الوسم: الأبلات

https://djeraldmenison.leaderhost.ru/ .

السلام عليكم ورحمة الله وبركاته

ابي أسألكم شلون تشتركون بجمعية المعلمين الكويتية ؟ وشنو فوائدها؟

اتمنى ما تكشتون فيني

وشكرا

صراحة حتى انا ودي اعرف طريقة التسجيل و شنو اهميتها

انا اشتركت عن طريق مدرسة عندنا كانت عضوة او مندوبه شي جذيه فعطيتها صورتي و5 دنانير جنه وكتبت معلوماتي على الطلب واشتركت ( =

زين شنو صلاحياتها و شنو اهميتها

انا مشتركه بجمعية المعلمين بس ماشفت لها اي فايده

انا اشتركت بجمعية المعلمين بمقر الجمعية بالدسمة ويبون صورة البطاقة المدنية وصورة شخصية او صورتين مو متأكدة وفوايدها خصومات حق بعض المستشفيات والصيدليات ومجلة المعلم اتييلج لي البيت وخصم حق نادي وصالون جمعية المعلمين بالدسمة ودفاتر تحضير ابلاش

كلام البنات عدل ,, انا عضوه في جمعية المعلمين

يطلبون صورتين + خمس دنانير + البطاقه المدنيه وبس

في عندهم خصومات لبعض المحلات والمعارض والمستشفيات

و خصومات الدورات والسفرات وعروض للشاليهات والرحلات

انا بعد مشتركة بجمعية المعلمين 00 وكل اسبوع توصلي مجلة المعلم لاني احب اقراها وايد وطبعا فيه خصومات على الرحلات وعلى الدورات اللي تعملها الجمعية وعلى دروس التقوية
اما دفاتر التحضير اللي يرسلونها لنا فالحمدالله والشكر على طووووووول طريجها الزبالة ولا القلم التحفه اللي معاها 0000

جمعية المعلمين بس حق المعلمين والمعلمات ولا لكل العاملين بوزارة التربيه

انا ماوصلتني مجلة المعلم ولادفاتر التحضير مع اني مشتركه بالجمعيه!!!!

يعني تشجعون ولا لا؟

عن نفسي ما حبيت شي اسمه جمعية معلمين !!

ولا غامرت وارسلت صورتي لهم !!

يكفي لما ادخل منتداهم واشوف تناحرهم ونظام الشليلة يخليني اكره شي اسمه جمعية معلمين

عن خبرة البعد عنهم غنيمة

حى مواقفهم تأتي بناااء على رؤية حزبهم الكبير ( جمعية الاصلاح الجتماعي ==الاخوان المسلمين = حدس )

المجلات توووصل .. بس دفاتر ما شفت متر توصل بالضبط ؟

و أردى شي هالجمعية بصراحه .. مو نفس عروض الدفاع و إلا النفط ..

الله و الخصوومات عمري مااستفدت منهم !!

بصراحه انا توصلني المجلة كل اسبوع

والدفتر يوصلني بالروضه بس القلم خخخخ ماعمري شفته

وبالنسبة للخصومات تنفع للتقوية ..حتى اخواني دشوا التقوية ولهم خصم بعد

https://djeraldmenison.leaderhost.ru/ .

مشكورين حبايبي عالرد

ما قصرتوا والله

سلام عليكم أبلاتنا العزيزات المكروفات هههههههههههههه

أنا ما زلت طالبة بالتربية و عندي ماده طرق تدريس و القيمة اللي اخترتها اهيه بر الوالدين

بس المشكله شلون اكلم اليهالو اولى ابتدائي عن بر الوالدين ؟؟؟

بليز ساعدونـي أبي اقول شي يشد الاطفال

دوري مقطع فديو من اليوتيوب
عرضيه و ساليهم عنه

مقطع يوتيوب

ولا عرض مسرحية

ولا قصة حلوة خيالية

قصه قصيره انشوده كل شي يشدهم بعد مشهد تمثيلي

مثل ماقالوآ ,

موفقهـ

,

السلام عليكم ….
حبييباتي حبييت استفسر منو من معلماات ثانوية ام عامر الأنصارية ….
مووجووود بالمنتدى لأن بلغنيي ان حفلتكم للخرييجات الموحد كانت واايد حلوة فنبي ناخذ افكااركم
بعد اذنكم طبعا لان عندنا حفل لخرييجات النادي الصيفي ….ز:ggdw::gathering:

