التصنيف: التربية و الطفل

السلام
اشلونكم بنات

انا عندي ولدي عمره ثلاث سنوات ونص
يحب السباحه ودي اوديه الاكوابارك بس ماني عارفه فيه اماكن مخصصه للاطفال احواض بعمره يعني
لاني ولا مرة رحت للاكوابارك
بستفسر من خلالكم لاتقصرون معاي بليز بالاحواض والايام المخصصة
والف شكر ؟؟؟؟؟؟

مادري والله بس اتوقع فيه احواض حق عمره انا ولا مره رايحه بس جنه مره شفت بالتلفزيون.

اي حبيبتي في احواض خاصه حق اليهال ومسابقات ووناسه
انا اروح يوم الثلاثاء لانه يوم للنساء فقط حتى ولدي بو سنتين ادخله

ايي فيي احواض حق اليهال واايد حلوين زحلاقيات والعاب انا بنتي كبر ولدج وتستانس لما تروح تسبح هناك ويوم الثلاثا مخصص حق الحريم

والعائلات متى؟؟؟؟؟؟؟؟؟؟

اييي أكو بس نصيحة لا اتودينه انا مرة بس غطست ريلي ولا يابوي عالبول ( تكرمون ) الي فيييه وصخ بكل ماتحمله الكلمة من معنى وهذا إذا مالقيتي الكبيرة تسبح معاج بعد

وديه أماكن ثانية أح ـسن او البحر أنظف شي

والله انا كنت اودي بنتي قريه المسيله مو الشاطئ لأن مره وديتها الأكوابارك والى هالبويات الله لا يواريج لوعج جبد بس القريه كلها عائلات وفي شيوه من هالبويات بس والله الماي كان نظيف واصلا المشرفه ما ترضي الياهال ينزلون بالبامبرز ولازم تلبسين القبعه وملابسج تكون استرج مو قطن و الماي كان نظيف واصلا فيه ماده معقه للماي انا سائله وحده من البنات الي يشتغلون اهناك وغزرتها مع بنتي بالقريه طول العطله وحدها كانت مستاسنه وكانوا يشغلون الديجي بالليل

السلام عليكم اخواتي
انت مع او ضد اللهايه ولماذا
انا مثلا ما استغني عنها ووعندي 3 اطفال استخدنها معهم لعمر السنه وبنتي الكبيره لعمر سنه ونص
احسها تريح خصوصا لما يكون البيبي شبعان وما بده ينام
وقرات انه اللهايه في بدايه العمر بتساعد الطفل على انه ينتفس من انفه
وايضا ما تعمل غازات
يعني في ناس تمدح وناس تذم انت شو رايك وليش

انا استخدمتها لبنتي في فتره الاربعين وبعدها قطعتها من عمر شهرين مابيها تتعود عليها وتدخل وصخ لانه دايم بتطيح وبتغسلين

واحس فتره معينه وخلاص

استخدمتها على ثالث ياهل
مع اني كنت ضدها بس الغربه حدتني عليها وكنت احاتي شلون اقطعها بس الحمدالله من كملت بنتي السنه ونص قطعتها وتقبلت الوضع

اذا كان الطفل نوعيته يحن ويبجي وملعوز امه الافضل انه يتعود على المصاصه لانها تحل ازمات

ضد حد الطفل باللهايه ٦ اشهر وخلاااص

ضدها طبعا مع ان ولدي كان اكثر انسان يبجي وحنان والكل كان مصر اني اعطيه بس ماعطيته مادري احسها وصخه ماتعقم عدل+ تخلي الياهل اطرم مايتكلم وايد+ احس تخرب شكل الاسنان يطلع شكلهم مو مرتب وغلط ومره سمعت فبرنامج انها تسبب التسوي حق اليهال اذا استمروا يستخدمونها واهم كبار

انا لحد عمر 3شهوور وبس واقطعها لان مثل ما قالوو موو عقمه وتخرب اسنان الطفل

حاولت اعطيها اياها علشان تخف حنته مايبيها الا وقت النوم ..
و على السبع شهور قاطعتها ان شاءالله ..

