خليجيةالسلام عليكم .. انا بصراحه .. ولدت بجري عند امل.. والحين الثاني بحيل الله .. اراجع عندها وبولد عندها
وابصراحه .. ما اقدر اقول شي والحق يشهدلها .. جنها ام مو بس دكتورة وتخاف علي واتدلعني .. يعني حيل ارتحتلها ..
واستانس على السونار لما تسويلي اياه توريني البيبي كله عدل .. ساعتين على كيف كيفي متى ما شبعت قمت ..
يعني صج اتونس
الله يهديها ويصلح بالها ويريحها يارب ويهدي عيالها .. ماشاء الله عليها تبارك الرحمن .. يعني المرة هذي صج تستاهل .. الله لا يخيب ضنها في احد .. صج من قلبي ادعيلها ..

.. بس ابي المراجعات اللي يراجعون عندها يشاركوني هالراي والا شرايكم .؟؟




انا معاج الصراحه اهيا ام قبل لا تكون دكتوره بس انا هذا حملي الثاني واول مره اكون عندها والحمدلله اني صرت عندها فرق عن مراجعاتي بحملي الاول عند دكتور … الله ينور دربها واذا ولدت بالسلامه اقولج زياده خليجية انتي ولدتي طبيعي ؟؟؟ وشلون كانت الولاده



هذا ثاني حمال لي عندها واهلي كللللللهم عندها بصراحة وايد حنونه وطيبة وانه احبها وااااااايد



انا الحمدلله كلشي طبيعي .. بس كنت بجر تدرين .. مادري وين الله قاطني كلما ياني عوار رحتلها .. وعلى طول اروح الطوارئ . وكنت القاها هناك .. واذا اهي مو موجوده .. كان في دكتورتين مصريتين .. بس هم وايد ايهبلون .. قعدت معاي يوم رحت اولد الدكتوره المصريه ابغرفة التخطيط .. ما صار خمس الى عشر دقايق والا الدكتورة امل موجوده .
فحصتني وودتني ولاده .. وحطتلي كمام .. وكنت مو نايمه يومين من التعب لانه الطلق كان بارد يومين .. مو راضي يزيد ولا راضي يقل .. فما كنت اقدر انام ..
ولما رحت واخذت الكمام وااايد ارتحت .. ونمت نوووووومه عمييييقه
بس بلا شك في الم طلق .. اللي مع الكمام تحسين انه جنه مكان الالم منمل والبطن يشد حييل .. لي راح رديت نمت .. ولي يي قومني من النوم
بس كان شعور غريب .. يعني مادري شلون اوصفه
والسسترات على راسي كلما فتحت اشوفهم يحوسون .. واسمع حس امي وخالتي وريلي .. قاعدين يسولفون .. لي سكتو .. افتح عيني اطالعهم .. اقولهم اشفيكم كملو هههههههههههه وانا سكراانه ماادري عن شي
ولما زاد الالم صار متقارب .. مسكني في ظهري .. وخالتي قالت حق السستر تهمز ظهري .. والسستر واقفه على راسي تهمز ظهري وماسكه ايدي .. وانا ماسكتها حيل علشان لا تنحاش ههههههههههه
على ما يقارب النهايه .. والطلقات صارو اقويا حدهم .. قالتلي الطبيبه اي وقت تبين الابرة المخدرة .."مو مالت الظهر" تخدير عادي قولي حق السستر
عاد السستر تقولي مدام تبي الحين ابرة .. اقولها لا لا نطري بخليها حق النهايه والسستر تقولي مدام لازم الحين .. وانا متوقعه ان اكثر بعد من جذي .. معانده اقولها مابي لا لا نطري اشوي لما يصير يعور وايد .اخاف اتقزني ويروح مفعولها وما ولدت ليلحين
حددي عليميه
عقب ثلث طلقات .. ما تحملت .. جان اناديها اقولها ييبي الابرة الحيين
قزتني وخففت علي وايد .. دقيقه ويت الطبيبه تقومني .يالله يالله قومي بووووش البيبي وصل يبي يطلع وانا اقولها لا ما يبي الحين ههههههه
مصممه عليهم
والطبيبه لا لا حبيبتي يالله بسج نوووووم انتي مو نايمه شهر شكلج ..قومتني .. ثلاث الى خمس طلقات شديت من قلللللب ..
اول مره انا شديت .. الدكتورة تقولي يالله الحين ..والي عقب غصبن عليج ماله داعي اتسوين شي .. لانه البيبي يشد يدز روحه يبي يطلع .. وكنت اقوله ابي امي .. ناديها .. وامي خايفه ما تبي تدخل مالها قلب .. وعقب يوم شفت امي مايت .. جان اقووووول مابي اولد خلاص ههههههه
ماقدر بس .. والطبيبه تقولي الحين ما تقدرين الحين بس اخر مره اقولها ماقدر .. يااات اخر طلقه والا يعني صج قلت يااااارب من قلب حسيت انه ماكو بالدنيا احد لا انا وربي .. نهاية الدنيا بالنسبة لي .. بالي صار فاضي وصخه ماتفكرين بشي.. جنه المخ توقف
والا احس شي زلق.. جان تقول خلاااص الحمدلله على السلامه .. وحطو البيبي على بطني .. واحس اني رديت .. نص وعيي مو كله اقولها ليش ولدي ساكت في شي ولدي ؟؟
والدكتورة ما تسمعني ..واناديها اقولها ولدي ليش ساكت في شي .. زين والا مو زين ؟
والا تقول يهبل يشبهج نسخه خليجية
والا قام يصارخ .. من خذو من عندي واهو صراخ.. وعقب احن على السسترات ليش يبجي ولدي سكتو سكتو .. وبس بعدين نادولي ريلي .. غبت عن الوعي.. لانه قزوني بنج ..
ما فتحت الا وانا بالغرفه .. والحمدلله
والحوسه كلها .. من الساعه 3 الفير لما الساعه 7 الصبح بالضبط طلع البيبي وخلصت القصه
وقمت من النوم .. وكأنه شي لم يكن



ماشالله مس بيلوت يلله انشالله هالمره سهاله … انا الله يستر من موعدي الياي … انزين لما كنتي تروحين مراجعاتج بالتاسع كنتي متوسعه ؟؟؟



اب اب



انا اراجع عندها بحملي الاول و الثاني و هذا الثالث ان شاء الله

الصراحة د.امل روعة و باجر موعدي ادعولي




بنات انا وايد سمعت عنها

ودي اعالج عندها حق الحمال شرايكم

بجم فتح الملف والزيارات بليز قولولي ودي احمل واييب مثل بنتي اللي توفت




السلام عليكم ابصراحهاانا سمعت عنها وايد بس اهي وينعيادتها ووين تولد بليز قولولي



[quote=وحده كويتيه;9249402]ماشالله مس بيلوت يلله انشالله هالمره سهاله … انا الله يستر من موعدي الياي … انزين لما كنتي تروحين مراجعاتج بالتاسع كنتي متوسعه ؟؟؟[/quote
والله حبيبيتي يوم دخلت التاسع .. كله تقولي مفتوح سانتي ونس .. واثنين سانتي
الحمدلله على كل حال .. والله كلشي سهالات .. بغض النظر عن المواقف الصعبه .. وايد تصير اشياء مو زينه .. بس الواحد يتقاضى عنها .. ويتذكر الاشياء الحلوه والسهله .. تخليج تولهين على الولاده .. مره بعد مره ودج تولدين



دكتورة امل .. عيادتها برويال حياة . فتح الملف 2ك.د ولالمراجعه يمكن 30 هالمحاري .. حق تحليل البول وانتي بكرامه والوزن والضغط والسونار واستشارة الدكتورة .
اول مراجعه تقولج تسوين تحليل دم ومادري شنو .. بعد هذي حسابها غير .. واذا انتي مسويتهم بره .. يبيلها النتيجه
يعني 32 كل مراجعه .. بس من تدخلين التاسع يصير كل اسبوع .. تاخذ 10



كلكم تنامون الصبح بس انا قاعده ..؟



انا قاعده بعد خليجية



اب اب



اي .. انشاء الله سهالات .. والله انا موعدي بعد تاريخ 20 من شهر خمس .. ومتشوقه اروح اشوف بيبييي بالسونار خليجية



تجمع مواليد اكتوبر 2015 (( ربي لاتذرني فرداً وانت خير الوارثين ))

خليجيةخليجيةخليجيةخليجية

السلام عليكم

حبيت افتتح تجمع لمواليد شهر 10
وينكم ياللي حللتو حياكم
خلنا نسولف لين تعدي احلئ ايام الحمل علئ خير

الله يتمم علينا وعليكم الحمل التام والولاده السهله والتربيه الهينه اللهم امين خليجيةخليجية




مبروكك حمالكم والله يرزق الجميععع



نجمهه تعالي معانا مواليد 9
لين يحلللوون البنات ويبشروونا



فخر اي بجيكم تجمعكم لين يصير عندنا حد ههههه



نجمه فجر مبرووك الحمل والله يبلغج شوفته سليم ومعافی
انا جارتج من تجمع يوليو خليجية



حياااج ي قلبي



طيووبه ياهلا ومرحبا
الله يهون عليج
ههههه بسير عليكم باجر الضحى تجمعكم



خخخخخخ
اوكك بس تعالي الضحي عشان اجهزز القهوة والجاي
قبل لانام



هلا وغلا نجمه انا حاسه اني حامل بس للحين ما حللت انطر موعد الدوره ان شاء الله خير

الله يتمم علينا ونولد بسلامه




هلا هلا

باجر دورتي وعساني ماشوفها من غير شر الا بعد ٩ شهور
بس حاسة جنة صدري لين وحلماتي تعوني بين فترة والثانية
ونغزات تيي وتروح
مادري حمل !
انا اجهضت من قبل عسى ربي يعوضني




قطوه وقانون كيفك ياهلا ومرحبا

ياربي تبشرونا

انا معاكم انطر التحليل بعد كم يوم
حللت قبل الدوره بيوم وكان الهرمون ضعيف ٢١

بحلل بعد كم يوم بشوف وش صار عليه

اخر دوره كانت ٣١ ديسمبر يعني من السنه اللي طافت




اهلين نجمه الله يسمع منج يا رب ويرزقنا الطفل السليم المعافى يا رب .

