و من هالاغاني( من زين الصوت عاد)
جان مرة يدق زوجي علي و انا مسيفة اسم باسم حبيب قلبي جان اول ما شافته تقعد تضحك و تقول زين انتي متاكدة ان انتي حبيبة قلبه جان اقولها اي متاكدة و اوريها مسج غزل كاتبة زوجي لي علشان اقهرها و فعلا ماتت من القهر
المهم و الله طول هالفتر متحملتها لين امس كانت مو جوده عندنا بالبيت و لما نزلت من فوق كنت قاعده انا وزوجي نتعشى و اول مادرت اركضت للمراية عدلت العباية و نزلت النقاب رحت لين عندها و سلمت عليها و قلتلها طلعي من الباب الثاني زوجي قاعد يتعشى قالت لا عادي بطلع من هني و راحت و لا توقف عنده و اهو يتعشى و و تسلم عليه شلونك بو سعد سمعت انك تعبان ما تشوف شر

اللمشكلة اني انا هما تعبانه ما قالتلي هالكلام

ادري طولت عليكم بس قولولي شسوي مع العلم ان ماكو مقارنه بيني و بينها انا احلى منها بواجد و زوجي الحمدلله متاكدة ان يحبني و اهو انسان يخاف ربه و لا يحب هالسوالف بس على قولتهم كثر الدق يفج اللحام

لووو انا ادوس ابطنها

لا تبينين لزوجج هالشي وبالنسبه لها حاولي تقطين نقزات اشفيج تترززين عسى ماشر حبيبتي
هالنوعيه يخافون بس نا يستحون
دايما بيني لهاا انج فاهمه حركاتها بس مو هامتج لانج الاحسن

الله يكافيج شرها

صج حركاتها حركات يهال و وويها عريض
هالاشكال ما ينفع معاهم الا واحد من اثنين اما المواجهه بانج تقطين نغزات او تلمحين عليها و على تصرفاتها
او تحقرينها لين تبط و تموت من القهر !

شكلها تحبه من زمان
وتبي تلفت انتباهه بس مالج شغل فيها
حريها هههههههههههههههه
بس زين سويتي فيها وريتيها المسجات تلقينها تاكل بنفسها هههههه
المهم اهوة اختارج انتي يعني يبيج انتي مايبيها اهي شكلها
حاطه العين عليه
بس انتي لاتعطينها فرصه وكله ادلعيه جدامها ختموت قهر
ههههههههههههههههه
ولاتحطين عقلج بعقلها خليج انتي اكبر من هالسوالف
بس ديري بالج لاتخطف ريلج مدام هذي سوالفها
ولاتعطينها مجال ولاتعودينها انها تمرج كل مرة
واذا اهي موجودة خلي ريلج يتاخر لايجي البيت مبجر
طرشيه اي مكان
سوي اي شي بس علي شان لاتشوفه ههههههه بتموت
من القهر

شوووووووووووووووووووي ادوس في بطنها

قولي احرقها

اذا شفتيتها رايحه عند ريلج وبتكلمه او بتمر من يمه تعاااااااااالي بسرعه ومسكيه من يده وقولي له تعالى حبيبي ابيك بسرعه
خليها تنقهرررررررررررررررررررررررررررررررررررررررررررررر ررر

الله يكافينا شر بنات هالوقت

قطييييييييييييييييعه تقطع هالاشكال اللي ما حلاها ربي صج فهره و عينها قويه
شوفي حبوبه
لا تبينين حق زوجج هالشي
و اهيا قطيها بويهاا اشكره عسى ماشر ؟؟ اقولج طلعي من الباب الثاني ماتسمعيني ولا صمخه ؟ جدام الكل لا تقطين كلام بينج و بينها لأ خل يكون الكلام اشكره جدام الجميع و قولي حق حماتج الصغيره يافلانه اذا يت رفيجتج هذي لو سمحتي ماتخلينها تتمشى بالبيت بدون حجاب في رياييل بالبيت

الله يساعدج و الله
اشهالأشكال؟

يا لووووعة الجبد

على قوووولة بنت اختي

هذه شتبي مالت عليهاااا

بعد عمري تمشكلتي مع على الي القثه

لا تقووولين لريلج

ولا تقووولين لهاااا

ولا تكبيرين السالفه

بس قولي سالفتج على انهااا وحده من رفيجاتج صار لها جذي وجذي جداد الكل

حست كان بهااا

ما حست لا والله حاجيهااااااا وجعميهاااا

بس كلش كلش كلش

لاتقووول لريلج

يشوووف نفسه عليج

شكلكة زوجج ليلحين مو حاس فيها لا تقوليله شيء لا تنبهينه والله يهداها يبا زوجيها افتكي منها

الله يكافينا الشر شهالنماااااااين بعد؟؟

شغل هلالالالالالالالالالالالالالالالالاقه

اختي مهما كان زوجج يحبج ومهما كنتي واثقه منه الله يسخره لج يااااااااااااارب

لا تغفلين عنها كلش ككلش خليج لها بالمرصاد

لا تعطينها ولا فرصه تتلي بريلج او تتكلم معاه

اهم شي انكم واثقين ابعض عموماً لا تخلينها تجي عندكم انتي ساكنه برووحج ولا مع اهله؟؟؟؟ حياتي

دايما ادعي انه الله يكفيج شرها ويصدها عنكم واذا شفتيها مصختها حيلج بالنقزات
صج قله ادب

اذا شفتيها قولي بينج وبين نفسج ((اللهم اكفنيها بما شئت))

وادعيلها تتزوج وتنزاح من طريجكم

وييييييييييييييييع شنو هذي ولو انا مكانج جان من زماااااااااااااااااااااان دايسه اب ابطنها صج هيلقيه ومعيديه وما تستحي ولا اتلمحين ولا اتبينين لزوجج هالشي بانها اتسوي هالسوالف عشانه ، صج ما تستحي واذا تبين الفزعه افا علييييييييييييج بص صفريلي وانا حاظر هههههههههههه الله يعينج عالزباله حشاج والله يتمم عليج انتي وزوجج انشالله

السلام عليكم

شلونكم يالمتزوجات ، شخباركم؟

اول شي هذا النك مشترك بيني انا ورفيجتي فلا تستغربون من المشاركات

ثانيا : انا بعدي ماتزوجت بس بتزوج عن قريب ان شاء الله ، انا من فتره يعني كم شهر يجيني عوار في بطني وظهري من

تحت يشد حيييييل امووووت من العوار بس بدقيقه ويرووح ودايما أغير الاندوير مالي (يتوسخ من الافرازات ) وحيل

متضاااايقه ، بس انا ملاحظه إني لمن أشرب المره أحس إن هذي المشكله تروووووح والحمد لله بس انا قاريه بموضوع

وحده هني معانا بالمنتدى قريت ردود الخوات إن لاااازم ترووح الطبيب وتعالج ! تعتقدون إن لمن ترووح الالتهابات لمن

أشرب المره يعني لمن يرووح العوار والافرازات كااااااااااااااافي وما يحتاج أروح الطبيب ؟؟ لأني خايفه لمن أتزوج

وأحمل يقولون إن الألتهابات تسبب العمى للجنين ؟!!