بصراحه تريح الياهل والام

انا اتخدمها احسها كتير تريح الام بس طبعا لعمر معين والافضل قبل ظهور الاسنان وقبل لايتعلق فيها الطفل ويصير يرميها الارض ويرجع ياخدها اما وهو صغير تضمنين نظافتها لانك انت اللي تعطيه اياها

وااي لاتخوفوني بنتي تحب المصاصه توها ماكملت شهرين في مجال اقطعها المصاصه !؟

احس صعبه تبجي تبجي احط المصاصه تسكت

انا المصاصه سألت الدكتور عنها اهو دكتور بالسلام مال اطفال اسمه د.وائل و قالي عادي تستخدمون المصاصه ما منها مضره بس لي سن السنه ونص لازم تقطعينها لان بهالسن ممكن تخرب الاسنان , و قال المصاصه تستخدم حق وقت النوم لما يكون الياهل شبعان و مو قادر ينام تحطين له المصاصه يمصها شوي تشوفينه شوي و ينام , انا ولدي مو متعود عليها وايد لان قام يحط اصبعه و يمصه بدال المصاصه و يناام يعني مصاصته منه وفييه , و ساعات لما اسوق احط له المصاصه لان انا ما عندي خدامه تمسكه ولا تلهيه عشان تسكته و انا بروحي بالسياره و اسوق و ولدي بالكار سيت و تكون المصاصه معلقه برقبته بس يبجي و اوقف عالاشاره احطها بحلجه و بس

مع اذا الياهل حنان وعسر وتساعد اول الشهور
وضد لان بنتي الكبيرة بتصيرلها ٣ وانا ماني قادرة عليها
تهستر وتصرخ لين ترجع اهي واايد عسرة سويت كل الطرق حق شقيت المصاصه ماكو صراخ وهسترة بس وقت النوم
وزادة مع البيبي اليديد

انا كنت معارضة المصاصة
بس بنتي تحب تمص.. و صارت ترضع وايد زيادة عن حاجتها و قولونها تعب و صار عندها غازات
و الدكتور قالي عطيها المصاصة عشان ما تأذيج و تحن و منها تنام بسرعه

و فعلا الحين على طول المصاصة اذا بجت اعطيها و تسكت ولا انها تصير حنانة و صياحة
و ساعات هي بروحها تقطها و تلعب بروحها

و بالنسبة للتعقيم انا عندي لها اكثر من وحدة اذا طاحت اغسلها و اعطيها لها
و بين فترة و الثانية اعطيها وحدة من المعقمة و اعقم اللي قاعدة تستخدمها

و ترى مو زين تعقمون وايد بعدين البيبي ما تصير عنده مناعة و من اقل مايكروبات يمرض

هااااااااااااااااي

انا بغيت تساعدوني في تغذية طفلي الحين اربع اشهر ومو عارف شنو عطيه

انا احس لو انا اسويه اكل افضل من الجاهز بس مو عارفه شنو ابلش فيه وشلون اجهزه له
فمحتاجه مساعدتكم يا اهل الخبره

هلا فايف …
اول شي مانصحج توكلينه من الحين لأن الحليب افيدله وبعدين ممكن الاكل الحين يسويله حساسية او ماتتقبله معدته وهذا كلام اغلب الدكاتره … حتى علب الاكل قبل كانو يكتبون عليها من الشهر الرابع الحين من الشهر السادس … لكن عموما معدته الحين ممكن تتقبل الاكل لكن يفضل ماتبدين معاه …
والاكل تفوحين له بطاط او جزر او كوسا او قرع او عيش او تفاح او عرموط لين يلين كلش وتهرسينه تزيدين عليه شوي من ماي السلق طبعا بدون ملح او بهارات او سكر … ونوع واحد بس علشان اذا لاسمح الله حاشته حساسية تعرفين من شنو ….