انا اخر دوره 15/1 ادري تو الناس بس لان عندي احساس اني حامل ان شاء الله والله اعلم

بس يجي موعدها بحلل واشوف

الله يسهل علينا يا رب وان شاء الله خير .




ان شاء الله ياربي ايسر لج



أجمعين يا رب وايسر حق كل وحده حامل وتتمنى الحمل يا رب



مبروووك للي حللو الله يتمم عليكم انا جارتكم من مواليد شهر اغسطس



&&&&

السلام عليكم ورحمة الله وبركاتهخليجية

هذا تجمع حق كل وحدة تراجع او كانت تراجع او حابه تراجع عند الدكتورة نداء بوخضور…
ولكل من ولدت او راح تولد عندها…
ومن وين سمعت عن الدكتورة؟
وشنو رأيها عن الدكتورة؟

خلونا نتشارك تجاربنا ورأينا أو مواقفنا مع بعضنا عن الدكتورة اللي في نظري ذهبه تهبل
على شان نستفيد ونفيد وتستفيد اللي ما تعرفهاخليجية

*حق كل وحده ما تعرفها وتبي عنوانها ورقم عيادتها:
عيادتها موجوده في علاج كلينك
مقابل مطافي السالمية
اللفه اللي بعد البنزين
رقم تلفون العيادة: 25665204
:

خليجيةيالله لا تبخلون علينا بردودكم الفعاله خليجية




حبايبي وينكم خليجية



انا اول الموجودين ^_^

انا اراجع عندها والله الدكتوره تهبل وعندها ذمه خليجية




انا معاكم بعد

انا اول مرة ما حبيتها ! بس عقب لا و النعم
شحليلها

بنات بسالكم ما تدرون جم تاخذ على الولادة ؟؟ و عادي اتولد باي مستشفى ولا لها مستشفى معين




انا راجعت عندها بعد

و الشهاده لله وايد محترمه

مره انا تأخرت على موعدي و ما قدرت تنطرني لان كان عندها ولاده .. قامت دقت علي تتعذر و تسألني اذا في شي ضروري

وايد حبيتها من هالحركه

و كلامها حلو و تطمن الواحد ما تخبصه

انا هذا بجر فمادري عن غيرها ما اقدر اقارن .. بس وحده قالتلي انها تعتبر تاخذ وايد و اكثر من غيرها بالولاده .. بس مادري عاد !




اذا ما خانتني الذاكره 280 دينار

و جنه المستشفى ما تفرق معاها بس جنها قالت اهي تفضل رويال حياة و دار الشفا




بنات هي بالطبيعيه شوي غاليه اكثر من غيرها ب 30 دينار يعني تاخذ طبيعي 280 متعسره 300 قيصريه 350 ..

الدكاتره الثانين ياخذون 400 او 450 على القيصريه




يعني اهي ارخص ؟



الكلام عن دكتورة نداء طويل بس احب افيد خواتي حول تجربتي معاها في حملي الأخير

كنت اعاني من سكر حمل مرتفع وعالجت في البداية في مستشفى الصباح اللي اقرولي ابر انسولين

وتميت على علاجهم حتى الشهر السابع راجعت عند الدكتورة نداء وهي شاطرة في موضوع السكر

فقللت لي جرعات انسولين وتابعت معاي حجم البيبي بالسونار وكان كل شئ تمام لله الحمد

الولادة حددت لي الدكتورة موعد ( ولادة بالطلق الصناعي بسبب السكر ) في مستشفى السلام وكان يوم طويل عانيت فيه معاناة نفسية بسبب ان الرحم ما قاعد يفتح على الرغم من وجود طلق ..وارتفع عندي اسيتون بس الدكتورة قدرت تخفض مستوى الاسيتون بالعلاج ..وكان بالها طويل.. وتشرح لي كل الخطوات والاحتمالات اللي ممكن اولد فيها …وفي النهاية عقب ما وقف الطلق معاي قررت أطلع من المستشفى وأحدد يوم آخر للولادة ..وهذا اللي صار وولدت يوم ثاني وكانت الدكتورة من اروع ما يكون معاي وسويتلي خياط تجميلي بعد الولادة .. الخياط كان شوي يعور بس وصفت لي حبوب وتحاميل وكريم .. وهذه التحاميل ممتازة توخر الم الخياط بصورة فعالة .. بعد اسبوعين كانت لي مراجعة معاها حول السكر والخياط ولله الحمد كل شئ تمام

هذه تجربتي مع الدكتورة وللعلم هذه ثاني ولادة لي وياها .. خليجية




توني والده عندها تهبل الدكتوره وخذت مني 300 لاني ولاده متعسره الصراحه الدكتوره وايد شاطره



اقتباس:
المشاركة الأصلية كتبت بواسطة غيـ الناس ـر خليجية
انا اول الموجودين ^_^

انا اراجع عندها والله الدكتوره تهبل وعندها ذمه خليجية

إنتي أول الموجودين خليجية
فعلاً هالإنسانه تشتغل بذمه وضمير وتحسينها تشتغل على شان تخدم
مو على شان الفلوس مثل بعض الدكاترهخليجية

غير الناس وين ناوية تولدين؟




اقتباس:
المشاركة الأصلية كتبت بواسطة مناير خزنة التاير خليجية
انا معاكم بعد

انا اول مرة ما حبيتها ! بس عقب لا و النعم
شحليلها

بنات بسالكم ما تدرون جم تاخذ على الولادة ؟؟ و عادي اتولد باي مستشفى ولا لها مستشفى معين

النعم فيها وبأخلاقها والله
ما ادري جم تاخذ بالضبط
بس هي تولد بكل المستشفيات الخاصه




اقتباس:
المشاركة الأصلية كتبت بواسطة رفييف خليجية
انا راجعت عندها بعد
و الشهاده لله وايد محترمه
مره انا تأخرت على موعدي و ما قدرت تنطرني لان كان عندها ولاده .. قامت دقت علي تتعذر و تسألني اذا في شي ضروري
وايد حبيتها من هالحركه
و كلامها حلو و تطمن الواحد ما تخبصه
انا هذا بجر فمادري عن غيرها ما اقدر اقارن .. بس وحده قالتلي انها تعتبر تاخذ وايد و اكثر من غيرها بالولاده .. بس مادري عاد !

حتى أنا مره كنت عندها بالعايادة ولمن صلر دوري طلعت تتعذر إن عندها ولادة وما راح تتأخر لأن الولاده كانت بمستشفىى رويال حياة
يم عيادتها
ولمن ردت تعذرت إنها طلعت وتاخرت خليجية انا وايد احبها

يمكن تاخذ اكثر من غيرها
بس هي شاطره بالتوليد وامراض النسا وتوه اختي والدة عندها فتح بطن خياطها يهبل لا مشبون ولا شي
ولاياتها كحه ما بعد العملية

رفيف وين ناوية تولدين؟




اقتباس:
المشاركة الأصلية كتبت بواسطة غيـ الناس ـر خليجية
بنات هي بالطبيعيه شوي غاليه اكثر من غيرها ب 30 دينار يعني تاخذ طبيعي 280 متعسره 300 قيصريه 350 ..
الدكاتره الثانين ياخذون 400 او 450 على القيصريه

يعني الدكتورة نداء أرخص!




النجوم الثلاث

ألف الحمدالله على سلامتج وسلامة البيبي
والدكتورة فعلاً شاطره بجمبع امور الولاده وبالها وايد طويل وتعطيج من وقتها
وتطمنج ما تخرعج وكله تهون على الوحده لمن يكون فيها شي جايد

إنتي معاج السكر من قبل الحمل؟
وشلون السكر الحين؟




✔✔تجمــ؏ لحوامــل التــوأأأم✔✔

السلام عليكم ورحمة الله وبركاته

بنات هذا التجمع خاص حق الأمهات للي يبون أو يفكرون يحملون
بتوأم نبي نتناقش شلون ممكن نحمل بتوأم طبيعي
أو علاج سواء ابر أو منشطات … إلـخ .

والأمهات للي حملوا بتوأم علاج لا يبخلون علينا بكتابة تجربتهم وين عالجوا
وشنو أخذوا من أدويه وعند أي دكتور وتجربتهم بحمل التوأم .
وعسى الله يرزقنا بتوأم معافي سليم كامل الخلق ..
خليجية
خليجية

يالله بنات نبي تفاعل عشان الكل يستفيد من هالتجمع .