والله حدي خااااااااايفه

روحي الطبيب اضمن

بس يتراوالي ان البنت ماتييها التهابات جايده مثل المتزوجه

وبعدين اذا بتتزوجين لازم تعالجين عشان نفسج وريلج قبل لاتفكرين بالحمال معقولة بتظلين على هالافرازات والبلاوي لين تتزوجين ؟

حبيبتي نقعي محل خش بطل ماي وغسلي منه وكل يووم

ماراح يضرج ابد وسوي تحاليل جيكي ع نفسج

امم صح روحي شوفي
ترا هم الملابس لها تأثير
يمكن اتغسلين ملابسج الداخلية بالكومفرت ( هذا يأثر بعد )
لازم مايكون فيها عطر
وعلى طول استخدمي غسول خارجي

انا اقول روحي الطبيب عالجي احسن ويمكن هالالتهابات تسبب لج تاخر بالحمل متسقبلا
تطمني على نفسج احسن ؟

يزاج الله خير عى الرد

بس حالتي تيجيني من فتره لي فتره يعني من شهر لي شهر ومرات شهرين بس مو كل يوم يعني تجيني ايام وشهور زينه ما فيني شي ،والعوار إللي بظهري يظل دقيقة ويرووح يشد حيل وتتيبس خواصري وظهري ،
انا اول شي عبالي فيني التهاب بالمثانه بس من شفت الافرازات طالعه من رحمي عرفت إنه التهاب بالرحم

حبووووبة لازم تروحين الطبيب تسوين فحوصات احسن

انا مثلج

وللحين مارحت الطبيب

بس انا الفرق اني عروس

بس انا مافيني عوار

بس حرقه وافرازات

مادري والله شالسبب ومادري بحاول اروح الطبيب واشوف شنو المشكله

.
.
.

والله أنا استخدم دوااء أشتري من مرا تبيعه
كل دوره أشربه مع الحليب يخفف العوااار ويشيل الإلتهااباات
وهم بعد اشربي مع الحليب مره هم تنفع
أنا بنت توني مااتزوجت وان شالله عن قريب عرسي

يعطيكم العاااافية ما قصرتو

بس شنو الفحوصات إللي يسونها ؟؟

لازم تروحين الطبيب ضروري حبيبتي

والله انا خووووفي من الحمال اخاف يصير بالجنين شي

شكلي برووح الطبيب ابي حل للسالفه هذي إللي ملوعه جبدي

بنات لا تهملون عمركم روحو الطبيب على طووووووووووووووووووووووووووووووووووووووووووووووووو وول

وان شاء الله الله يعطيكم الصحه والعافيه

والله يوفقكم ويهنيكم

ومبروك مقدما

الله يشفيج حبيبتي …

آستخدمي غسول يومي .. أو منقوع البابونج آغتسلي منه . وآيد زين

خوااتي شنو نوع الفحوصات ؟ أسويهم بالمصتوصف ولا المستشفى ؟

مساء الخير
اتمنى ان موضوعي يكون خفيف وحلو …
شلونكم شخباركم حبيت اتكلم عن بنات الكويت الحمدلله ما عليهم قاصر بس ليش الكل قام يطلب شروط تعجيزيه تخلي الشاب الكويتي يبطل يتزوج من الكويت يعني انا وحده يضيق خلقي لمن اشوف واحد مع وحده من بره حرام صج انقهر ..
ليش البنت تطلب طلبات ..شقه كبيره .. يعني انتوا 2 ماله داعي .
خدامه .. اوكي شلون تلبسين وانتوا 2 عيزانه تغسلين وتنظفين
ومهر غالي .. يعني الشاب الكويتي من يشتغل مطلوب يعني خففوا طلباتكم ..
لا والسالفه اليديده .. ابي عرس بفندق .. واسافر .. واستقبال .. وسياره … ليش ليش ليش مو حرام انتي متزوجه ريال مو بنك …
اتمنى كل بنت تقرى موضوعي تقدر وضع الشاب يعني حرام الريال وراه التزمات واهل هم مثل ما انتي تبين اهو يبي اتمنى تفكرون بالعقل مو بالدنيا فكروا بالمستقبل الفلوس احنا نيبها مو اهي تيبنا من صبر قدر وان شاء الله الله يكتب حق كل بنت نصيب زين مثل ما تتمنى واكثر اتمنى موضوعي يكون خفيف وحلو والله يوفق الجميع يا رب شكرا ..

تحياتي حزن سمره

حلو موضوعج و انا اايدج و اعارضج
اايدج انه اكو بنات جذي يطلبون
و اعارضج انه مو الكل

مو الكل

انا اتكلم عن بعض البنات مو الكل ولا احد يفهمني غلط لان لو خوليت خوربت

صح كلامج بس همن الشباب يطلبون طلبات تعجيزيه مو بس البنات

هي لها حقوق وهو له حقوق
يعني النصف بالنصف
حتى الشباب طلباتهم وايد يبي بيضاء طويله ..وو….وو..ووووووووو الخ

الصج الصج

عمري ما سمعت بنت تطلب هالطلبات

ما اسمع هالاشياء الا بالمسلسلات و المجلات

و انا حطيت موضوع عن شروط البنات . . و الكللللللللللللللللللللللللللل شروطه معقولة

و ما صادفت احد بحياتي هذي شروطه

يسلمو عالموضوع

صح كلامج الكل قام يدور علي المضاهر وكل وحدة تبي تكشخ جدام الناس وما يفكرون انه الزواج مسوليه والمهم انه الريال يطلع زين ومتفاهم .. ما تدرين كل وحدة وضروفها .. أقولج شغله بنت خالتي تقريبا بعمر الزواج مرة قاعدة تسولف تقولي أنا ابي رايلي عندة فلوس الدنيا و عندة طيارة والسيارة الفلانية ! أنا انصدمت قتلها لما كنت بعمر الزواج كلش ما فكرت بالاشيا معني نفس أسلوبها واحب الغالي والكشخة بس مو علي حساب زواجي !! سبحان الله الناس تفكيرها غريب.. و ما ألوم الناس محد مرتاح بحياته وتنصدمون بالخيانات تالي في ناس تفكيرهم واحد عندة فلوس و يلعب من وراي ومو مقصر بالمصاريفها وسفراتها ابرك من العيشة مع حافي منتف ويخونها ويذلها ! والله أنا لو ريلي يطلع مو كفوا والله لا اطلع عينه من الطلبات وفوق معاشي أخذ نص معاشة خو محد قاله تعال تزوج ابلاش *

بالآخيــرِ قـسمـه ونصيب الزِواج

بس فعلاً في نآس لهآ شروط تعجيــزِيه

والرسول (ص) ..( قال من ترضون دينه وخلقه فزوجوه ) ..

والنآس هالوقت لايدورن لادين ولا خلق اهم شي منصبه وشكثر يملك

الله يهدي الجميع << ويرزق بنآتناا وعيآلنا بالازواج الصـالحين

مشكوره حبيبتي على الموضوع

والله يا حبوبتي مو بس البنت الكويتية الحين البنات بكل الدول ما يتزوجوون الا بعمر متاخر..

وكل شئ قسمة ونصيب حبوبتي .. بس الي اعتقده ان لو الوحده يالها ولد الحلال اكيد بترضا فيه … الا اذا اهي تحب تتعنفص وتدلع وتطلع الاحسن لأن مو دايما يجي هالاحسن

نفس رايها … ماعمرى شفت هالطلبات …
اللى صارياحبيبتى ان الرياييل مايبون يتزوجون … وصار الحرام وايد
والدنيا غلت … فصاروا الرياييل يوخرون عن الزواج لانه مكلف … كل شى صار غالى الاجار ارتفع والجمعيه زادت
وغيره … الخ .