وتبدين بوجبه وحدة باليوم وشوية قفشتين ثلاث ….
وتزيدين بالتدريج …
الى ان يصير عمره تقريبا 8 او 9 شهور يكون ياكل 3 وجبات ويشرب حليب 3 مرات باليوم جذي ممتاز …
وطبعا اذا تأكدتي ان مافي حساسية ممكن تخلطين له نوعين او 3 .. مثلا جزر وبطاط مع بعض … تفاح مع عصير برتقال مخفف … عيش مع قرع ….
لي تعدى السنة وسنن ممكن ياكل من اكلكم العادي بس تخلينه لين …
وبس هذا اللي عندي

هلا رفرف

انا بلشت معاه الاكل وكان عادي يتقبله لان خواتي يقولون كل ما بلشتي معاه مبجر ارتحتي بعدين

انا من كان عمره شهرين وشوي بلشت البسكوت معى الحليب
وبعدها لما صار ثلاث اشهر كنت اذوب البسكوت بالماء وعطيه مثل السيريلاك

وقبل لا يكمل الرابع بلشت الاكل الجاهز الا في جمعيات بس ما احس انه مفيد علشان جذية بغيت اعرف شلون اسوي الاكل في البيت

انا دكتوره قال لي لا تبلشين الا في السادس لانه يجيب حساسيه بس دكتور محمد سعيد يقول لا بلشوا عادي

ترى وايد صغير على الاكل ..معدته مو مستعده
كلام رفرف عدل
يستحسن تبدين من الخامس أو السادس
وتبدين اول شي بالعيش
وبعدين..نوع واحد خضار …وبعدين تخلطين نوعين..
وبعد فتره ابدي الفواكه ..مو اول الفواكه !! علشان راح يحبها فيها شكر
هم نوع واحد
عرموط- تفاح-خوخ- (اما تفوحينه) والا بالخلاط
راح يحبه
واذا وصل الشهر التاسع ابدي اللحوم طبخي قطعه ديايه مع عيش واشويه خضار
وطبعا وجبه فاكهه خليها العصر

والسيرالاك من السابع زين
لأن القمح في اطفال تتهيج معدتهم منه

ومن يكمل السنه تقدرين تعطينه كل الانواع بدون خوف
ترى العدس روعه حق اليهال حق دمهم
ولا تنسين الروب من الشهر التاسع او العاشر
والعصيرات لا تعطينه الا لما يكمل سنه احسن

وعلى فكره..اذا ترضعينه طبيعي..وخري عن الاكل كلش لما الشهر الثامن
لأن الحليب الطبيعي..افيد له من كل الاكل
وسلامتج

اي ذكرت بهالعمر نقعي له تمره وشخليها وعطيه بالمميه ..مفيده حق الياهل
بس وخري عن البسكوت..وايد صغير عليه..حرام يتعب معدته
خليج على البابونج والينسون..مع نباته
اخف له

غريبه عاد دكتور محمد سعيد عادي بلشوا

لا فايف بديتي معاه وايد مبجر حرام …
قبل ال4 شهور المفروض ماتعطينه ولااااااا شي غير الحليب والماي وممكن اعشاب مثل الينسون حق الغازات بس …
انا اعرف استشارية قالتلي جذي … وفعلا وكلت بنتي من عمر 4 شهور وليلحين اعاني من الحساسية …

فايف

انا طريقتي من اول يوم الولاده لي الشهر الثاني >>> حليب فقطططططط

من يكمل الشهرين >>> بسكوت فارليز

ولما يكمل الشهر الرابع >>> سيريلاك

ومن يكمل الشهر السادس >>> خضار مهروسه مع عيش(بالخلاط)

اذا كمل الشهر الثامن >>> تضيفين للخضار قطعة لحم او دجاج

بحطلج هالمواقع يمكن تفيدج

https://www.tabeebok.com/nutrition.php

https://forum.hawaaworld.com/showthre…hreadid=220239

https://www.atfal.info/child-food/article3.php

لا عيل انا اشوف الياهل من الرابع يبدا فيه للتوكل

يعني من الثالث اعطيه 1 ملم عصير برتقال مصفى وازيد عليه ماي اخففه واشربه مره باليوم
ومن الرابع ابدي اعطيه بسكوووت فارليز او سيريلالاك
ومن الخامس ابدي اطحن له فواكه مثل العرموط والتفاح والموز
ومن السادس اطبخ له اكله مثل العيش والجزر والبطاط والقرع والبروكلي والسبنخ
ومن السابع ادخل اللحوم
ومن الثامن الاسماك واكلنا العادي