راح أبحث بالمنتديات عن طرق ووسائل الحمل بتوأم وبحطها اهني
عشان الكل يستفيد ..
وهذا من بحثي ..
يابنات وانا افرفر بالمنتديات طحت على علاج رهيب للحمل بتوأم و صار لي فترة ادور عليه و اخيرا اليوم حصلته في GNC في السيتي
سنتر مقابل كارفور و على فكرة ينشط التبويض يعني اللي تبويضها ضعيف تقدر تستخدمه عشان تكبر البويضات لان اعرف وحده من
السعودية كان التبويض كلش ضعيف عندها و صار نشيط حملت واترككم مع الكاتبه تقول :
الحبوب هاذي اعشاب طبيعيه تسوي نفس مفعول الكلوميد واحسن لان الكلوميد مضاره اكثر من نفعه بس هالحبوب مفيده وماتضر هالحبوب
يابنات تخلي الوحد تحمل في تؤام خصوصا اللي في عايلتها حمل تؤام تكون النسبه99%
واللي ماعندها حالات تؤام في المواقع الاجنبيه اللي سويت عليها بحث كذا وحده استخدمته وحملو بتؤام مع انه مو وراثه و هالحبوب
تعالج التكيس المبايض
وتنظم الدوره
وتخلي حجم البويضه كبير
وتساعد في منع حالات الاجهاض والاسقاط
وتقول عن تجربتها الشخصيه بعد ماستخدمت هالحبوب اسبوعين ونص بس رحت عند دكتورتي وما كانت تعرف عن الحبوب اللي اخذها سائلتني انو
ماخذه كلوميد لان حجم البويضه اللي طلعت وقت الاباضه كبير وفوق هاذا الاباضه طولت عندي قعدت اربع ايام كانت تطلع من المبيض شوي شوي
علشان تعطي للحيوان المنوي يظل فتره داخل الرحم وهالحبوب تخلي الحيوان المنوي عايش فتره طويله
وتقول عن مضارها انو الحبوب هاذي طبيعيه 100%ومالها اي مضار لانها من اعشاب طبيعيه
الطريقه حبه وحده بعد الاكل من اول يوم الدوره لي فتره الاباضه يعني 3 حبات في اليوم
واخر الموضوع تقول انا احاول احمل من شهر كذا وطبعا الموضوع هاذا للكاتبه له مده موبعيده يعني تقريبا 4 اسابيع وكاتبه موضوع جديد وتقول
باركولي انا حامل والدكتوره تقول نسبه كبيره تؤام وانا طلعت عيوني كذا بس قلت لازم افيد البنات والحبوب هاذي اسمها

( فيتكس ) (Vitex)

طبعا الكلام منقول على لسان صاحبة الموضوع




هديتي لكل من تتمنى " التوائم " بالطرق الطبيعية

مرحبا صبايا…..

موضوعي للمهتمين بالتوائم ويشوفونها احلى أمنية ممكن تتحقق لهم

وبما اني اشاركهم هالأمنية الحلوة واقرى اغلبية المواضيع عن التوائم

لاحظت من خلال قرآئتي انه كثير بنات في المنتدى يسألون

عن بعض الطرق الطبيعية للحمل بتوأم

ففكرت انه لو اجمع اغلب المعلومات في موضوع واحد و يكون مرجع مبسط لنا

قمت أفر و احوس في هالنت وبالأخص المواقع الأجنبية عن طرق طبيعية

وما يكون فيها اي تدخل طبي

لان المواقع العربية بصراحة ما اشبعت فضولي في هالمجال ابد

وكان تركيزي على " الطرق الطبيعية " فقط من غير اي علاجات طبية مثل الكلوميد وغيره

من الأدوية او متابعة طبية بأبر هرمونية و تفجير وغيرها.

فجمعت بعض المعلومات المتواضعة وترجمتها بمجهود شخصي بحت

اتمنى انه يفيدكم و يساعدكم

كما اتمنى كل وحده عندها معلومه او تجربة و اكرر "طبيعية " او تجربة لصديقة لها

انها تفيدنا بها

ومابي منكم غير الدعاء لي بأن رب العالمين يرزقني من واسع فضله وبغير حساب

و أن يرزقني بالتوأم و بالي اتمني

بسم الله نبدأ

طبعا يا بنات قبل ما نبدأ باي خطوة

احب اعلمكم بأول وأهم وآكد و أوثق طريقة

هي استعمال

" $الوصفة السرية $ "

باللجوء الى رب العباد فهو الرازق الواهب الرحمن الرحيم

الذي اذا اراد أمرا ان يقول له كن فيكون

والثلاث عناصر السرية و الرئيسية هي :

# الدعاء…..

قال تعالى :

"وقال ربكم ادعوني استجب لكم"

‫"‬واذا سألك عبادي عني فإني قريب اجيب دعوة الداعي اذا دعان "

‫"‬وادعوه خوفا وطمعا إن رحمت الله قريب من المحسنين"

والأحوال التي يستجاب فيها الدعاء هي

في السجود ، بعد التشهد وقبل السلام ، جوف الليل، بين الآذان والإقامة ، عند الآذان ،

آخر ساعة من عصر يوم الجمعة ، دعاء المسلم لأخيه المسلم بظهر الغيب ، دعوة المسافر .

# الاستغفار…..

وله صيغ متعددة منها

‫"‬استغفر الله وأتوب إليه "

‫"‬استغفر الله الذي لا اله الا هو الحي القيوم وأتوب إليه "

والعدد قد ما يقدرك رب العالمين

# الصدقة…..

ما تجود فيه نفسك و في أي وقت وحين

الآن…..

وقبل البدء بالحديث عن التوأم يجب علينا معرفة انواع التوائم…….

ان التوائم نوعان :

النوع الاول :

ينتج عن تلقيح بويضة واحدة بواسطة حوين منوى واحد

ثم تنقسم هذه البويضة إلى قسمين لتكون طفلين ,

وهذان الطفلان يكونان إما ولدين أو بنتين ويحملان الصفات الوراثية نفسها ،

ويسمى " التوأم المتطابق او المتشابة" "Identical twins"

حيث يكونا متطابقين الى ابعد الحدود ،

يشتركان في تلقيهما للغذاء من الأم عبر مشيمة واحدة

لكن يُغلف كل واحد منهما ويحميه كيس أميوني مستقل،

أي أن كل جنين يسبح وينمو في غرفة منفصلة عن الآخر.

اما النوع الثاني :

فهو ينتج عن تلقيح بويضتين مختلفتين في الدورة الشهرية نفسها

بواسطة حوينين مختلفين وينتج عنها طفلان مختلفان في الشكل والجينات الوراثية

وقد يكونان من الجنس ذاته "بنتين او ولدين"، أو من جنسين مختلفين "بنت و ولد " ،

ويسمي "التوأم الغير متطابق او غير المتشابه" "Fraternal twins "

وهما لا يشتركان في تلقي الغذاء من الأم عبر مشيمة واحدة،

بل لكل واحد منهما مشيمة مستقلة ملتصقة على جدار الرحم،

وفي منطقتين مختلفتين منه.

ولذا سيكون لكل واحد منهما كيس أميوني مستقل يسبح وينمو داخله.

‫———-‬

الكثير من الناس يتسائل عن كيفية الحمل بتوأم

او ماذا يتطلب منهم لاجل الحصول علي الحمل بتوأم.

فبالرغم من ان هذا النوع من الحمل هو هبة من الله سبحانه وتعالى

ونعمة يرزقها رب العالمين لمن يريد،

هناك بعض العوامل الطبيعية التي من الممكن ان تساعد

على زيادة نسبة الحصول على هذه الامنية

بعد مشيئة الله ، ومنها :

اولا # الفولك آسيد :

حمض الفوليك عبارة عن فيتامين وهو أحد فيتامينات" ب " المركبة و يعرف بفتامين "‪ ،"B9 ‬

تناول الفولك اسيد بشكل عام مهم جدا للحمل الصحي ،

وقد تبين انه قد يكون عامل مساعد كبير في زيادة الحمل بالتوأم.

فعلى الراغبات بالحمل بتوأم البدء بتناول الفولك اسيد قبل الحمل بشهر على الاقل ،

ولزيادة الفرص اكثر يفضل قبل الحمل بثلاث او اربع شهور.

كما ينصح عند تناول حبوب الفوليك اسيد أكل جميع انواع الخضروات ذات الورقيات الخضراء الداكنة بشكل مكثف للحصول على "فيتامين ب "

الذي يساعد الجسم في امتصاص الفيتامينات بشكل اكبر .

‫= وهذي يا بنات احسها اسهل و اخف طريقه لان حبوب الفولك صغيرة

ودمها خفيف وبنت حمولة ، حتتفهم وضعك وماراح تغثك

لو تداومين عليها كذا شهر ، طلعت ميب سهلة هاالنقطة

ثانيا # اكل البطاطا الحلوه "الجزر اليماني" :

الكثير من الابحاث لخبراء في التغذية اجمعوا على ان تناولها يزيد من نشاط عملية الاباضة.

وذلك مما لاحظوه على بعض القبائل في المنطقة الغربية من افريقيا

التي تتميز باعلى مستوى في الحمل التوأمي في العالم

فقط لاعتمادهم في الطعام بشكل رئيسي على البطاطا الحلوه.