ماشوف البنات يطلبون جذي هالايام
كل من تبي الستر و الحلال
وب العكس اكثر البنات تلقينهم هم اللي يصرفون على معاشاتهم على بيتهم و عيالهم و محد يطلب جذي

انا اشوف الولد اللي يتشرط وايد اللي يبي جسم هيفا و خدود نانسي و رقبه مادري منو يبونها تفصال هههههه

تقبلي مروري

انا من رايي ان البنت اذا ما طلبت راح يتعود الريال ان اهيا تقتنع بالقليل

فبالتالي ما يصرف طبعن ما اعمم لكن شبابنا اليوم مو قد مسؤوليه اذا انتي ما قطيتي

كل شي عليه راح يعتمد عليجلانهم اتكاليين درجه اولى وارد واكرر ان مو الكل

يعني مثلن اذا وحده طلبت شقه صغيره على اساس انه بداية حياتهم

ماتضمن ان الريال يقولها لي صار عندهم 4 عيال تحملي قعدي فيها على ما يطلع لنا بيت

او يقولها انا مالي خلق النقله والشقله

او حتى في بعضهم يقولون حق المره دفعي الفرقيه وانا اطلعج !!!!

لا تقولون ماكو لان في فئه كبيره صايره جذي هالايام

فالمره تطلب بالمعقول اللي يحفظ حقوقها وكرامتها

بس باجي الطلبات السفر والطلعه والعرس هذي اشوفها اشياء تافهه

مع اني أأيد البنت اللي تطلب عرس لكن على قد ريلها

المهم سوالها حفله

انا ايدج بس مو كل البنات
وبكل الدول مو بس الكويت
مشكوره خيتووو

والله في بنات شزيينهم مايطلبون ولا يبطلون حلوجهم ..

وفي بنات اللهم ياكافي .. وحتى لو ماتطلب شي تلاقينها بعد الزواج ماكو غير قاعدة مع رفيجاتها بالكافيهات والسينما وكل اسبوع استقبال وكل شهر عرس وكل سنة سفرة .. هذا غير الطلبات الثانية واهم شي (اهمال الزوج) وتلاقينها تطلب الطلاق اذا خانها

هذا واقعنا للاسف !!!!

قريت هالقصه ..وصراحه ضحكت عليها وعجبتني وحبيت انكم تشاركوني فيها
هذي قصة حقيقية عن زواج بنت .

وبحكيلكم عن قصة زواجها الغريبة المضحكة.^_^.

هذي البنت سلمكم الله عندها خوات أكبر منها وأصغر منها وهي توها متخرجة من

الثانوي المهم بالبيت ما عندهم خدامة كل يوم الدور على وحدة من البنات تطبخ

وبعدين ترمي الزبالة عند الباب المهم جا دور هالبنت اللي أتكلم عنها كانت سهرانة

مع اخواتها الين الساعة 2 الصبح…وبعدها خواتها طلعوا ينامون فوق… وهي

قعدت تنظف المطبخ وتشطب عليه.. وقامت طلعت الزبالة عند الباب …

المهم البنت قالت ليش أحطها عند الباب خليني أتشجع وارميها بالزبالة احسن..**

وطلعت بره بالشارع وكان الشارع فاضي.. مرة وكانت الساعة حوالي 3.30

المهم يوم جت تطلع ترمي الزبالة قفل باب بيتهم هههههههه وقعدت المسكينة

بالشارع …

فكرت ترن الجرس خافت أبوها يهاوشها ويسويلها شيء ..( لأن أبوها شديد)…

وطلعت بالشارع ما عليها إلا ! قميصها حق البيت ..

المهم حست أن صووووووووووووووت

يقرب..

صوت سيارة!!

قامت مسكت الزبالة وقلبتها ودخلت جوتها

المهم كان اللي جاي ولد الجيران.. كان توه جاي من استراحة…

جا ولد الجيران ووقف السيارة وطلع المفتاح عشان بيدخل للبيت إلا يسمع صوت

يتحرك بالزبالة؟؟!! واستغرب إن الزبالة مقلوبة قام قرب من عندها …و جا بيرفع

الزبالة ويزينها …إلا صرخت البنت وقالت

لااااااااااااااااااااااااااااااااااااااااااااااا

قال: بسم الله الرحمن الرحيم..

إنتي إنس ولا جن؟!

قالت: والله إنس

قال إنتي وش جابك هنا؟؟!!…

وقالت له القصة وهي متغطية بالزبالة وترجت ولد الجيران يساعدها…

قال: خلاص لا تخافين…

قام قرب سيارته من باب البيت و ركب فوق السيارة ونقز وفتح للبنت الباب..

وقالها: ادخلي بسرعة لا احد يشوفك…

قامت مسكينة ما صدقت رمت الزبالة ..وطلعت كذا قدام ولد جيرانهم المهم دخلت وقفلت الباب على طوول….

وولد الجيران واقف ما تحرك يناظر فيها

المهم.. ما مر على هالسالفة يومين إلا جا وخطبها من أبوها وتزوجها…

ههههههه

والله قصة زواج غريبة وعلى فكرة ترى هذي سالفة حقيقية وحصلت بالفعل…

واللي يعيش ياما يشوف ويسمع

!!!!!!!!!!!!!!!!!!!!

بس الاحلى من كذا انهم اذا جاو يتذكرون الفرصه اللي جمعتهم مع بعض والرابط فيهم هي الزباله

ههههههههههههه

هههههههههههههه

ههههههههههههههه

منقول

لوووووووووووووووووووول

حياج الله حبيبتي

اغرب لقاء للزواج
ههههههههههههههههههههههههههه

ههههههههههههههههههه…..

شوفي النصيب …

عجيب الصراحه

ههههههههههههههههههههههههههههههههه والله فشللللللللللللللللللللله

عاد الرياييل حق المعاير ..

مشكوره

الله يعينها لو اعرفها جان سئلتها

مكرر مكرر مكرر

ههههههههههههههههههههههههههههههههههههه

حلووه مشكوره حياتي على القصه

زين فهمنا

العفو حياتي

هههههههههههههههههههه حلوة القصه يعطيج العافيه

الله يعينها لو حب يمزح معاها وشرالها زبالة جديدة

فى هذا الزمن تغيرت الاحوال , أصبحت الحياه سريعه جدااااااااااا

البنت كل ما يتقدم عمرها يقل عدد الخطاب وهذه سنه الحياه ولكن

هل تتوقع ان يأتى شاب فى مقتبل العمر ان يتزوجها

مايمنع بالعكس تمشى الحياه وهذا شرع الرحمن بالارض

لكن اكثر خواتى يرفضون الفكره ولو على مستقبلهم

بحجه ماابى أحد يشاركنى بالرجل

أو خايفه اكون سببت مشاكل للزوجه الاولى

الامور تغيرت فى زمانا هذا

الفتنه زادت والكل عارف ويشوف مايحتاج افصل

لو البنت او المطلقه كذلك فكرت عدل بأن الحياه الزوجيه شى أساسى

أذا تقدم رجل متزوج لها أن تقتنع وتعيش باقى عمرها

بأمان وتكون أسره تعيش من أجلها

تقبلواا تحياتى

اللهم ارزقنا الجنه

اللهم ابعدنا عن النار

اختي ماعرف شرد عليج

اساسا مخنوقه من موضوع موجود وللحين محتره منه

بس ارزاق وموزعه ولوتركض ركض الوحوش غير رزقك ماتحوش

تقبلي مروري

أفهم من كلامج هذا تشجيع على الزواج من متزوج الله يرزقج انتي بعد بشريجه عشان تعرفين معنى كلااااامج عدل….

يعنى انتى موافقه زوجك يتزوج عليك!!!!