مرحيا بنات
بغيت اسالكم
انتوا عقب جم فترة طلعتوا عيالكم ؟
يعني الاربعين اوكي ممكن ما اطلعه بس في ناس يقولون لي نطري لين يصير 4 5 اشهر عقب طلعيه
احس وايد ماله داعي !!
في الاربعين بعد يمكن اوديه بيت يدتي معاي مرة مرتين
انتوا متى طلعتوا عيالكم ؟
عقب تطعيم بو شهرين احس اوكي

ما ادري إنتي و ايللي يريحج

في يهال يكونون عسرين ما يركدون الا على خمس أو ست شهور مع ذالك هذه مو قاعدة عامة عادي اذا الياهل ما يأذيج طلعي معاه بعربانه و أغراضج معاج

بالنسبة للزوارات عقب الأربعين على طول اخذيه معاج بيت الأهل و الزوارات مافيها شي ولا راح تتأذين كثر الطلعات تكرمين الحمامات موجودة عندج الأهل يلعبون معاه يمسكونه عنج شوي

أساسا بهالعمر يكون أغلب وقته نايم أو يلعب

بس نصيحة فترة تغيير الجو لا تطلعينه بسرعه يلقط فايروس

والله يخليج لعيالج و يخليج لهم

انا اطلع عيالي عقب ما يكملون شهر بس بيت الاهل

والمجمعات الصراحه اطلعهم بعد 3 شهوور

انا خوافه دايما احس انه الهوا بالمجمعات مو نظيف اخاف عليهم يمرضون

بس انتي ماتشوفين عيال الانجليز والهنود اظن يطلعونهم على طوول من بعد ما يطلعون من المتشفى انتتتتف اقول يمكن عمرهم 3 ايام عاددي

خوش موضوع

عقب الاربعين عادي يطلع معاي

أنا بعد الاربعين اطلعه بيت اهلي بس ليما يكمل ٤ شهور او ٥ شهور أخذه معاي لما اطلع عيالي او أسافر هم يسافر معاي لأني متعوده ما اخلي عيالي عند احد

عقب الاربعين لا بغيت ازور يكون معاي

بس اذا طلعه لا ما اخذه عالاقل لما يكمل ٤ شهور

بعد الاربعين اطلع عادي حطيه بالعربانه وتمشي وينام ماراح يأذيج وبالعكس احسن عشان يتعود

بعد الاربعين

انا بنتي عسره توني باديه اطلعها يوم صارت ٥ شهور

بعد الاربعين طبعا
وعااادي كل مكان معاي

اول شي لن لي عمرها سنتين ماتجيسها الخدامه كلللش
شلون عمرها بالاشهر واخليه عند الخدامه واطلع !!

وثاني شي لني مو شايفه سبب يخليني ما اطلع الياهل

بعد الاربعين طبعا
وعااادي كل مكان معاي

اول شي لن لي عمرها سنتين ماتجيسها الخدامه كلللش
شلون عمرها بالاشهر واخليه عند الخدامه واطلع !!

وثاني شي لني مو شايفه سبب يخليني ما اطلع الياهل

بعد الاربعين طبعا
وعااادي كل مكان معاي

اول شي لن لي عمرها سنتين ماتجيسها الخدامه كلللش
شلون عمرها بالاشهر واخليه عند الخدامه واطلع !!

وثاني شي لني مو شايفه سبب يخليني ما اطلع الياهل

احيانا يكون عندي موعد او مشوار حتى قبل الاربعين اضطر اخذه معاي لان ماعندي خدامه اخليه عندها

وصعبه كل شوي اخليه عند امي ..آخذه معاي كل مكان بأي وقت عادي ماتقيد بعمر

السلام عليكم اليوم وانا ادور موضوع عن التسنين لانه ولدي يا قلبي شكله عنده اسنان هو عمره اللحين خمس اشهر

لقيت هذا الموضوع بالنت حبيت الكل يقراه علشان نستفيد

هل يسبب ظهور الأسنان الألم للطفل الرضيع؟

لقد أصبح لعاب طفلي يسيل أكثر من الطبيعي! و أصبح يضع أصابعه و كل شئ يطاله في فمه ! و يبلل قميصه ! كل هذا دليل على قرب أو بداية بزوغ الأسنان عند الطفل البالغ من العمر ما بين 5 إلى 8 أشهر, و قد يعزو بعض أفراد العائلة بعض العوارض الصحية عند الطفل كانسداد الأنف و الإسهال و كثرة البكاء إلى بزوغ الأسنان !