حيث وجد الخبراء ان هذا النوع من الخضار يحتوي على كيميائيات طبيعية وهي

" amino acid " و " aspartic acid" و"glutamic acid "

وجميعها تسبب نشاط قوي للاباضة

‫= بالنسبة لي الحمدلله عادي آكلها بس احس الي ما تحبها بتصير لها مشكلة ،

وترى طعمها حالي يعني فيه حلاوة مثل السكر

واعتقد ممكن الوحدة تاكل هالبطاطا اذا حاولت بس عطوها فرصة

رابعا # الرضاعة الطبيعية :

اظهرت دراسة ان الاستمرار في الرضاعة الطبيعية وقت المحاولة للحمل بطفل آخر

قد يكون من العوامل الطبيعيه المساعده في الحمل بتوأم خلال هذه الفترة

‫= ماشاءالله هالرضاعة فوائدها لا تعد ولا تحصى

خامسا # حبوب منع الحمل :

تقل فاعلية حبوب منع الحمل عند عدم الانتظام في اخذها بالشكل المطلوب و هذا يؤدي الى لخبطه في عمل الهرمون .

فلا توفر تغطية كافية لمنع التبويض تماما، الذي ربما بدوره قد يساعد في تنشيط الاباضة فيتم الحمل بتوأم.

‫=‬ كويس علشان لا تعورنا قلوبنا لين لخبطنا ونسينا

سادسا # الزيادة في الوزن :

النساء اللاتي يكسبن بعض الوزن الزائد تزيد لديهن النسبة في الحمل بالتوأم ،

لا يعني ذللك سمنه مفرطة ولكن زيادة القليل من الكيلوجرامات لان الصحة امر مهم خلال الحمل.

‫=‬ احسها بشارة لكل وحدة بحلانه بوزنها مثلي ،

على الاقل خلنا نستفيد من هالسمنه في شي

سابعا # عامل الوراثة :

العامل الوراثي له دور كبير،

حيث إن هناك عوائل لديها خصوبة زائدة ولديها استعداد للحمل التوأمي

وهذا التاريخ العائلي يزيد من احتمالية الحمل بتوأم بنسبة كبيرة

ونجد ان بعض النساء اللاتي لدى أمهاتهن أو أخواتهن توأم تكون هناك زيادة في نسبة الحمل التوأمي

لديهن حيث ان احتمالية وراثة هذاالجين المسؤول عن نشاط الاباضة كبيرة جدا و بالتالي تزيد نسبة الحمل بالتوأم

= ياه ماشاءالله ، المحظوظة الي عندها التوائم وراثة في العايلة

لان نسبة حملها فيهم راح تكون عالية

ثامنا # التقدم في العمر :

كلما تقدم عمر المرأة اثناء الحمل كلما زادت فرصتها في التوأم ، حيث تشير المصادر الطبية إلى أن تأخير المرأة لحملها إلى ما بعد سن الثلاثين،

تصحبه تغيرات في وتيرة إنتاج جسمها للهرمونات الأنثوية، مما قد يُؤدي إلى إنتاج المبيض لأكثر من بويضة ناضجة

وجاهزة للتلقيح في قنوات الرحم.

وذلك لأن النساء بدءا من سن 35 يلاحظ عندهن ان المبيضين يبدآن رحلة خفض إنتاج

ونوعيات البويضات المُنتجة إلى حين الوصول إلى سن اليأس،

ويبدو عليهما قلة التأثر بالنسبة الطبيعية لهرمون أف أس أتش "FSH"،

مما يضطر الجسم إلى زيادة إفراز الهرمون لحث المبايض على إنتاج البويضات،

الأمر الذي يؤدي إلى تعدد إنتاجها وإفرازها، وبالتالي ارتفاع احتمال الحمل بتوأم، الأمر الذي لا يكون شيئاً حميداً على الأم في هذه السن كما قد يتصور البعض.

فهناك احتماليات في هذه السن للتعرض للاجهاض ومرض السكري وارتفاع نسب الخطورة على الاجنة من التشوهات الجينية.

‫=‬ احم ، لا تعليق

اما الحين نجي لطرقنا الطبيعية الخاصة فينا لتنشيط المبايض ،

الي ممكن تساعدنا باذن الله في اننا ننتج اكثر من بويضة وننال مرادنا.

وطبعا حاتكلم عن

" الأعشاب الطبيعية "

في تصفحي للمنتديات لاحظت كثير من البنات تكلموا عن …..

المرمية ، الحلبة ، البردقوش ، عشبة المدينة ، الحبة السودة والعسل ،

غذاء الملكات وحبوب اللقاح مع العسل ، وخلطات مالها أول ولا آخر

وبما ان الاعشاب سيف ذو حدين علينا اننا نكون حذرين في استعمالها ونعرف وش الصح منها ،

علشان كذه اخذت المعلومات والوصفات من كتاب و من مدونة الدكتور جابر سالم القحطاني أستاذ العقاقير

والمعلومات كالتالي ……

المرمية :

هي العشبة التي تقوي المبايض ،

و مسحوق المرميه يستخدم لتحسين عمل و وضع المبايض ، وطريقته هي …..

استخدمي ملئ ملعقة صغيرة من مسحوق المرميه يباع في عطارة "روح الطبيعة"

وضعيها على ملئ كوب ماء مغلي واتركيه لمدة 15 دقيقة

ثم صفيه واشربيه مرة في الصباح ومرة في المساء ولمدة 20 يوم فقط .

المرميه جيدة ولكن ليس لأكثر من 20 يوماً ولا تكرر .

و يمكن اعادة استخدام العشبة بعد مرور شهرين على الاستخدام الاول.

‫=‬ يعني المرمية اثبتت بشكل قاطع انها عشبة سليمة و منشطة للمبايض مية المية .

الحلبة:

هي مقوية تخفض نسبة السكر، تخفض الضغط ، مدرة للحليب تفيد في مشكلات القولون و منشطة.

والحلبة لا ضرر منها على الكلى اذا اخذت بمقادير مقننة ولم يستمر في تناولها لمدة طويلة ،

والحلبة العادية تؤكل إما مطبوخة أو منقوعة مع ماء لمدة ساعة

ثم تحرك مع الماء و تشرب أو تؤخذ على هيئة سفوف

و يشرب بعدها ماء أو حليب خفيف الدسم ويوجد من الحلبة مستحضر يباع في محلات التغذية الصحية التكميلية

و يوجد من الحلبة حلبة منبتة تباع في الأسواق الكبيرة.

‫=‬ ما اشوف الدكتور تكلم عنها على انها منشطه للمبيض ولكنها مفيدة جدا لاشياء ثانية.

غذاء ملكات النحل:

هو للضعف العام والشيخوخة وتصلب الشرايين والشعور بالتعب وفقر الدم

أما أضراره فنظرا لأن غذاء ملكات النحل حساس جدا في طريقة حفظه و تخزينه

فاذا لم تكن هناك عناية فائقة في ذللك فإنه يكون عديم الفائدة وربما كان له ضرر كبير

‫= شكله زين ، بس في موقع الدكتور جابر وصفه لضعف الذكوره وما وصفه للنساء ،

مع اني قريت عنه في احد مواقع الاعشاب انه منشط للمبايض ،والله اعلم

الحبة السودة أو حبة البركة :

عملت دراسات علمية عليها ووجد أن الجرعة الفعالة هي الجرعة الصغيرة جدا أي سبع حبات مرة واحدة في اليوم

تؤخذ مع ملعقة عسل طبيعي و تلاك بالأسنان ثم تبلع مرة واحدة على الريق. وهي مقوية لجهاز المناعة و مرض الربو .

وحبة البركة منشطة للرحم و قد تسقط المرأة حملها إذا تمادت في استخدام الحبة السودة.

= يا حبيلها هالحبة ، يكفي ان في استعمالها اتباع للسنة

عشبة المدينة :

تستخدم لعلاج الغازات وليس لها دور في تنظيف الأرحام وأنصح بعدم استخدامها .

‫=‬ شفتوا وش قال الدكتور ! ابعدوا عنها افضل لكم

البردقوش:

البردقوش هو دوش المدينة وهو وزاب أبها ويختلف تماماً عن الزعتر البري

وكثير من العطارين لا يعرفون البردقوش الأصلي حيث أنهم يشترونه من موزعين وقد لا يكون البردقوش ،

وأفضل مكان يباع فيه البردقوش و مصدر ثقه هو عطارة روح الطبيعة .

والبردقوش منكه ويزيل انتفاخات وغازات البطن وليس له دخل في التنحيف

وأي شخص ذكر أنه ينحف فهو جاهل ويجب ألا يستخدم إلا للأغراض الذي ذكرتها فقط .

سؤال الى الدكتور جابر :

انا استخدمت عشبة البردقوش لمدة شهرين ولم ينزل وزني

وبعد فترة اصبت بكسل في الغدة الدرقية سؤالي هل هي السبب ؟

رد الدكتور جابر:

نعم البردقوش يسبب هذه المشكلة

فأرجو أن لا تنصاعوا لبعض المعالجين الذين يصفون أشياء لا يعرفون مجاميعها الكيميائية .

والبردقوش ليس له علاقة بإنقاص الوزن .

وايضا معلومة اخرى عن البردقوش ولكن من الدكتور عبد الباسط :

وجد الدكتور عبد الباسط أنه ينظم هرمون البرولاكتين ،

وأنه عند تجريبه بواقع كوبين من المستخلص المائي منه ـ فإنه يحل محل الدواء الكيميائي ،

و بذلك يستخدم العشب في علاج حالات عدم انتظام الدورة الشهرية ، و كذلك عسر لطمث .