انتي شكلج مو متزوجه لو عندج ريال تحبينه وعندج عيال منه ماتقولون هالكلام وما ترضين احد ياخذه منج ومن عيالج
يا حبيبتي لو عندج شريكه في زوجج يعني زوجج ما راح يصير لج بروحج وبيصير عنده عيال يهتم فيهم من غيرج وراح تشاركج بكل شي يعني زوجج نصه لج والنص الثاني حق وحده ثانيه شلوون ارضى ويمكن يحبها اكثر منج ويروح معاها رينساااج
سامحوني عالاطاله

انا مو متزوجه واعتبر بالوسط الي انا عايشه فيه نوعا ما صغيره 22
ولو تقدملي واحد متزوج لا اهلي ولا انا برضه بواحد متزوج

اولا: مثل ما انا ما ارضى احد يشاركني باشيائي الخاصه مراح اشارك وحده بزوجها
ثانيا: مثل ما اهوا مايرضى يكون متزوج من مطلقه او ارمله انا بعد ابي اتزوج واحد ماتزوج من قبل
وثالثا: بصراحه احس ويييييع شلون احنا ثنتين نتشارك نفس الريال

واخر شي بالعكس يصير عندي قناعه بكل شي الا بالزواج
الزواج اهم شي التقارب الفكري والمادي والاجتماعي

يعني مثلن وحده حالتها الماديه فوق الممتازه وكبرت وعلى كبر طق بابهم واحد حافي منتف تتزوجه طبعاا لاااا
بالزواج ماكو شي اسمه اقتنع

اوكي اقتنع بالحد الطبيعي بس ما اقتنع حيييييييييييل واصير قنوعه وعقب اطبع واغرق !!!

وماكو احلى من شعار ظل حيييطه ولاا ظل راجل متجوز

في الزمن هذا صعبه على الريال ياخذ حرمتين .. اهو الحين خليه يتسنع مع زوجته الاولي ويصرف على بيته عدل و يجابل عياله علشان ياخذ الثانية

الدنيا غلت و المعاشات يالله تكفي حق بيته ..

زمنا تغير عن اول

مع انه حلال لكن ماا أرضى زوجي يتزوج علي .. والله يرزقج بالزوج الي ماعنده زوجه يظلمها

الله يرزق كل البنات

غريب موضوعج وما منه فايده غير النقد وان الحين البنات ميتين يتزوجون اي شخص @@ يا بالحلال يا بالحرام شدعوووووووووووه يبا احنا بنات عوايل اهلنا مايرضون بهالشي صح اهو شرع بس اذا قدر الريال يعدل نفس عدالة النبي عليه الصلاة والسلام هذيك الساعه يصير خير لانه حتي قبل موته بدقايق استأذنهم وعلى فكره كان النبي صلى الله عليه وسلم يميل الي عائشة ..
فياريت موضوعج يعبر عن قله من بنات الكويت اما الباقي فحنا اهلنا ماربونا عشان ناخذ اي شخص كتملت عدد وكتكملت حياة الله يرزقج بريال عنده اربع حريم اذا بخاطرج

مثل ما قالت الاخت ترضين زوجج يتزوج عليج ؟؟

عادي يدخل عليج ويقولج قلانه … اعرفج على زوجتي اليديده !!!

مادري الصراحه هالشي انا ما اقدر اتقبله

يلا عيل خل يتزوج عليج ريلج ورقصي بعرسا خو هاذي سنت الحياه خوو

شلون عنده اربع وياخذها مايجوز لوووووووووووووووووووول

ترا ماقالت شي غلط — ادري انكم تحبون ازواجكم وتغارون عليهم هي تتكلم بشكل عام ماخصت وحده !!

يعني الرجال لما يبي يتزوج ع زوجته اكيد خلاص في نقص اما بشخصيته او بشخصيتها لايمكن واحد مرتاح ومكيف ع زوجته يروح يتزوج عليها !!

يمكن عقيم يمكن جيكرة يمكن بارده يمكن صارلها تشوه بجسمها يمكن ماتحبه يمكن كره اطباعها يمكن فحل ماترضيه وحده يمكن لاهيه عنه يمكن ويمكن ويمكن !!

سبحان الله ليش معترضين بشكل بركاني عالموضوع — ترا التعدد رحمة لبعض حالات مثل الارمله او المطلقة او اللي فيها قصور باي جانب سواء جمالي او تعليمي او مرضي !!

وبعدين بقولكم شغله ديري بالكم ترا الحريم كثرو وجذي جذي بياخذون عليكم ازواجكم >> ههههههههههههههههههههههههه

فقفلو البيبان عدل — كيفكم عاد انا وصيتكم خخخخخخخخخخخخ

هذي الدنياا ياقلبي خل تعنس ولا تاخذ رجلي من صجج انتي

السلام عليكم

عندي سؤال واتمنى القى جواب عليه
الملح الخشن والماي عادي نتنقع فيهم صح؟يعني نقعد في البانيو
بس انا بنت هل عادي اتنقع مواشطف فيه للتوضيح فقط
انا سألت دكتوره وقالت عادي اتنقع فيه بس نسيت ماسألتها استخدمه يوميا والا لا اهي قالتلي من فتره بس مدري نسيت وتو متفرغه بستخدمه وكلمت المستشفى عشان بستشيرها قالولي طالعه اجازه , فسؤالي هل عادي يوميا استخدمه لمده اسبوع عشان تروح الافرازات والا مب زين , ركزو على كلمه اسبوع ويوميا

وعندي سؤال ثاني ياكثر اسئلتي
بتجيني العاده الشهريه موعدها اسبوع الياي وابي اتجنب الاكل عشان لاتزيد علي اوتأخرها اوتسبب هوا
لاني خربانه اعاني من خروج هوا

يعطيكم العافيه فيدوني

حبيبتي عادي لوووووووووول لاتوسوسين ترا مو زين

ههههههههه لا بس خفت قلت يمكن يأثر لان اسبوع ويوميا فقلت بتأكد

الله وكيلج كنت اتنقع فيه مثل البشه .. لمدة شهرين متواصلين مو اسبوع ..!! ..
بس انا ماكنت اتنقع حق الافرازات حق شي ثاني ..

شوووووووووووفي يا قلبي

انا قولج تنقعين فيه مره بالاسبوووع انتي بنت والافضل لج غسووول طبي الابيض الطويل
لان الملح الخش حق المتزوجه وحق حريم النفاس يجربوونه << يشد المنطقة عندهم ويعقمها ولاشياء ثانيه
انتي الافضل لج مطهر طبي واذا بقيتي يوم بالاسبوع تنقعين

اما وقت الدوره اكثر شي الاعشاب تشربينهم من زعتر شمر كمون زنجبيل واشربي الحليب مع الحلبه تقوي عظامج
والاكلات شوربه عدس حسو بس اهم شي المشروباااااااات الحاره ودفي عمرج اهم شي ..

مشكورين يزاكم الله الف خير

ومنكم نستفيد مشكووورة عالطرح

أتووقع عـأدي لأني أتنقع ٣ مرآت بالأسبـووع ..

شنو الملح الخشن؟ نفسه ملح الاكل؟ << ميح

افرازات معاها حكه أو ريحة ولا إفرازات عادية ؟؟

حبيبتي مع اني انا عزوبيه بس عادي امي هم قالت لي ستخدمي ملح الخشن وقعدي في ماي دافيه

ومافيها شيء مو بس المتزوجات كلنا حبوبه ومفيده

وبعدين علي قولت عمتي قبل ماكو هل الشيء شيسوون يروحون البحر يسبحون يعني ينقعون نفسهم بالبحر مو بحر ماي وملح تقدرين تنقعين نفسج روحي بلليل ماي البحر احسن من الماي وملح للي نحطه بالبيت ما يفيد

لا ياحبيتي مايضر الملح زين يقضي على الرائحة الكريهة والافرازات والفطريات
ولو تحطين معاه ملعقة قشر رمان مجفف بودرة راااااااائع انتعاش مابعده انتعاش

اعراض الحمل بولد باذن الله

والولد دائما حركه في البطن كثيره دايما وتحسين برجله طالع مع بطنك هههههه يعني حركته بزياده