فهل يسبب ظهور الأسنان أية عوارض صحية غير طبيعية عند الطفل ؟

غالباً لا , فعملية بزوغ الأسنان خاصة اللبنية منها هي حدث فيزيولوجي طبيعي لا يترافق مع عوارض مرضية عند أكثر الأطفال, و أحياناً تحدث بعض العوارض الطفيفة عند بعض الأطفال بسبب تهيج اللثة خاصة عند بزوغ السن الأول أو احد الأضراس الكبيرة :

العرض الأهم هو زيادة سيلان اللعاب

يميل الطفل لعض أصابعه و كل ما يصل ليديه لأن عملية العض تؤمن له الراحة و تخفف الألم

أكثر الأطفال يشدون آذانهم خلال فترة بزوغ الأسنان

يزداد إفراز المخاط من الأنف على شكل سيلان رائق دون سعال أو ارتفاع درجة الحرارة

قد يصبح البراز لين القوام و قد يزداد عدد مرات التبرز بشكل طفيف عند الطفل دون ترافق ذلك مع الإقياء أو ارتفاع درجة الحرارة أو أيٍ من مواصفات الإسهال المرضي الناجم عن انتان الأمعاء.

قد يصبح الطفل متململاً قليلاً بسنن الألم البسيط و يختلف ذلك من طفلٍ لآخر

قد ترتفع درجة حرارة الطفل بشكل طفيف جداً لا يتجاوز 38 درجة مئوية

ما لا يحدث نتيجة بزوغ الأسنان :

لا يمكن أن ترتفع درجة حرارة الطفل لأكثر من 38,5 درجة بسبب بزوغ الأسنان

لا يسبب بزوغ الاسنان الإسهال و الإقياء وارتفاع درجة الحرارة معاً و يجب العلم أن ترافق بزوغ الاسنان مع الإسهال و التهاب الأمعاء هو بسبب أن الطفل يضع أي شئ في فمه و بالتالي هناك احتمال كبير لوصول الجراثيم و الفيروسات إلى أمعائه مما يسبب انتان الأمعاء

لا يسبب بزوغ الأسنان تململ و تهيج الطفل و نقص رضاعته وقلة نومه

لا يسبب بزوغ الأسنان التهاب الأذن و لو كان الطفل يشد أذنه و وضع الطفل ليده على أذنه قد يكون بسبب بزوغ الاسنان أو بسبب التهاب الأذن علماً أن أكثر التهابات الأذن تسبب الألم الشديد و ارتفاع درجة الحرارة.

لا يسبب بزوغ الاسنان الألم الشديد للطفل أو قلة نومه

لا يسبب بزوغ الاسنان ظهور رائحة غير طبيعية لفم الطفل

ماذا أفعل لأجعل فترة بزوغ الأسنان عند طفلي خالية من الألم ؟

إذا كان طفلك لا يعاني من عوارض غير طبيعية فلا داعٍ للتدخل و هذا هو حال أكثر الأطفال

أكثر علاج ناجح في تخفيف الألم هو أن يقوم الطفل بعض شئ ما ! و أفضلها العضاضة الطبية الطرية , و يجب الإنتباه لنظافتها و عدم لف خيطها حول عنق الطفل و إنما تثبيتها فوق القميص ناحية الصدر.