وطريقة عمل شاي من هذا النبات هو أخذ ملء ملعقة أكل من أوراق النبات

و وضعها في كوب ثم يصب عليه ماء مغلي ويغطى ويترك 15 دقيقة

ثم يصفى ويشرب ويمكن تكرار ذلك مرة أخرى يوميا.

"أي أعشاب لا تغلى يضاف عليه الماء المغلي حتى لا تفقد الزيوت الطيّارة".

‫= آه هالبردقوش مسبب مشكلة ، دكتور جابر ما جاب طاري له في موضوع التنشيط ابد ،

والدكتور الثاني يمدحه لتنظيم الهرمون ، عاد يرجع لكل وحده وش تقرر لنفسها

سؤال الى الدكتور جابر عناحد الخلطات :

قرأت عن وصفة مكونة من مقدارثلاث فناجين قهوة من كلا من:

قرنفل مطحون /حبة سوداء مطحونة/فلفل أسود مطحون/كمون مطحون/وحب رشاد غير مطحون

تخلط جميعا ويؤخذ منها مقدار ملعقة على الريق من ثالث يوم في الدورة حتى نهاية الدورة

يقال بأنها تعمل على تنشيط المبايض،

فهل هذا صحيح وهل لهامضارومافائدة القرنفل للعقم ؟

رد الدكتور جابر :

هذه الوصفة آمنة فأستخدميها ولا خوف من القرنفل .

=‬ الدكتور جابر قال آمنة

منشط طبيعي لضعف المبايض:

استخدمي مستحضر بحري يسمى Kelp كبسولة واحدة في اليوم ولمدة شهرين

ثم حللي يباع هذا المستحضر في عطارة روح الطبيعة .

‫=‬ وهذا منشط وصفه الدكتور جابر لوحده ، بس برضه تأكدوا منه ،

يمكنه ما يناسب الا حاله معينه

———-

فيتيكس :

وفيه بعد حبوب سمعت فيها اسمها فيتيكس"vitex" و يقال انها عبارة عن كبسولة أعشاب ،

والله أعلم ، الرجاء قبل استعمالها استشارة طبيبة مختصة

وهنا موضوع لاحد الاخوات عنها ….

‫=‬ بحثت عن هالحبوب في النت في المواقع الأجنبية لقيت انهم يستعملونها ،

بس طبعا الافضل لنا ان نسأل دكتورة مختصة عنها موب نآخذ اي شي

وهذي الحبوب لم يصفها الدكتور جابر

—————-

أسأل الله ان ينفعني واياكم و يرزق كل وحدة الي تتمنى

منقول




قوة يالغاليات ،،

جمعت لكم أكثر من وصفة واسم لحبوب وسويت عنهم بحث بقوقل والحمدلله كانت المعلومات طيبة ومشجعة،،

فقلت خل اشارك حبيبات قلبي بهالموضوع عل وعسى يفيدكم وأمانة اللي استفادت من هالمعلومات تقولنا وتفرحنا حتى لو استفادت منها قبل تقرى موضوعي!!

والحين وصفات طبيعية للحمل بتوأم :

1- (كيلو عسل سدر اصلي+ ربع كيلو لقاح النخل+ ربع طلع النخل+ ربع غذاء الملكات ) تخلط مع بعض بنسب محدده وتؤكل ثلاث مرات باليوم >>خلطة جابر القحطاني

2- ضعي ملعقة بردقوش مع ماء مغلي في كوب واشربيه مرتين يوميا مع الهدال >>خلطة عبدالباسط السيد

3- عصير الاناناس الطبيعي مثل نادك او الربيع بدون سكر مفيد لتنشيط المبايض

4- الميراميه جيدة بس ترفع هرمون الحليب

وطبعا كثرة الاستغفار وقراءة سورة ( مريم ) و ( يس ) ودعاء ( ربي لا تذرني فردا وأنت خير الوارثين ) .

وهذي أنواع للمنشطات اللي تساعد على تنشيط البويضات بس قبل استخدامها لاااااااااازم وضرووووووووووري استشارة الطبيب،،
وهي :-

1- الكلوميد .

2- الاستروفين .

3 – الفيتيكس .

عسى ربي يرزق الكل بالذرية الصالحة آآآآآآآآآمين يارب العالمين،،

منقول من منتدى كويتيات من العضوه العوبه




الله يرزقكم إن شاء الله بس سبحان الله مو شرط بهالأشياء كلها الوحده تحمل بتوأم لأن قبل ما أحمل كنت آخذ عسل وغذاء ملكات النحل وطلع النخيل والجنسنغ تقريبا ست شهور مو عشان التوأم عشان الحمل بس ورحت للدكتوره وعطتني كلوميد وأبر وسبحان الله حملت بس بواحد



صح كلامج أم ساره وفي بعد يجيكون عالبويضات اذا وحده ولا أكثر
من وحده وممكن يصير توأم وممكن واحد وكله بايد الله سبحانه احنا
نسوي للي علينا ونخلي الباقي على الله ..

نبي تفاعل يا بنات بالتجمع ما نبي نووووم




68 مشاهده وماكو ردود اشدعوا بنات

ما تبونه نفيد بعض وللي حملوا بعلاج وينهم ؟

لا تبخلون علينا بتجاربكم وتصيرون أنانيييين حب لغيرك كما تحب لنفسك




الله يجزاج خييييييييييير

موضوع شيق ماقصرتي يالغلااا

الله يرزق كل وحده باللي تتمنى




الله يرزقكم ويرزقنا بتواااااائم متعافين …



الله يرزقكم ان شاء الله الذريه الصالحه والتوائم المتعافيه



اللهم آميييييييييييييييين

رفع




الله يرزق كل وحده اللي تتمناه

لازم تنتبه الوحده انها ماتغامر و تاخذ كلوميد او ابر تنشيط من نفسها

لازم تحت اشراف طبيبه والا يصير معاها تكيسات و مشاكل لاسمح الله

اب لعيونج




اب اب اب



عسي الله يرزق كل وحده تبي توم بتوام يارب



]خليجية
خليجية

**
**أخواتي العزيزات مرحباً بكن في *تجمع حوامل التوأم*
الثنائي والثلاثي والرباعي والخماسي ,,,
كله خير ماشاالله تبارك الرحمن ,,,*
*

*
¨°o.O (حساب شهور الحمل) O.o°

الشهر الأول من أول يوم في الدورة
الشهر الثاني 4 أسابيع و4أيام تدخلين الثاني
الشهر الثالث 9 أسابيع تمام تدخلين الثالث
الشهر الرابع 13 أسبوع و3 أيام تدخلين الرابع
الشهر الخامس 17 أسبوع و6 أيام تدخلين الخامس
الشهر السادس 22 أسبوع و2 يوم تدخلين السادس
الشهر السابع 26 أسبوع و5 أيام تدخلين السابع
الشهر الثامن 31 أسبوع و1 يوم تدخلين الثامن
الشهر التاسع 35 أسبوع و4 أيام تدخلين التاسع

*
خليجية

خليجية
*
*
وزن الجنين = fetal weight
يرجى مراعاة أنه من بعد الاسبوع 20 ممكن أن
يزيد أويقل وزن الجنين بمعدل 50جرام
وان حوامل التؤأم الثنائي والثلاثي اوزان الاجنه
*يكون مختلف شووي*
*الوزن بالجرام:
الاسبوع 11 = 7
الاسبوع 12 = 14
الاسبوع 13 = 23
الاسبوع 14 = 40
الاسبوع 15 = 70
الاسبوع 16 = 100
الاسبوع 17 = 140
الاسبوع 18 = 190
الاسبوع 19 = 240
الاسبوع 20 = 300
الاسبوع 21 = 360
الاسبوع 22 = 430
الاسبوع 23 = 501
الاسبوع 24 = 600
الاسبوع 25 = 660
الاسبوع 26 = 760
الاسبوع 27 = 875
الاسبوع 28 = 1005
الاسبوع 29 = 1153
الاسبوع 30 = 1319
الاسبوع 31 = 1502
الاسبوع 32 = 1702
الاسبوع 33 = 1918
الاسبوع 34 = 2146
الاسبوع 35 = 2383
الاسبوع 36 = 2622
الاسبوع 37 = 2859
الاسبوع 38 = 3083
الاسبوع 39 = 3288
الاسبوع 40 = 3462
الاسبوع 41 = 3597


(الله يوصلنا لهالاسابيع الاخيره على خير إن شاء الله )
*
خليجية

*


معلومااااااااااااات
مواعيد حدوث الولادة :

التوأم الثنائي :
غالبا ما يلدون في الاسبوع الـ36 من الحمل
35% منهم يولودون قبل الاسبوع الـ35
10% منهم يولدون قبل الاسبوع الـ31

الحمل الثلاثي

غالبا ما يلدون في الاسبوع الـ32 من الحمل

80% منهم يولد قبل الاسبوع الـ35
30% منهم يولدون قبل الاسبوع الـ31*
الحامل في 3 اجنه واكثر*
الاغلبية تلد في الاسبوع الـ30 من الحمل

خليجية

*(*للهم سهل لاخواتي حملهم وولادتهم بالصحه والعافيه
*والخلقه التامه المعافى …*
اللهم ارزق اخواتنا المحرومات الذرية الصالحة
*و بشّر قلوبهم بالحمل السليم المعافى
*يا أكرم الأكرمين …*
اللهم عوّض اخواتنا اللواتي فقدن*
أجنتهم في القريب العاجل
*يا أرحم الراحمين )
وان تثبت حملي يارب*
ياكرررريم

*

*خليجية

*
*
*

خليجية*




تجمع نبي طريقة مجربة لانجاب الولد بأذن الله

السلام عليكم ورحمة الله

خليجية

كلنا نعرف ان العلم تطور وصار يساعدنا بتحديد نوع الجنين ولكل كل شي بيد رب العالمين فلازم ندي ونطلب من الله ان يهبه لنا وبعدين نبذل الاسباب

وفي شروط للتسجيل بهذا التجمع لازم كل وحده تقرها عدل قبل ماتسجل معنا

1-اول شي تسجلين اسمج وعمرج وراح يكون التسجيل مفتوح لي يوم 15 يونيوو يعني فتره اسيوعين فقط واي وحده بعد هالتاريخ راح تسجل راح تكون متابعه فقط.