والاخوات ماتقصرون ساعدو من كانت تتمنى الولد بتجاربكم

2-الحرقان يبدا متاخر يعني عالخامس او السادس00000000002- 2الحرقان يبدا بالثاني او الثالث بدري هذي اكيده

3-في الوحم ماتحب الفوكه والحلا وتميل للحوامض والموالح0300000تميل للفواكه عنب برتقال والحلويات

4-البطن يكون صفير وجاي طولي 00000000000000000000البطن يكون كبيييير ويميل للدائري

5-تصاحب الحمل التهابات وحكه شديده في المنطقه(00)000000000 قد تصاحبها ولكن تكون اخف

الوحام اخف من وحام البنت 00000000000000000000الوحام شديد

الوحام يبدا متاخر يعني بنص الثاني 000000000000000الوحام يبدا بدري من الشهر الاول

تنفك الرجل اما اليمين او اليسار ماتقرين تمشينلان الطفل تحت 0000000000 ماتنفك وتحسين انك ماتقدين تنفسين تضغط على القفص الصدري

شكل الام يشين تصير ماهي حلوه000000000000000000تحلو بزياده

( هذا والله اعلم )

بنات خواتي كويتيات طلبتكم ادعولي ان الله يرزقني ولد اخو ولدي

سبحان الله صح لماكنت حامل بولدي حسيت بهاالعلامات
يعطيك العافيه

اي صح لم حملت ابنتي الله يخليها ويرزقني باأخو الها
كان وحام فضيع متعب بشكل واكره الحامض واحب الحلو

في بنتي وحامي شديد وبطني كبير وبالعرض

وبس خشمي كبر ماصرت حلوه

ماحبيت البرتقال وحبيت بطاط الخل عشان اللوعه والترجيييييع

سبحان الله

مو شرط

أنا تنسيت على كل شي حلو ومر وموالح وحوامض

شكل البطن ماله علاقة

حركة البيبي طبيعي توصل لي القفص الصدري بالولد والبنت

الالتهابات تيي من نوع الأكل و أمور غيره

بس يجوز هالعلامات تضبط مع البعض

يسلموا حبيبتي

الله يسلمكم حبيباتي

احس غلط لان ببنتي كان بطني صغير وطوالي والوحام من اول شعر وحركتها رفس كله كأنها ولد واخر شي بنت احس الوحام والحركات مالها دخل ابد

عكس تماما عيااااااااااااالي
البجر خفة الريشه ونساه قشره وترجيع مكرمه وحام قوي وحلويت والبطن ماتغيرت وايد لاني ضعيفه حيل كنت 45كيلو ههههههههه الوحام سمج وربيان

في بنتي الثانيه مافي نساااااه كلش ولا ادري اصلا اني حامل وعرفت بدخلتي الثالث والبطن نفس ولدي واصغر وماتغيرت بالشكل والحركه متاخره والوحام سمج وربيان نفس بجري

ولدي الثالث
نسااااه من قبل ما احلل وتعب وثقل وحركة من اول الثاني والحارج واكلي ماصخ ما اشتهي الحالي او الحوامض

:

على عيالي اثنينهم كرهت اللحم والدياي

بس كنت ابي فواكه خاصة الرقي والكرز , وطبعا لازم ليمون وملح وثلج

على ولدي الاولي كان استفراغ دايم ليييه الولادة وانا بغرفة الولادة وكنت استفرغ , وضعفت واااايد نزلت فوق 12 كيلوا , وكنت دايم حرانه واكل ثلج

بس ولدي الثاني ما كنت استفرغ ووزني زاد

وحاليا انا حامل , بس صداع معاي على طول وحرانه على طول احس بالحر , وشوي تحوشني لوعة جبد , بس امسك نفسي مابي استفرغ , لان استفرغت ما راح اوقف

, والله يسهل علينا كلنا ويرزقنا بالذرية الصالحية

:

مشكوورة

السلام عليكم والرحمه

,

شحالكم يالحلوييين ؟ واخباركم ؟ عساكم مرتاحين يارب ,, بدون مقدمات انا عمري 17 سسنه .. بس اللي يشوفني يعطيني 20 – 22 .. ماعلينا , تقدملي ولد عمي ووهو يحبني من زمان بس ماعترفلي لكن كان يقول لامه المهم و انا بعد احبه.. الحين ينتظرون الرد مني وانا الصراحه موافقه مبدأيا وقلت بصلي استخاره والله يقدم اللي فيه الخير .. اللي ابا اسألكم فيه .. بحكم اني صغيره ماعرف شو الشروط اللي لازم اطلبها ! ؟ يعني برايكم شو اهم الاشياء .. لاني ابا اكون صريحه وواضحه من البدايه عسب مايأثر هاذا الشي على حياتي بعديين واقول ياليت ..

بانتظآركم عزيزاتي ,, واتقبل اي نصيحه او رأي ,,
دمتـــم بود

والله حبيبتي يعتمد عليج

انا من اولشي ماشرطت لكن وضحت اني اظل بوظيفتي واني راح اكمل تعليمي وان هذا لبسي وهذا ستايلي ومايلبسني عبايه الا برغبتي وقراري الشخصي واني اعيش بمكان مستقل ..

هالاشياء كانت ظروريه عندي
انتي شوفي شنو الاشياء المهمه واللي تحسين ممكن يصير عليها خلاف بالمستقبل ووضحيها ليلحين لاتسمينه شرط لكن سميه اتفاق وتوضيح وتفاهم على نقاط معينه

على حسب احنا ماعندنا شروط لان شي طبيعي ان البنت تدرس وتشتغل وغيره وغيره

انتي ايش ما تحبين يتدخل فيه. مثلا دراستك. وظيفتك في المستقبل. لبسج. السكن مستقل. هذه اهم الاشيا

كملي دراسه اذا ادرسين

اذا تبين تطلعين شقه بروحج << بس بتفاهم مو شرط والسلام

ما يبيله تفكير الشغله بس ولد عمج لا تظغطين عليه دام تبون بعض

مووفقه والله يتمم على خير

up up

وااااي فديت بنات الامارات
انتي بذات اطلبي الي تبينه
وهوا بنفذ *

دراسة جامعية وسكن مستقل وبس

مممممممممم مدري

بس اظن
دراسه وبيت ووظيفه اذا تبين

مدري وش كمان

انا ما شرطت ولا شي

الدراسة والوظيفة بس

والله يتمم على خير ويوفقج ياارب

قد يكون الموضوع مكرر لكن فيه معلومات قيمة قد تستفيد منه بعض العضوات

——————————————————————————–

هذا الموضوع حبيت اطرحه بسبب الحجم الكبير للمشكله اللي تقع فيها بنات هالوقت من عدم الاهتمام بانفسهم في وقت الدوره ومو عارفين خطورة هالشي

بهالموضوع راح اوضح للبنات ليش دايما الامهات يقولون لا تشربين لبن او تاكلين مانجا او تشيلين شي ثقيل بدون مايوضحون لكم الاسباب

راح اناقش شنو ممكن يصير في البنت اذا مااهتمت بنفسها ايام الدوره وشنو الممنوعات وشلون تهتم البنت بنفسها

هالموضوع متعب ووااااايد لكن لان وايد بنات ممكن يدمر مستقبلهم من ورا هالسالفه فحبيت اوضحلهم كل المٍسأله واللي صار فيها هوا او بالعامي اختربت شلون تتعالج منه وماابي منكم غير الدعاء

]الهـــوا [

الهوا اهوا مصطلح عامي معناته امتلاء الرحم بالهواء

ويتم خروج الهواء من فتحة المهبل يصاحبه اصوات تسبب حرج للبنت ويصاحبه نزول افرازات او سوائل ويمكن تعانين من واحد من الاعراض بس يعني يا اما هوا او سوائل وهذا يأثر على الحياه الزوجيه للبنت عقب ماتتزوج الكل ينصح انه البنت لازم تعالج نفسها قبل لاتتزوج