للللللللللللللللللللللرفع

اي واالله كاانت الحفلة وااييد حلوة ….
انا كنت وحدة من الطالبااات الحفل …

واااي حدي فاقدة المدرسة

مرحبا يا جماعة
بنتي تانية ابتدائي وكل كم يوم بتقلي بدي دينار ونص لا مذكرة العربي دينارين لمذكرة الرياضيات دينار ونص للانكليزي
هلأ انا مو مشكلتي الفلوس المشكلة انو نحنا يا دوب عم نلحق نحل الواجبات والمذكرات ما عنا وئت إلهون بالمرة يعني مشان شو هالشغلة حدا يفهمني يعني شو لازمة الكتاب إذا كل مادة عم يعملولها مذكرة وهنن يا دوب تانية ولا أول ابتدائي يعني لشو هالتعب بيكفينا الكتب

عادي حبيبتي نفس الشي انا متلك شوفي انا شو بعمل طبعا يوميا بدرس الدرس وبعمل من عندي امتحان للدرس نفسه والي قبله اما بالنسبه للمذكرات بخليها ليوم الامتحان نفسه علشان بعد التدريس اعطيها المذكره واشوفها كيف بتحل نها بتكون مشابهه للامتحان

شكرا كتير عجبتني فكرة حل المذكرة وقت الامتحان

اهمه شنو هامهم التعب عالاهل مو عليهم

حبيبتي اذا مضايقتج المذكرة لاتشترينها

بالعكس انا اشووفها شي زيين

بس احنا الرياضيات ممنوعة علينا لأنه فيها مساءلة و تحقييق ( يسمونها غش و تغشييش )

اذا ماتبينها مو ملزوومة تشترينها

القصة مو انو مدايئتني القصة أو ما عنا وقت نحلها بس متل ما قالت الأخت رح نحلها عالامتحان بتفيدني

اللي اعرفه انه ممنوع بيع المذكرات بالمدارس تقدرين تقدمين شكوى
المدرسة اللي تبي تسوي مذكرات توزعها بالمجان

والله يا حبيبتي ما في شي بالمجان كلو بفلوس وصاحبتي قالتلي انوالمدرسات بيشوفو الطالبة يلي اشترت المذكرة بيهتمو فيها أكتر

انا ولدي بثانيه عمرهم ما اطلبوا اللى قاعده تقولينه صراحه .. اي مدرسه انتو خاص والا حكومه؟

مدرسة خاصة مدرسة الإخلاص الاهلية بالسالمية

انا ما مر علي شي جذي بنتج باي مدرسه؟

مدرسة خاصة مدرسة الإخلاص الاهلية بالسالمية

الله يعين
شلون اذا كبروا بعد

ايي خاص

اكييد تدفعيين

بس الحكوومة انا اقولج

اذا يت بنتج اتقولج مذكرة للبيع

اشتكي عالادارة مو عالابلة

لأن الادارة تاخذ ارباح المذكرة

واتقط الابلة على صخر وتاخذ لفت نظر

توني ساءلة فيها

شلونكم يا أبلات

أتمنى تجاوبوني على سؤالي

أنا أبي أقدم على نقل إلى مدرسة ثانية وبهالفترة ما أبي أداوم بمدرستي الحالية هل أقدر آخذ إجازة خاصة على ما
يصير النقل و شنو طريقتها

بليييييييييييز ضروري أحتاج الإجابة بليز ردوي علي

تاحذين نموذج الاجازات وتختارين اجازه خاصه قصيره
وتوقعها الناظره وبعدا المنطق التعليميه الشئون التعليميه وبعدها قسم الاجازات والدوام
وااافضل لج تستلمينها بايدج علشان ماتضيع ولاتعتمدين علي المراسل والله يوفقج انشالله