2- اي معلومه تشوفين انها تفيدنا لاتبخلين علينا فيها.

3- اذذا كنتي تراجعين عن دكتور او دكتوره ذكري لنا اسمائهم وبرنامجهم.

4- لازم تسجلين دخولج كل نهاية اسبوع وتذكرين لنا شسويتي .

5- اي نقاش خارج موضوعنا مممنوع بالتجمع عشان الكل يستفيد من المعلومات اللي فيه.

وان شالله كلنا نيب تؤام صبيان
خليجية




موضوعج حلو بس ترى ما فهمته خليجية اهنيه ماشالله البنات عندهم معلومات حلوه و مثل ما قلتي الطب تطور بس كل شي بيد الله سبحانه و ان شالله البنات يتفاعلون وياج موفقه يارب




دا شه غلط ابي بنت انشاء الله ومخليتها علي الله لان تحديد الجنس حرام والله يرزقج بالولد الصالح



اقتباس:
المشاركة الأصلية كتبت بواسطة om.meme خليجية
موضوعج حلو بس ترى ما فهمته خليجية اهنيه ماشالله البنات عندهم معلومات حلوه و مثل ما قلتي الطب تطور بس كل شي بيد الله سبحانه و ان شالله البنات يتفاعلون وياج موفقه يارب

هلا فيج ويسعدني تكونين اول وحده ترد الموضوع وانا قلت كل شيد بيد الله ولازم نتوكل على الله ونبذل الاسباب




اقتباس:
المشاركة الأصلية كتبت بواسطة وجع راس خليجية
دا شه غلط ابي بنت انشاء الله ومخليتها علي الله لان تحديد الجنس حرام والله يرزقج بالولد الصالح

هلا فيج اختي يسعدني مرورج
واحب اقول ان كلمه حرام تعتبر افتاء ومايجوز التحليل والتحريم الا بنص من القران (اي ماورد في القران او السنه النبويه) والموضوع اختلفوا فيه العلماء منهم من اجازه ومنهم من قال لا يجوز والغلبيه اجازوا اغلبه اللي بالغذاء والدواء مثل الغسول وتحديد ايام الجماع واما اللي فيه اختلاف عمليات فصل الاجنه وانا مقصدت العمليات بموضوعي لكن قصت الدعاء والعلاج خليجية




اقتباس:
المشاركة الأصلية كتبت بواسطة om.meme خليجية
موضوعج حلو بس ترى ما فهمته خليجية اهنيه ماشالله البنات عندهم معلومات حلوه و مثل ما قلتي الطب تطور بس كل شي بيد الله سبحانه و ان شالله البنات يتفاعلون وياج موفقه يارب

راح اوضحلج الفكره وللبنات اللي موفهمين فكره التجمع
حبيبتي الموضوع انج تخذين جدول غذائي معين وانا راح اكتب جم شغله تساعدج تسوين جدول لج بنفسج وتتبعينه من لي موعد التبويض عندج وتستخدمين فوار قلوي وغسول وراح اذكر لكم كل شي بالتفصيل وتقولين لنا شنو جدولج الغذائي وشنو صار معاج بمراجعاتج (يعني تطمنينا عليج اول باول)واي غسول استخدمتي طبعا الموضوع مبني على اساسين اهما ايام التبيويض(وقت الجماع) والاساس الثاني قلويه الجسم بس من دون عمليات فصل الاجنه طبعا كل هذا بعد التوكل على الله والدعاء




أولا: كل شئ بإرداة الله اولا وأخيرا ولازم نؤمن بهذا الشئ
ونتوكل على الله

ثانيا :/ الاستغفار ..الاستغفار ..الاستغفار
وقفي حش وغيبة ونميمة وخلي لسانك رطب بذكر الله وبالاستغفااااااااااااااااار خاصة

قال الله تعالى :
"فقلت استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً" صدق الله العظيم
قال الرسول صلى الله عليه وسلم :-
(من أكثر الإستغفار جعل الله له من كل هم فرجا ومن كل ضيق مخرجا و رزقه من حيث لا يحتسب).

الطريقة بالتفصيل مع الاغراض الى راح نستخدمها

1- لازم تتابعين يوم التبويض عند دكتوره عشان هذي الطريقة ما تضبط إلا اذا كان يوم التبويض صحيح 100%
فيه بعضكم بيقول انا اعرف يوم التبويض، انا المشكلة الي صادفتني ان يوم التبويض كل شهر يختلف عن الشهر الي بعده مره يوم 15 مره يوم 17 مره يوم 18 من بداية الدوره الشهرية
(يوم التبويض هو يوم نزول البويضة للرحم يتم حسابه من اول يوم في الدورة )
تتابعين التبويض عند اي دكتورة تقوليها انا اريد اعرف موعد التبويض، الافضل تروحين لها بعد 10 ايام من بداية الدورة عشان تبدأ تحسب حجم البويضة وتخبركم عن انسب يوم للجماع طبعا ممكن تقول تعالي بعد يومين او 3 ايام عشان تتاكد من ان حجم البويضة كبر(يقولون لازم يكون حجم البويضة 18 او اكثر). بالنسبة لي تابعت عند دكتوره رحت لها بعد الدورة ب 10 ايام رحت لها وقالت لي تعالي بعد 5 ايام ورحت لها بعدين قالت لي بعدها البويضة حجمها صغير تعالي بعد 3 ايام طبعا انا بديت من بعدها اطبق الخطوة رقم 2
خواتي الافضل تستخدم الجهاز الداخلي عشان تتاكد اكثر من موعد التبويض الي هاذي صورته.

خليجية

وهذي صوره لطريقه عمل الجهاز(الكشف)

خليجية

– تروحين الصيدليه وتشترينUralyt-U وهو عبارة عن بودرة لونها برتقالي مثل العصير في كرتون كبير لونه اخضر (ما في منه اي مضره) وظيفة هذا الدواء او العصير انه يخلي الجسم كله قلوي ( الجسم القلوي يخلي الحيوانات المنوية الذكرية هي الي تلقح البويضه ويبطئ الحيوانات المنوية الانثوية) كيف استخدمة : تستخدمينه لمدة 3 ايام قبل التبويض بيومين + يوم التبويض عشان يصير الجسم كله قلوي. بعد الفطور تحطين منه ملعقة (موجوده بالداخل) في كوب ماي وتشربينه، بعد الغداء تحطين 2 ملعقة في كوب ماي وتشربينه، بعد العشاء تحطين 2 ملعقة منه في كوب ماي وتشربينه. وحاولوا خواتي انكم تكثرون من شرب عصير البرتقال الطازج في هالايام وتقللون كثر الامكان من الحليب ومنتجاته عشان ما يتحول الجسم الى حامضي (مناسب لانجاب الانثي)
او الفوار الاخضرUral

خليجية

يتبع……….




الله يرزقكم الذريه الصالحه



مشكوووورة أختي



انزين خواتي انا ودي اعرف وقت التبويض من غير ما اروح عند دكتوره يصير ؟



حتى انا ودي عرف



اقتباس:
المشاركة الأصلية كتبت بواسطة ++the duchess++ خليجية
الله يرزقكم الذريه الصالحه

جزاج الله خير يالغاليه والله يسمع منج




اقتباس:
المشاركة الأصلية كتبت بواسطة قمر المدينة خليجية
مشكوووورة أختي

العفو ولو




اقتباس:
المشاركة الأصلية كتبت بواسطة ام فطوطه خليجية
انزين خواتي انا ودي اعرف وقت التبويض من غير ما اروح عند دكتوره يصير ؟

هلا يعمري
ممكن لان في نفس تحليل الحمل اختبار منزلي للتبويض سألي عنه بالصيدليه بس يتم السونار اضمن عشان تعرفين اذا حجم البويضه اوكي او لا




اقتباس:
المشاركة الأصلية كتبت بواسطة شيرازية 85 خليجية
حتى انا ودي عرف

هلا فيج حبوبه
وتمي تابعي الموضوع بدور صورت الاختبار اذا لقيتها بحطها لكم
وانا مستخدمه لان احس السونار اضمن يطمنج على نفسج وعلى بالاول وتعرفين
اذا ماكانت البويضه صغيره او حجمها اوكي للحمال




تجمع الدكتور

السلام عليكم بنات

هالموضوع حق مراجعات الدكتور حيان الاحمد
طبعا غني عن التعريف

ربي يتمم علينا




اليوم كان عندي مراجعه يا دمه الخفيف هالدكتور

قالي موعدج الياي بعد اسبوعين والله يتمم




انا من مرااجعينه ماشاء الله عليه هالدكتور شقول شحجي عنه بصراحه دكتور بمعني الكلمه نفس حلوة شطاره طولة بال مروا علي دكاتره مثله ماشفت اليوم كنت عنده وهم موعدي بعد اسبوعين