تعريف ثاني

(الخراب أو الخوا ماهو ؟
عبارة عن أصوات وغازات في البطن تعاني منها البنت أو المتزوجة أثناء الدورة الشهرية وقبلها وبعدها
مصحوبة بنزول أفرازات من المهبل أو مويات ذات رائحة كريهة (ماء تحسين أنك مبللة هذا اليومين اللي بعد الدورة واللي قبلها )
وتكون آلام الدورة شديدة جداً لدرجة بقائها في الفراش طوال أيام الدورة طبعاً مع صوت الغازات تسمعه في البطن ويسبب مغص شديد (هذا كنت أعاني منه في البداية وماتعالجت لذلك تطورت الحالة ووصلت المرحلة الخطيرة) وفي الحالات الخطيرة يخرج الهواء من المهبل مما يسبب الأحراج )

من اهني يت اهمية اهتمامج بنفسج ايام الدوره لخطورة الموضوع ماتصدقون يابنات اشكثر هالسالفه منتشره والبنات ساكتين عن اعمارهم مايدرون شالطبخه

المحظورات ايام الدوره واهيا السبب الرئيسي لهذي المشكله :

1- النوم إلى القايلة وعدم الأستيقاظ باكراً وتناول الفطور حتى يمتلىء البطن بالهواء

2- حمل الأشياء الثقيلة مع الدورة (والأفضل لاتشيلين شيء ثقيل لامع الدورة ولا بعدها )

3- المشي حافية القدمين على ارض باردة سواء سيراميك او رخام او بلاط

4- الجلوس على مكان بارد

5- شرب الاشياء الباردة او الايسكريم (الدم الفاسد والوسخ يحتاج الى اشياء حارة تنزله فكيف ينزل وتنظفين اذا تشربين بارد او أيسكريم )

6- أكل الخضار والفواكه اللزجة مثل الباميا القرع الموز الملوخية المانجاوغيرها

7- أكل وشرب الحوامض مثل الليمون والبرتقال

8- شرب اللبن واكل الزبادي والاقط والجبن الحامض

9- شرب المشروبات الغازية وأكل المعلبات
10- البرودة لازم تدفين (عدم التعرض لأي تيار هوائي ويفضل الأبتعاد عن المكيف والمروحة وحتى مروحة الشفط اللي بالحمام طفيها )

11- اليوووووووووووع اللي تسوي رجيم توقفه أيام الدورة وأيضاً التخمة يعني لا تاكلين زيادة عن حاجتج

12- عدم الاهتمام بالنظافة الشخصية (لاتغسلين منطقة المهبل بالماء والصابون )

13- الاستحمام ايام الدورة (اذا لازم مسحي جسمج بفوطة مبللة وغسلي شعرك ولكن انتبهي من الهواء بس أهم شي الايام 3 الاولى لاتتسبحين فيها

بنـــــــات اعيد وانبـــــه

اهمالج لنفسج ايام الدوره فيها دمار لمستقبلج

لحياتج الزوجيه القادمه باذن الله

انتشار الطلاق نصه من ورا هالسالفه

فووق الاصوات اللي تطلع(اعذروني على المصطلح) السوائل والالتهابات

لاتقولين ويه عادي ولاتهتمين فتره وتقطعين لاااااااااااااااا!!!!

اهتموووو بنفسكم واللي فيها هالاعراض لايحوشها احباط وتوسوس كل شي باذن الله له حل وعلاج اهتمي بنفسج بكل دوره وراح يروح الهوا

+++شلون البنـــــــت العاديه تهتم بنفســـها ايام الدوره وشنو مفروض تاكـــل +++

بحط لكم نظام البنات عقب بحط لكم نظامي يمكن نطام البنات يعجبكم اكثر وارجووو الاستمرار.

اولا:تشربين زهورات و شاي قرفه ( في الأيام الأولى بس ) و نعناع و حلبه
و تحرصين على أكل التمر ….. تشربين القهوه مع النقوعه ( النقوعه هي خلطه تنباع عند العطار تساعد على نزول الدم و تقلل من الإفرازات ) و تقدرين تحطينها في فنجالك القهوه حتى بعد الدوره إذا حسيتي بأفرازات عشان تنشفك ( يالله بعد ثلاث أيام تطلع النتيجه )

ثانيا:أنصحك بخلط كمون+ينسون+قرفة وشرب كوب كبير خصوصا قبل النوم وأكل اللحوم والتمروالإبتعاد عن السلطات
الإبتعاد عن الصابون العادي لللمناطق الحساسة واستخدام الغسول الخاص لتلك المنطقة وأحسن نوع هو جيا gia طبي ويبرد المنطقة لو تركتيه دقيقتين …..

ثالثا:اشربي بالصبح ع الريق فنجان قهوه فيه ملعقه ص كمون مطحون
واشربي شاي عباره عن نعناع وكمون وقرفه وحليه بسكر حسب الرغبه
يغلي ع النار واشربيه قبل هذا كله أنت ماتشتكي من قولون لان
الانتفاخ والريح منه خوذي من الصيدليه حبوب مص بنكهه النعناع
للانتفاخ أما بالنسبه للمسك مثل ماقالت لك الاخت استخدميه كغسول

حبيبتي الله يشهد علي كل حرف كتبته أنا اسويه وخواتي

رابعا:اخذي تمر اعفسيه وحطيه على النار لين يلين وحطي عليه سمن بري ورشاد الخلطه هذي خياااااااااااااال تنظفج تنظيف
غير جذي مره قالت لي دكتورة في الجامعه متخصصه في البوتاني قالت ان الزعتر مافي مثله في الدورة ينظف البنت تنظيف وكلامها صحيح ميه بالميه وعن تجربه

خامسا:خلطة تستخدم في أول ثلاث أيام من الدورة..أو 20 يوم من فترة النفاس:

نصف ك حبة سوداء
فنجان قهوة حبة حلوة
ملعقة ك قرنفل

اخلطيها وتناولي ملعقتين منها على الريق مع حليب..

ثم تناولي تمر ولا تكثري اجعليها 7 تمرات في الصباح و7 في المساء..ويفضل يضاف إليه بعض حبات الرشاد..

شاي الأعشاب..يتم تناوله في فترة الصباح والعصر..
ميرميه
أعواد شيح
كمون
حبه سوداء
قيصوم
قشرقهوه
نونخه
دارسين
ينسون

اخلطيها بكميات متساوية أو ما يتوفر منها عندك..

بعد تناولك للغداء بنصف ساعة تناولي هذا المشروب:

ملعقة كبيرة عنزروت
ملعقة صغيره مره
قليل من محلب
أضيفيه لكاس من الماء..صفية واشربيه..

إذا جعت بين الوجبات كلي أي شيء غير الممنوع..

باقي المدة اتبعي نفس التعليمات الخاصة بالأكل والممنوع والمسموح..

غسول لمنطقة المهبل:

ارطا وملح و ماء تطبخ او توضع في الشمس.. ثم يتم تصفيها ويتم الاغتسال بها يوميا..

تحاميل مهبلية للمتزوجات فقط:

اطحني مقدار ملعقة ك مره و قليل من المحلب و قليل من الملح الخشن واعجنيه بعسل طبيعي ان وجد..
كل ليله ضعي تحميله واحدة صغيره بحجم نوى التمر ( اصنعي كميه تكفي نفاسك)أو
حيضك..