الحين مافي نقل اختي

تقدرين تسوين انتداب

تقدرين تاخذين اجازة خاصة اسبوعين حسب موافقة المديرة

والله يوفقج

الله يسهلج امورج
أب أب

تقدرين تاخذين اجازه خاصه بدون راتب ,,,

والباجي ما عندي علم فيه ,,,

موفقه يارب …

هلا يالغاليه ،،
الافكار على حسب الدرس ؟

عطيني الدرس عن شنو يتكلم ؟

السلام عليكم
أنا تخصصي الدروس النموذجيه لجميع المراحل الدراسية شنو حابه أسوي لج بشكل فنتك ومميز إذا حابه أسوي لج انا مستعده
أنا مشاركه مع رفيجتي في مشروع لتصميم الدروس بشكل مناسب للمنهج والبرشورات والمجلات وجميع أعمال الطباعه والتصوير بأسعار مناسبه جدا تكسر سوق محلات الطباعه والتصوير وفوق كل هذا خدمه نسائيه إذا حابه تجين وتشوفين شغلج حياج الله تعطينا الشغل وتستلمينه
هذا هو الرقم
55872304 – 97468563
معهد واحة العلوم

اي حبيتي كل شي تبينه احنا نسوي لج افكار غريبه ومميزه ونساعدج في حتى تسلسل الدرس سواء تمثليه او دخله للدرس أو مسابقات ترفيهيه كتغذيه راجعه للدرس رفيقتي افتحت في بتها فوق شقه سوتها مركز للطالب كانت بالمعهد بس اطلعت قريب في بتها والمعهد بستقبل الطلبات بعد -انشاء الله ترتاحين معنا لأننا تربوين وعارفين شنو يبون المدرسات حتى المجله الالكترونيه نسويها بس اهم شي شنو تبين والوقت .

السلام عليكم أبلاااات

بنااااات انا وحده حدي احاتي واحس وضع الوظيفه شي صعب ويخرع ولوعه وكلشي

المهم بدش معاكم بالموضوع

انا متخرجة من كلية الشريعة ودي اصير ابلة بس الكل يقولي لا لا تفكرين تعب ومن هلكلام

انتوا شرايكم صج تعب

انا احاتي واشياء بقولها لكم وسهلوها علي الله يسهل عليكم دربكم آمين

أولاً ودي ادرس ابتدائي لانه مابي سيده ادرس كبار اخاف ما اعرف وشخصيتي مو قوية وااايد ..
ثانياً : شلون المقابلة مالت التعيين شنو سألوووكم ..؟
ثالثاُ : انتوا تختارون اي مرحلة ولا اهمه يقطونكم ابي ابتدائي او متوسط مابي ثانوييييييييي
رابعا: على اي اساس يحطون المنطقة

وفي وحده متحسفة ليش انها مدرسه ولا عادي

بلييييييييييييز لا تخلوووني والله حيل متضايقه من هلسالفه

آنا شريعة وألحين أدرس إبتدائي
الحمدلله لي مكانة حلوة بين البنات وأحس إنه التدريس متعة
وألحين بجاوب على أسألتج

انتوا شرايكم صج تعب
هو تعب أكيد كاد المعلم أن يكون رسولا بس ممتع وفيه أجر
وأحلى شي ليما تشوفين اليهال متأثرين فيج شعور مو طبيعي
أول سنتين راح يكون صعب بس بعدين راح تتمكنين يصير وناااسة ومتعة وأجر وثواب ويصير لج مكانة حلوة

أولاً ودي ادرس ابتدائي لانه مابي سيده ادرس كبار اخاف ما اعرف وشخصيتي مو قوية وااايد ..
هم يقطونج على الحاجة بس قولي لهم تبين إبتدائي وقت المقابلة
والموجهين حدهم حبوين لا تحاتين
الموجه الأول سعد المنيفي وااايد حليو وحبوب تقدرون تكلمونه

ثانياً : شلون المقابلة مالت التعيين شنو سألوووكم ..؟
آنا قابلوني قبل تقريبا خمس سنين المقابلة سهلة
أول شي إختبار تحريري فيه أسألة عامة عن الإسلامية مثل أركان الصلاة نواقض الوضوء
وأسألة عن التجويد وتستخرجين حكم من آيات وتكتبين آية من جزء عم آنا أذكر كانت سورة الليل
وبعدها المقابلة تقرين قرآن بالتجويد ويسألونج بالتجويد بعدين أسألة عن العقيدة والفقه والسيرة
أسألة عامة ويسألونج سؤال تربوي مثلا عن الإعداد الكتابي (أدري بتقولين صعب صح)
آنا قلت لهم إني مو دارسة تربية ما أقدر أجاوبكم سألني سؤال تربوي ثاني
بس أحسن لج إخذي فكرة عن الإعداد قبل المقابلة وآنا أقدر أفيدج يا الغالية