السلام عليكم يا حلواات..الله يسهل عليكم و علينا إن شاءالله

بنات قولولنا عنه انا اسمع فيه و ناويه اراجع عنده إن شاءالله..يمدحون قيصريته مع شد البطن<<<اهم شي هههه

جم فتح الملف والسونار وعنده تحاليل واﻻ بره وشلون الزحمه عنده

نبي معلومات كافيه…و شكرا




وين صاير؟



اقتباس:
المشاركة الأصلية كتبت بواسطة كوكيز بالكريمة خليجية
السلام عليكم يا حلواات..الله يسهل عليكم و علينا إن شاءالله

بنات قولولنا عنه انا اسمع فيه و ناويه اراجع عنده إن شاءالله..يمدحون قيصريته مع شد البطن<<<اهم شي هههه

جم فتح الملف والسونار وعنده تحاليل واﻻ بره وشلون الزحمه عنده

نبي معلومات كافيه…و شكرا

فتح الملف مع الدخول سونار 35
والتحاليل بنفس المجمع مزايا ماتطلعين برا




اقتباس:
المشاركة الأصلية كتبت بواسطة ba6re8a خليجية
وين صاير؟

بمزايا الجابريه يم معهد تشامبين




بنات اللي جرب ولادته من قبل قيصريه او طبييعي ياريت تقولولنا التفاصيل



مرحبا بنات انا بعد من مراجعات الدكتور ماشاء الله عليه خلوق وذرب وﻻ يحرج ابد

مراجعتي عنده قبل اسبوع دخلت عليه متضايقه وخايفه بس طلعت مطمنه الله يجزاه خيير

حييل يطمن ويريح النفسيه




مشكوره مذهله على التجمع والله كنت مفكره اسويه نبي نستفيد اكثر

يعطيج العافيه

تصدقون بنات على كثر مراجعاتي عند الدكتور حيان عمري ماصادفت زحمه مع ان
مواعيده فل بس حييل منظم وهذا اللي ريحني بزياده




حبايبي حياااكم الله

اختي جربت عنده طبيعي شلوون يصبر ويراقب الحاله

اختي اولدت برمضان والفير واهو يراقبها وقال ماراح اعطيها طلق صناعي لانه مو زين للياهل وموزين لهااا

وشاااااااااااطر حيييييييييييييييييل حييييييل وفاهم

والله انصح الكل يروحله والله يطمن ويشرح كل شيء




بنات الحين انتو اي شهر ؟؟؟؟؟






انا هم اراجع عنده ولدني بجري والحين هم عنده
لو شنو ماافكر بغيره

الصراحه خوش دكتور




انا هم اراجع عنده ولدني بجري والحين هم عنده
لو شنو ماافكر بغيره

الصراحه خوش دكتور




السلام عليكم ورحمة الله وبركاته

طبعا الموضوع أمبيين من العنوان خليجية

هذا التجمع حق كل وحده سوت أو بتسوي عملية ربط

طبعا كل وحده تقول لنا شنو سبب إلي خلها تسوي العمليه
لأنه في أسباب وأيد

و عند منو سوته

حكومه ولا خاص

في ألم أو لا

عن نفسي ماسويتها بس موعدي ?9-4
وخايفه شوي

والسبب: إني ولاده مبكره بالخامس

نفسيا وأيد تعبت
وحيل خايفه يتكرر مره ثانيه

من جذي كل وحده تنصحنا أو تقول جربتها
وانشالله
الموضوع يكون مرجع حق الكل
ومانبي غير الدعاء
والله يثبت حمل كل حامل يأرب




وينكم بنات ولا رد

خليجية




انتي باي شهر يا قلبي..

عسى الله يسهل علينا ويتمم علينا يارب العالمين




عسى الله يتمم عليكم ويثبت حمالكم ان شاءالله



ماعندي خلفيه الله يثبت ما فيج يا رب



أنا بالثالث
آخر دوره 14_1



لطوووفه .. شنو سبب عوارج مفاجأ ولا كان معاج نزيف ولا انبط الماي عندج



ماكان معاي ولا شيء كان حملي سليييم
بيوم وليله بلييل ياني عوار خفيف
أرووووح ويرد. ولا يطلع طلق
ودخلوني ولاده
وبش الحمد لله على كل حال



لطوفه

ربي يتمم عليج يارب ويثبته للتاسع

انا مسويه ربط من الشهر الثالث وانا الحين بالسابع الحمدلله ربي يتمم علي وعليكم

السبب ولاده مبكره مرتين بالسابع الاولى نزيف والثانيه الماي كله نزل




لطوووفه.. انا بسوي ربط اخر الثالث ان شاء الله الدكتوره معطتني موعد 5/5

ودي اسويه بحكومه ..

انتي اكيد سويتي الربط الحين قولي عنه كل شي بالتفصيل حياتي خليجية




السلام عليكم

استغربت ماكو تجمع للي مسويين ربط
ودنا نعرف اوضاعكم وشلون سويتوها ومن اي شهر ؟؟؟

وشخبار حياتكم تمارسونها عادي ولا كله منسدحين ؟؟؟

خل نآزر بعض 




اي صج ليش تسونه واشحقه وشنوا تحسون فيه ومتى تفتحونه ووووووو
وايد اسئله



هلا عليكم السلام
انا سويته نهاية الثالث والحمدالله انا احين بالسابع طبعا انا منسدحة من اول ماحملت لي احين بس من اسبوعين قمت اطلع ومامشي وايد شوي واقعد
والله يسهل ويتمم علينا يار ب



وليش رابطه شنو الاسباب



حبيبتي توحة يسونه عشان تجنب الولادة المبكرة



مواليد شهر ابريل 4//2015حياكم الرحمن

ربي لاتذرني فردا وانت خيرالوارثيييبن

حبيت افتح للحوامل هالتجمع

الله يترسه من بنات تاخر الانجاب

حياكم الله

رب هب لنا من لدنك ذريه طيبه انك سميع الدعاء






دعواتكم لي ولبنات تآخر الانجاب



الله يرزق الكل يارب بالحمل السليم



الله يرزق كل وحده تتمنى الحمل وعليكم بالاستغفار والصدقه والصلاة على النبي صلى الله عليه وسلم بنية الحمل



ااامـــيــن اللـــه يــفـــرررح قــلــبـج ويــكــتــب لــج الــحـمـــل
انــتــي وجـمـيع مــن بـخـاطــرهــا الـحــمــل
عــــــاجــــلآ يـــاااارب




اتوقع اني وياكم بهالتجمع >< .، اخر دوره كانت ١٠ – ٧ و رحت حللت حامل بس مو مبين كيس الحمل بالسونار
خليجية حدي خايفه منو صار وياه جذي ؟ و متا يبين ؟



نطري احد الاسبوع السادس انشاءالله خير تفائلي



انوقه حبيبتي شلونك

يارب الله يسمع منك

شلونك وشلون بنات تجمع التاخير بعد الطفل الاول

ابشرك انا حامل بتجمع يناير طلي علي انوقه حبيبتي




مرحبا انا معاكم الله يتمم ع خير ان شاءالله
اقترح اسوي قروب بلواتس اب❤️اذا واافقتو. خنتفق ونسوي قرووب



السلام عليكم بنات

انا راح انضم للمجموعة الله يتمم علينا ويثبت الحمل يارب

ويرزق كل محرومة يارب




السلام عليكم

الله يرزقكم بالذريه الصالحة انشالله

انا معاكم انشالله بهالتجمع الله يتمم علينا ونفرح بولادات الكل بالسلامة يارب




الله يتمم لكم على خير وكل التعب بيكون لكم ذكرى حلوه بقدوم البيبي

اختكم من تجمع ابريل ٢٠١٤ سابقا




اميين .، خوش فكرهه تجمع واتسب اللي بيسوي يبلغني على خاص .،

بنات متى يبين كيس الحمل ؟




الله ياكثر عذاالي انتي مو جنه كنتي وياي بتجمع مواليد اغسطس ٢٠١٢ &#55357;&#56845;



الله يتمم عليكم يارب وتعدون شهور الحمل بخير وسلامه

اختكم من تجمع مواليد / يناير ٢٠١٥
انشالله




تجمع مراجعات مستشفى لندن التخصصي

السلام عليكم ورحمة الله وبركاته

احلا تحية للتجمع وياليت اللي تراجع او تفحص او ولدت في مستشفى لندن التخصصي تقولنا على تجربتها معاهم

علشان نستفيد منها

وعفية بنات اللي ولدو قبل جذيه في المستشفى هم يبلغونا
عن تجربتهم

بنات انا اللي اعرفه انه المستشفى اسعاره معقوله
ودكاترتهم زينين

الله يقدم اللي فيه الخير انشاء الله

انا كنت بالبداية افكر اني اولد بالمواساة بس الظاهر راح اخلي مراجعاتي بالمواساة ووولادتي بلندن




انا بعد راح اولد فيه ان شاء الله ياليت البنات يفيدونى



صراحة انا شفت الريسبشن انحشت حسيت مو دارين وين الله حاطهم وكل ماجيتهم بالطوارئ قالوا ماكو دكتور سونار ؟؟
وماتشجعت ابد حتى اراجه عندهم مع ان اسعارهم حيل حيل حلوة