بالنسبة للأيام الثلاثة الأخيرة من الدورة أو ال20 الأخيرة من النفاس:

خذي الدواء التالي على الريق2 ملعقة كبيرة مع شاهي الأعشاب السابق:
-اطحني(كوب حبة سوداء و ملعقة ك قرنفل و ملعقة ك دارسين وملعقة ك فلفل اسود و ملعقة ص محلب و فنجان قهوة كمون و ملعقة ك نونخة و فنجان قهوة صغير حبة حلوة)
التمر مع الرشاد استمري عليه..
-أستخدمي الكبو..متوفر عند العطارين..

بإمكانك في غير فترة النفاس استخدام هذا العلاج لمدة 40 يوم..
وبإمكان الاستحمام وغسل المنطقة بشكل عادي..

قد تلاحظين في البداية خروج الكثير من السوائل أو الأصوات لا تقلقي لان هذا شي طبيعي ..
000000
حمام الحوض الساخن..هام للنساء.."Hip" bath ]
له فوائد عظيمة حيث ينبه وينعش التمثل الغذائي ومنشط جنسي.
يقضي على الروائح والإفرازات المهبلية.
مفيد في كثير من الأمراض النسائية الخاصة بالجهاز التناسلي والآم الدورة.
تحذير:
لا يستخدم للمرأة الحامل والأطفال.
طريقة التحضير:
نحتاج لزنجبيل طازج وعند عدم توفره نستخدم زنجبيل بودرة جاف.
لكل لتر من الماء نحتاج الى100-140 غرام من الزنجبيل الطازج او ملعقة كبيرة من الزنجبيل المجفف.
نحتاج الى 3-4 لترات من الماء.
نضع الماء على النار حتى يغلي.
نحضر الزنجبيل ويفضل عدم وضعة مباشرة في الماء لكن يوضع في قطعة قماش طبيعي مثل القطن او الكتان ونضعه بعد غليان الماء.
نخفف النار ونضعه ونتركه يغلي لمدة 3 دقائق.
بعد ذلك نطفئ النار ونقوم بعصر القماش جيدا..لا تستخدمي يدك لذلك.
ضعي الماء بعد ذلك في حوض او إناء يمكنك الجلوس فيه..الحوض فقط الأرجل تكون خارج الحوض.
لابد ان يغطيك الماء حتى ما قبل السرة.
انظري الصورة في الرابط في الأعلى.
غطي باقي جسمك.
الماء لابد ان يكون ساخن للدرجة التي تتحمليها.كلما برد الماء أضيفي من الماء الساخن..
ابقي في الحوض 15 دقيقة.
يفضل عمله كل أسبوع او عشرة أيام مرة.
يعمل في الليل قبل موعد النوم بـ10-20 دقيقة.
لابد ان يكون مر على الأقل ساعة على تناولك للعشاء.
ابقي جسمك دافئ بعد الانتهاء واذهبي الى فراشك فورا

سادسا:الفطور ( ولازم يكون بدري مو إذا قمتي الظهر يعني الساعه 7 أو 8 يفضل قبل ما يقومون أهل البيت ) تمر مع سمن أو زبده إذا ما لقيتي مع رشاد مع حبه سودا >>> تسخنين التمر و تحطين الزبده وتعفسينه مع الرشاد و الحبه السودا …. تسوين الكويه اللي تكفيك أيام الدوره و تحطيها بعلبه بلاستيك و تحطينها إما بدولاب المطبخ أو بغرفتك إذا غرفتك بروحك عشان ما يشوفك أحد
وتسخنين لك حليب و تحطين معه حلبه تغلينهم مع بعض أو تغلين الحليب بعدين تضيفين الحلبه
وتأكلين التمر مع الحليب ( الرشاد ريحته قويه بس عادي غسلي يدينك بالصابونوعطريهن بأي عطر عندك و فرشي أسنانك و كولي علك بالنكهات يروح الريحه مباشره

و بعدها إذا حبيتي تنامي أو عادي
وإذا أفطروا أهلك أفطري معهم بس على حسب فطورهم إذا فيه شيء ممنوع لا تأكلينه كولي خبزه بجبنه بكراث أو جرجير على راحتك وأشربي شاي القرفه مع الكمون ( تفوحين ما و تحطين عليه 2م قرفه و 2م كمون و تخلينهم يطبخون على نار هاديه ربع ساعه )وهذا الشاي ممكن تسوينه الصبح و تحطينه بزمزميه ( دفايه ) و تحطينه بغرفتك و تشربين منها متى ما بغيتي

و الغدا عادي إلا إذا كان فيه مرقة خضار لا تأكلين المرقه بس الرز و اللحم أو الدجاج عادي … الزبادي و اللبن ممنوع بهالفتره لانهم حوامض

والعصر أو المغرب تتقهوين القهوه بس تحطين بفنجالك قطعه صغيره من المقل ( تطلبينها من العطار و تجيك لونها عسلي غامق مره مايل للسواد و تكون تتدبق مثل ملمس التمره بس أخف شوي ) هذي حلوه تطرد الهوا …. وإذا فيه نقوعه ( خلطه تباع عند العطار مطحونه ) بعد تحطينها بفنجالك >>>> و تتقهوين على تمر عادي أو اللي مع رشاد على حسب وضعك مع أهلك

والعشاء عادي بس أهم شيء ما فيه ممنوعات و حاولي يكون من الطبخات الدافيه مثل المطازيز أو المرقوق أو القرصان بس أهم شيء من دون الخضار

شاي القرفه و حليب الحلبه سمعت أنه بس الثلاث الأيام الأولى

سابعا:

انصحك كل يوم اول ماتقومين تاخذين على الريق 7 حبات فقط من الحبة السوداء اقتداء بسنة المصطفى عليه الصلاة والسلام

وقبل موعد الدوره بــ 3 ايام احرصي على المشروبات الدافئة مثل الزنجبيل ( هذا احسن شي ) والقرفه واليانسون والكمون

والحليب المبهر بالفلفل الاسود والهيل والزنجبيل .

في اول يوم من الدوره بعد ماتاخذين الحبه السوداء بساعه واحده او اكثر خذي لك ثلاث تمرات وسويها على شكل عبيط ( يعني

تعجنيها ) وتكوريها على شكل دوائر بعدين غطسيها بالرشاد وكوليها مع القهوة أو الحليب

لااااااا تنسين فقط باليوم الاول لانه الرشاد اذا استمريتي عليه بالدوره راح يعجل لك بالطهارة والرحم يكون مابعد نظف

وخذي لك حلبه ( جافه )يعني ماتكون مغليه بالمويه لانه اذا شربتيها مغليه وقت الدورة تجيب لك رطوبة ( زيادة بالمويات ) وتخرب المراة

لكن بعد ماتتغسلين عن الدوره ممكن تسوينها مغليه وتشربيها زي الشاي بأي وقت ( بالنسبة لي انا اشربها بالليل ) تراها مفيده جدا للدم والبشرة

واذا بتقولين ريحتي تتكون مو حلوه فيه شي عند العطارين اسمه عود الحلبه تحطينه مع الحلبه يغلي وهذا العود مايطلع ريحه للحلبه وتسبحي كل يوم الصباح ,

لكن وقت الدورة تجنبي الاماكن الباردة ولاتنسين البنطلون في كل وقت ( قبل موعد الدورة واثناء

الدوره ) بصراحه له فوائد بس حنا مانصبر ,, وحاولي انك تتسبحين قبل موعد الدوره بيوم او اثنين حتى تتجنبين المويه اثناء الدوره .