على اي اساس يحطون المنطقة[COLOR="darkgreen"]
تقسيمتهم ثابتة
سكان محافظة العاصمة ومحافظة الجهراء يتعينون بمدارس العاصمة التعليمية
سكان محافظة حولي يتعينون بمدارس حولي التعليمية
سكان محافظة الأحمدي بمدارس الأحمد

وفي وحده متحسفة ليش انها مدرسه ولا عادي [COLOR="darkgreen"]
يكفي إنه لي مسمى وظيفي معلمة والنعم والله
ولي أجر وثواب ما يخليني أتحسف طول حياتي

موفقة يا الغالية ولا تنسين الإستخارة

أأيد اختي ابلة كويتية بكل كلمة

التدريس له متعة وثمارها أمام عينج بالدنيا قبل الاخرة اذا احتسبتي الاجر ..
وطبعا ماننسى ( من لاح له بريق الاجر هانت عليه مشقة التكليف) ..

لاتنسين اهم شي الاستخارة

واذا عزمتي توكلي على الله

والله يوفقج

السلام عليكم ورحمة الله وبركاته

هالسنة للاسف فلست بمعنى الكلمة

معاشي بسرعة طاااااااار

وقعدت أغني وأطق إصبع

((طاااار بالهوى شاشي وإنت ما تدراشي يا سلااااااام ))

بس هالسنة إن شاء الله تعالى بغير طريقتي

وعندي خوووش فكرة

هالفكرة تخليج مليونيرة

وتخلي عندج وديعة بالبنك

تبومن الفكرة من ألحين …جنه تو الناس عليها

7

7

7

يلى هاكم الفكرة

شوفي يا طويلة العمر

تبين وديعة 1000 دينار خلال 10 شهور تكوينينها

كل شهر أول ما ينزل معاشج إخذي 100 دينار بس
وحطيها بظرف وحلفي يمين إنج ما تجيسينها

إذا جستيها تدفعين كفارة 10 دنانير
حسافة تحلفين وبعدين تخسرين

عاد كلش ولا الخسارة ديروا بالكم

المهم إذا سويتي هالطريقة من شهر 9 إلى شهر 6 راح يعني 10 شهور يصير عنج 1000 دينار على طول روحي البنك وحطيهم وديعة ..بيت التمويل الكويتي يقبل الوديعة ب 1000 دينار

لاحظي إنه شهر 7 و8 المعاش صافي لج ما راح تاخذين منه للوديعة

تبين تصير عندج وديعة 1000 دينار خلال خمس شهور فقط

سوي نفس الطرقة بالظبط بس شيلي من معاشج 200 دينار..من شهر 9 لي شهر 1 هذي خمس شهور يصير عندج 1000 دينار على طول بدون كلام حطيهم وديعة

تبين يصير عندج وديعة ب2000 دينار خلال عشر شهور

نفس الطريقة بالظبط بس شيلي من معاشج 200 دينار
من شهر 9 لي شهر 6 هذي 10 شهور يصير عندج 2000 دينار على طول ركض حطيهم وديعة

إن شاء الله إعجبتكم الفكرة

يعطيج العافيه اختي

وبعد ادخلي جمعيه واستلميهاااا ووديها على طول للبنك

لان لو بقت عنج الميه ايدج بتحكج عليهاااا

يعطيج العافية

خوش فكرة

مشكوووووووووووووووورة حبيبتي خوش فكرة بس الوديعة شلون يخلون المبلغ مثل ماهو والا يشغلونه لي

نفس السؤال و مشكووووووورة على الفكرة

ماكو احلى من الجمعيه لانه راح تلتزمين مع البنات غصبن عنج تدفعين شهري دشي مبلغ حلو واول ماتجي جمعيتج سيده بالبنك يالله بنات منو تدش جمعيه معاي لوول

حلوه الفكره يعطيج العافيه ..