بنات بليز فيدوونى خليجية



الله يتمم عليكم يا رب



بنات فيدونى اكثر بلييييييييييييييييييييييز



هلا خواتي الله يتمم علينا ان شالله انا بولد عندهم شهر 10 ان شالله
وقبل سنه وشهر والده عندهم بنتي
عند ايفا انصحكم بايفا او سوفيت يهبلووووووون ارتحت عندهم حيييييييييييييل الصراحه رعايه واهتمام وسسترات عسل والدكتوره تهبل وخياط مضبووووووووووط الصراحه بولادتي الاولى والده بالسلام بس ماهتموا فيني نفس مستشفى لندنخليجية
انا فيني فقردم حاد وضعيفه وبنوتي كانت هم المشيمه ماتوصلها الاكل وايد وحركتها بطيئه ومن هالسوالف مستشفى لندن ماقصروا معاي كلللللللش قبل لاولد قالت خلي احد من اخوانج او خواتج يتبرعلج بدم احتمال يصيرلج نزبيف بعد الولاده لان النزيف بعد الولاده سببه لج فقر الدم يسبب النزيفخليجيةوللله لاودوني حكومه ولابطيخ بعد ماولدت بساعتين تقريبا صارلي النزيف ونقص اكسجين ماشالله عليهم عبولي دم والمغذي وحطولي اكسجين والدكتوره ساعتين على راسي ماراحت ربي يوفقها وتدلك بطني صج صج ماشفت نفس رعايتهم
عيبهم الوحيد تكيييفهم حاااااااااار بسخليجية
اولدو فيه وانتوا مغمضين والله انا باذن الله بولد بكل ولاداتي عندهمخليجية



ما قصرتي حبيبتي وشااااااااااااااااااااكرين لج



بنات وين مستشفى لندن هذه

وكم سعر الولاده الطبيعيه

وشنو أحسن دكتوره هنااااااك ؟




السلام عليكم حبايبي خليجية
اليوم يبتلكم اسعار مستشفى لندن للولادة
الصراحة المستشفى هااادي ماكوو ازعاج وافضل دكتورتين للولادة (ايفا البولندية _سوزيت الهندية) والكمام حلو
حياكم مع الاسعار نبدأ:
*الولادة الطبيعية 185دينار (اقامة ليوم واحد-غرفة خاصة-فتحة توسيع المهبل-كمام غاز-ابرة منومة-)
*الولادة القيصرية450دينار (اقامة لثلاث ايام-غرفة عمليات-غرفة خاصة-فحص البنج-اغراض وقتية الاستعمال العملية)
*تكلفة الولادة في غرفة كبار الشخصيات والغرف الفاخرة للولادة الطبيعية:
غرفة كبار الشخصيات 205دينار شامل كل شي (ذكرت سابقا)
جناح كبار الشخصيات235دينار
غرفة فاخرة255دينار
*ولادة قيصرية (لمولود واحد)
غرفة كبار الشخصيات510دينار
جناح كبار اشخصيات600دينار
غرفة فاخرة660دينار
وشكرا ادعولي بتسهيل الولادة علي خليجية



انا عن نفسي قعدت يوم واحد شامل العرض اللي ب185
وخذيت ابرة ظهر وعبول يدم و7فحوصات لبنوتي وطلبت سرير زياده كله طلع علي ب313خليجيةطبعا غرفه عاديه وتهبل شرحه



بنات اللي جربت الولاده بمستشفى لندن تقولي شلون كان كمامهم وقت الولاده يعني حسيتي بالالم والبيبي لما طلع لاني جربت الراشد وكان يهبل من ناحية الكمام بس خياطهم يبين والدكتوره اللي تولدني تركت المستشفى وجربت مستشفى الشفاء خياط الدكتوره ممتاز وكانت من بره المستشفى لكن كمامهم الله لا يوريكم كل شي حسيت فيه من الالف للياء كرهني بالحمل حتى التوسيع اللي سوته الدكتوره حسيت فيه وقعدت اصيح من العوار وما خدروني الا وقت الخياط يعني تمرمرت واللحين افكر بمستشفى لندن ابي اعرف اكثر عن كمامهم وعن احسن دكتوره والخياط يللا بنات همتكم



صراااااااااحه انا تنومت عنده شهر 5 كان وحاااااامي ثقيل وغثيييث وماكنت اكل بالمره وكنت قبلها اجهاااض وبصراحه كنت عند ايفاااا وكاااااااانت خياااااااااااال ومشاء الله عليهم عنااااااايه تينن وربي وتحسين ان الدكاتره بس موجودين لج انتى وفوق كل هذا ايبولج طاقم دكاتره مو دكتتور

والولاده ولدت عندهم حماتي شهر 10 اللى طاف عند ايفا وتقوول ولادتها تينن وهم اختها من شهر ولدت عندها وتقوول شئ شئ

وصراحه المستشفى هااادي حييييييييل ومرات تحسين ان بس انتى بروح فيييه من كثر الهدوووء هههه ولا المستشفى زحمه وفل مشاء الله




هلا خواتي

ماشاء الله على المشاركات الحلوه تصدقون اني ما توقعت انه ممكن يكون في مشاركاتت بهالشكل .

ماشاء الله عليكم وتبيضون الوجه

بالنسبة اللي تسأل عن الكمام ترى كمامهم عجيب , انا قبل كانت مراجعاتي كلها بالخاص بس حزتت الولاده اروح العدان
لانه العدان كان وايد اهتمام في اول ولاده والثانية
بس حسيته بالثالث انه اعدام مو عدان

كنت آخذ كمام بس العدان من يعطوني الكمام ابدا بالترجيع لانه كمامهم مو شي

بس لما رحت لندن ماشاء الله الكمام قوي لدرجة اني ماشاء الله ما حسيت بشي

بس تصدقون اني بعد الولاده احس اني بديت انسا وايد وما اركز صايره هادية مع انه مو طبعي فما ادري من الكمام ولا كبرنا
ههههههههههههه

الحمد الله على كل حال
والتساهيل من الرحمن




لاتخافون كمامهم يهبل والله قوي ماشالله مونفس كمام السلام بس اكسجين خخخخخخخخخليجية
اولدوا وانتوا مرتاحين



تجمع حوامل :: مستشفى الفروانيه :: ومراجعات

صبحكم الله بالخير // ومساكم الله بالخيرات

هذا التجمع دورت له مثيل ومالقيت .. اغلبهم للخاص
فقلت افتتح لكم تجمع نفيد ونستفيد من بعض بخصوص
الولاده والمراجعه بمستشفى الفروانيه … وتجارب السابقات..

حياكم …




هلا فلافل وبطاط انا ارجع عند الفروانيه الله يسهل ولادتنا ويفرحنا بشوفت عيالنا يارب




اهلين …

الله يتمم عليج ويهون الطلق ويسهل الولاده يارب
ويبلغنا بشوفة عيالنا …




مادري اليوم في عيادات ؟؟
بروح احط لي موعد بدال اللي طاف ….

وين الفروانيات !!!

ماكو أحد …




من ورانا مسويه تجمع !! @@

خخخ

بالتوفيج انشاللهخليجية

الله يسهل عليكم وتولدون بسلام




الله يسهل عليكم ويقومكم ويا بيبياتكم بالسلامه

؛




مرحبآ

شخبآركم كروشآت

منو جربت الولاده بالفروانيه

يلا يلا نبي تجارب الفروانيات 

الله يسهل عليكم ويهون الطلق




انا بعد وياكم المره اللي طافت كانت اول مراجعه لي ب الفروانيه



اليوم رحت هدووووووء حتى حوادث النسا مافي ولا حاله
ودخلني الدكتور وطلب ملفي وفحصني ….

انا هذا ثاني حمل لي .. الاول راجعت وولدت عندهم … وهالمره
راجعت من البدايه معاهم وان شاء الله اولد عندهم …

ليبرا ههههههههههههههه شسوي قربت الصجيه وبديت اخاف …







هلا فلافل وبطاط انا بعد معاكم أراجع وبولد بالفروانية انا بالسابع وهذا رابع حمل لي ٣ حمالات بس واحد بالفروانية وهذا الثاني الله يسهل علينا يارب جربت ولادة دكتور محمد حسن خووش دكتور والحين أراجع عند محمد الطوخي وانتم عند منو تراجعون



هلا فلافل وبطاط انا بعد معاكم أراجع وبولد بالفروانية انا بالسابع وهذا رابع حمل لي 3 حمالات بس واحد بالفروانية وهذا الثاني الله يسهل علينا يارب جربت ولادة دكتور محمد حسن خووش دكتور والحين أراجع عند محمد الطوخي وانتم عند منو تراجعون



الحين بعرف شغله شلون تراجعون بالفروانيه

انا من اول شهر اراجع بالمسنوصف بس ما حولوني للفروانيه؟

انتو شلون خذيتو موعد اهناك وحولو ملفاتكم؟؟ بس مابي اولد عندهم بس حق مراجعات




احب الهدوء الله يسهل عليج يارب …
انا اراجع عند دكتور انس اللي دايم يقعد بغرفه ٢
الاستشاري …
ولادتي اول مره سلوى الرفاعي…
وهذي المره الله يعلم …

ليبرا انا المستوصف سجل على كرتي تحويل المستشفى
قالت لازم يتابعون حالتج هناك فبجري …
وبالثاني انا رحت لهم لان ملفي عندهم وعارفين حالتي
وديت كرتي القديم وتوصيه  وحطولي موعد …

بنات الحكومه اذا مافي توصيه عدله مايهتمون عدل ….




الله يتمم علييييكم