واذا تغسلتي عن الدورة لاتنسين استخدام المسك الطهارة ( انصحك باللي عند عبدالصمد القرشي )

العلاج _ والنظام المتبع أثناء الدورة

بنات شفتوا كل الانظمه اللي حطيتها وحده من البنات اختصرتها يزاها الله كل خير وسوتلنا هالنظام:

تقسمين دورتك قسمين مثلا الغالبية دورتهن 6 ايام

يعني نقسمها على اثنين يعني يطلع كل قسم 3 ايام

نبدأ بالقسم الاول

1- اول يوم بالدورة ما لك خلق تعبانة وطفشانة وقرفانة وماتشتهين الاكل ومع ذلك لازم تصحين بدري تقريبا من الساعة 6 الى 7ونص وتسفين على الريق أوتلهمين ملعقتين كبار من اللهوم أو السفوف وتشربين كأس حليب حار
وراح احط لكم ثلاث انواع من السفوف اللي يناسبك اخذيه مو تاخذين الثلاث واحد منهم بس وراح اذكر المصدر اللي اخذته منه
1-(كوب حلبة+نص كوب حبة سوداء+فنجان حبة حلوة+ملعقة كبيره قرنفل) وهذا من نظام فيافي
2-خلطة الايام الاول من الدورة
فنجا ن من سويد(حبة سوداء) وكمون وملعقة كبيرة عدس ونصف ملعقة فلفل اسود وماش وهذي من الاخت &fulla2006& وهي مجربتها
3-حلبه مطحونه مع ماش مطحون سوي وهذي من الاخت دلع لرياض (وأنا راح اسوي هذي لانها الاسهل واغلب البنات اتفقوا على الحلبة )
2- بعدين تفطرين فيه نوعين اختاري اللي يعجبك
1-عصيدة التمر المحلاة وهي عباره عن( كوب تمر بدون النوى + 4كوب ماء)
أنقعي التمر في الماء من الليل ثم توضع في الخلاط وتصفى ويضاف اليها كوب دقيق اسمر ثم توضع على نار هادئة مع التحريك حتى تثخن مثل الباشميل والافضل ان تكون اثقل من الباشميل ثم تضيفين إليها فلفل اسود وحب الرشاد,
2-أو تأكلين مع قهوة (و الاخت الفرس وامها تقول القهوة حطي عليها ملعقة صغيرة كمون في فنجالك)(الكمون طارد للغازات) تمر معبوط + م.ك. سمن غنم او زبدة (المقادير على راحتك) يطبخ على النار هادئه حتي يذوب التمر قليلامع شوي تحريك ,بعدين اضيفي الرشاد وهو حب ناشف وكثري شوي (وهي أفيد من العصيدة) , حافظي على اكلها فهي تسمى (ربيبة الارحام) ولايمكن تتخيلين فأيدتها والسمن البلدي
3- أرجعي نامي وأصحي مع أهلك أذا قاموا وأفطري معهم لكن حذاري من المعلبات
4- الظهر نشرب شاهي الاعشاب( اللي في نظام فيافي مكوناته كثيرة لذلك راح ناخذ شاي الاعشاب اللي ذكروه لنا الفرشات في بداية الموضوع )
1-ويتكون من ( حلبة + كمون + يانسون + نعناع + قرفة )
2-أو شاي زهورات
3- أو زعتر
المتوفر عندك سويه شاهي عادي واشربيه لكن الافضل واللي أجمع عليه عدد كبير من الفراشات الخلطة الاولى تقدرين تستغنين عن اليانسون وباقي المكونات اكيد موجودة في البيت
4- ويجي وقت الغداء تغدي عادي وابتعدي عن الممنوعات اللي ذكرناها سابقاً
بعد الغداء بربع ساعه عليك بمنقوع التالي: ( م.ك.عنزروت+م.ص.مره+ م ص محلب) في كوب ماء تكونين قبل الظهر ناقعتها في كوب الماء وبعد الغداء بربع ساعه او نص اشربيها وتراها مرررة بس تحملي
لانها تعمل كمهضم وملين وتنضف الأمعاء (هذي من نظام فيافي )
5- فترة العصر وبعد الغداء ب3ساعات اشربي شاهي الاعشاب السابق مع 2.م.ك من السفوف السابق
اذا جعتي كلي ماتشتهي نفسك إلا الممنوع ممكن شابوره بر
6- العشــــــــاء:المجال امامك مفتوح الا الممنوعات اهم شي لاتجوعين

خلي عندك تمرة معفوسة برشاد وسمن بري في غرفتك واذا جعتي اكلي منها واذا بغتي تقهوين هذه هي تمرتك وحطي في فنجالك كمون او عنزروت مع القهوة لانه مفيد جدا لا تشربين قهوة عادية لازم عليها شي
الايام الاخيرة

خذي التالي 2 ملعقة كبيرة من السفوف التالي على الريق مع شاهي الاعشاب السابق,السفوف هو:
1-اطحني(كوب حبة سوداء+م.ك.قرنفل+ م.ك.دارسين(قرفة)+م.ك.فلفل اسود+ م.ص.محلب+ فنجان كمون+ م.ك. نونخة + فنجان صغير حبة حلوة(شمر))+فنجان رشاد غير مطحون (هذا من نظام فيافي)
2- انا راح احط سفوف عبارة عن ماش + حبة سوداء
والحلبة وما تاكلينها الايام الاخيرة لانها ترخي الرحم والرحم في اايام الاخيرة يبدأ يشتد
والباقي زي ماهو مايتغير
نجي الحين للاعتناء بالمنطقة الخاصة اهم شي النظافة كيف تنظفينها واحنا قلنا ابتعدي عن الموية في غسول نسويه
1- غسول التشطف للمناطق الدخليه يكون يوميا باستخدام الغسول التالي لمنطقة المهبل وهو:
( ارطا تكسرينه + يطبخ مع ماء + ملح) تلاحضين لونه يتحول الى الاحمر لاتخافي عادي ثم صفيه وضعيه في جركل وتوضئي منه يومياَ
( انا اقدرها تقدير ولكن خذي مقدار 3كوب ارطا +1كوب ملح +لتر ونصف ماء واغليهم وهذا يمكن استخدام يومين ومافيه داعي تحطيهم في ثلاجه ولكن اذا كثرتي الكميه احفضيها في الثلاجه ,الغسول مرة في اليوم ايام الحيض والنفاس واكتفي بالتنشف بالمناديل
,اغلي الارطى مع الماء والملح لمدة ربع ساعه وبعدين صفيه واحفظيه للاستخدام لتشطيف تلك المناطق) وهذا الغسول تبع نظام فيافي
2- نوع ثاني وهذا انا اسويه وهو ماء حار + ملح وكثري الملح ونظفي المنطقة ونشفي بالمناديل على طول لا تتركينها مبللة

لكن ارجع وانبه ان الجوع او الرجيم في تلك الفترة ممنوع .لابأس با لسمك والروبيان,
تهتم بنفسها اثناء الدورة وتتجنب البارد والمشروبات الغازيه والممنوع من الفواكه والخضار
وتستخدم السفوف وشاي الاعشاب والتمرة مع الرشاد مهمه

م ن ق و ل للفائدة

مشكورة

موضوع مهم لكل بنت

مشكووووووووره

جزاج الله خير

مشكووووووووووووووووووره والله يعطيك العافيه

يعطيج ألف عافيه حبيبتي

مشكوره حبيبتي خوووووش افااااااده
الله يجزاج خير

حبيبتي يعطيج العافية موضوع واااااااااااااااايد مهم ونص البنات مو عارفينة
جزاج اللة الف خير

●●●

يعطيج العافية ..

وفي شكثر بنات مايعرفون ويهملون انفسهم ايام الدورة

●●●

والله وانا من البنات والحين اصبحت من المتزوجات اللي يهملون عمرهم بس والله العظيم مااعرف شئ من اللي يسونها في ايام الدوره
مشكووووره على الافاده

يسلموووو عالموضوع يعطيج العافية

حياكم الله

صج مشكورة انا تعبت وانا اقرأه اشلون لما ابي اسويه
الله يساعدنا
يعطيج العافية

يعطيك العافيه

شاكرنك على مجهودك