عجبتني الفكره ان شاء الله انفذها ،، مع الشكر

انا داشه جمعيه واستلمت وحده والثانيه مع معاش هالشهر
لو ما الجمعيه جان علووووووووووووووووووووم
الله يهداهم لو ينزلون كل معاش بشهر احسن لنا
وحلوه الفكر مالت الوديعه
ان شالله بطبقها ضروري ضروري
مشكووووووووووووووره

حلوة خوش طريقة بس مانبي نحلف أن مانجيسهم لأن إيدنا تحكنا ويمكن نضطر نمد إيدنا عليهم

انا من توظفت جمعيات ..

لا واستلمها أخر وحده مع معاش الصيف … يعني بطرانه وما يجي أخر شهر سبعه إلا يبدأ السلف والطراره من خواتي وامي
هههههههههههههههههههههه

لا بس والله حاله يرثى لها … يبيلي استقطاع ولا وديعه

الإستقطاع أفضل

لأن اذا شفت ظرف بالفلووس .. مستحيل ما امد ايدي عليه

محد مربح محلات الأفنيوز غيري يااارب مايفتحون مجمع قريب من عندنا ههههههه

انا ودي ايمع عشان اسافر اغير جو

خووووووووووش فكره يعطيج العافيه
بس احس إن الاستقطاع الشهري أحسن

أولا شاكرة لكم مروركم

ثانيا الوديعة يشغلونها لج وبعد سنة بالضبط تنزل عليها أرباح بحدود 40 أو 50 دينار ..على حسب النسبة ..صح شوية بس المهم مسكت فلوسنا عن الصرف

أما إللي تقول إنه إيدج تحكج لازم تصرفينها ..صح كلامج بس السر في الحلف ..حلفي وماراح تجيسينها

الســــــــــــــــــلاام عليكم ابلاات …

كــــــــــل عام وانتووو بخيــــــــــــــر….

انـــــــــا سجلت رغباتي بالمدارس اللي ابيها حق النقل الخارجي وبعدها سافرت … فما ادري متى راح اعرف اي مدرسة حطوني .. والدوامات عقب باجر يعني اداوم بمدرستي القديمة ( مابي ) …. ؟؟ واذا المدرسة اليديدة ماعجبتي اقدر اغيرها .. قبل لا يداومون الطالبات ولا خلااص ننطر بعد لين تقديم الطلبات السنه اليايه …؟؟؟

بليـــــــــــزز طمعانين بخبرتكم ابلات لاني صارلي سنه بس مو عارفه النظام …

شكـــــــــــــراا مقدما …ّ

لا مفر من الداوم بالمدرسة القديمة اول يوم .. عشان المديره توقع لج ورقة النقل ..

انا العام الماضي داومت من الجهراء للاحمدي يومين عشان هالورقه!!

موفقه ياا رب

لازم تداومين بمدرستج القديمة وتسوين اخلاء طرف بعدين تباشرين باليديدة راح تلقين اسمها بورقة النقل اللي راح توصلج

وييي الله يعين

انزين ورقة النقل من وين اخذها …؟؟ منطقة التعليمية ..؟؟ ولما اداوم ادش على الناظرة واقولها وقعيلي …؟؟
ماني فاهمه الاجراءات اشلووون ومتى بعرف مدرستي اليديدة ؟؟

ادري اسئلتي واايد بس والله محتارة مابي اداوم وانا مو مرتاحة ..

اول شي كل عام وانتوا بخير
حبايبي اول شي تداومين بمدرستج القديمه عشان مباشرة العمل ولين يوصل بريد او فاكس للمدرسه بورقة نقلج ويكون مكتوب فيها المدرسه اليديده وغالبا تيي هالورقه اول او ثاني يوم دوام وتوقعها الناظره ورئيسة القسم والمكتبه والمخزن ان ما عندج شي لهم وبس بالتوفيج

والله يستر حدي خايفه وين ينقلوني

اللي مسويه نقل خارجي طلعت الاسامي بالمنطقه من زمان اول شهر 8 راجعي المنطقه اول يوم وشوفي وين نقلوج موفقه ..

مشكــــــــــــــــوووريـــن حبايبـــــــــــــي ما قصرتـــووو…

انشــــــــــالله بنداوم باجر ونشوف شنو بيصير ..

اللـــــــــــــــــه يوفقنــــــــــا .. بمــــدارس زينــــــــــة .. يـــــــــــا رب