يفيد أيضاً وضع إصبع الأم بعد تنظيفها جيداً و القيام بتدليك لثة الطفل

لا تعط الطفل جسماً صغيراً ليعضه تجنباً لحدوث الاستنشاق و الاختناق

لا تتركي زجاجة الإرضاع في فم الطفل عند نومه كمحاولة لتخفيف الألم تجنباً لمتلازمة زجاجة الإرضاع و إذا الطفل يحب النوم كذلك فضع فيها قليلاً من الماء النظيف

عند وجود الألم يمكن إعطاء الطفل الباراسيتامول أو الإيبوبرفين عن طريق الفم

كذلك يفيد جل الـ بنزوكائين في تخيف الألم عند تدليك اللثة به

هناك الكثير من الأهالي الذين يقرون بتحسن الطفل على بعض أدوية الطب البديل من الأعشاب !

عيادة طب الاطفال

شكرا دلال

مشكوووره

مشكورة عالمعلومة

خووووووووش معلومات تسلمين دلوووووووووول

يا هلا خواتي وان شاء الله الموضوع فادكم

مشكورة حبيبتي …

مشكوره حبوبه

السلام عليكم ورحمة الله وبركاته

لاحظت وايد أمهات يرضعون عيالهم أعشاب وعصاير وسوالف ويسوون لهم خلطات بعد

يا جماعة الخير هالحجي قبل كانوا يسوونه أمهاتنا وهذا غلــــط .. الحين الدكاترة اكتشفوا هالشي وقاموا يشددون على الأمهات ما يعطون عيالهم أي شي غير الحليب لحد الـ6 شهور

ولا شي خير شر .. لا ينسون ولا سكر نبات ولا حتى تمر

لأن الهضم عندهم ضعيف وما يقدر إلا على حليب الأم .. فقارة اليهال الحين مضطرين ياخذون حليب صناعي خنت حيلي وإنتو بنفسكم شايفين الصراخ والبجي ومرة تكرمون اسهال ومرة امساك غير الغازات .. قولوا الغازات شي عادي حتى بالحليب الطبيعي لأن أكل الأم يدخل بتركيبته

بس ديروا بالكم من الكوكتيلات اللي تسوونها .. وإذا كنتي ترضعين صناعي وشفتي البيبي بطنه تعبان سيده روحي غيريه لنوع ثاني لأن فقير الياهل يتعذب واحنا مو حاسين احنا الكبار إذا خربطنا شوي تعومسنا شلون هالياهل اللي معدته على قده

يعطيج العافيه

صاجه والله
يعطيج العافيه عالتنبيه
والحمد الله انا ما عطيت بنتي ولا شي لي 6 شهور
بس رضاعه طبيعيه

لا عادي بالعكس انا كنت اعطي بنتي تمر و سكر نبات

و يوم صار فيها بلغم عزج الله عطيتها بابونج و مافيها الا العافيه

ترتاح اصلا

عيال اول ماصار فيهم شي .

انا معاج ضد الكوكتيلات

لكن اذا دخلت الصناعي اشربة شوية ينسون يعني ملعقة شاي مع كوب ماي

طبعا بعد على الاقل 3-4 شهور

ليش مانعطيهم بالعكس الحمد الله ماصار فينا شي واهالينا كانوا يعطونا

وبالعكس ولدي اذا عطيته ينسون او تمر يرتاح الحمد

صح ما صار فينا شي الحمدلله بس هالسوالف تضايق الياهل وتأذي معدته .. والتمر يسوي غازات إذا ما تدرون

ومثل ما قلت هذا كلام الدكاترة .. حتى الماي ما يحتاجه الياهل طول ما اهو يرضع طبيعي وشبعان

يمكن دكاترة قبل ما يعترفون بهالشي بس الأطباء حالياً قاعدين ينصحون فيه وأقولكم هالحجي عن ثقة
وعلى فكرة حماتي بعد قالها الدكتور نفس الشي عن ولدها

وكل وحده براحتها

مشكوووووره عالنصيحه

بس انا لازم اعطي بنتي حبة حلوه او ينسوون تريح بطنها

السلام عليكم
جزاك الله خير على هالموضوع انا عيزت اتكلم بس الرد كالعاده " الي قبل ما صار فيهم شي؟؟"
انزين انتو شنو تبون يصير على شان تصدقون ان مو زين؟
ماكو كويتي مافيه ضغط او سكر او كوليسترول ؟ او اقلها القولون العصبي و امراض المعده؟
احنا نطالع على المدى البعيد مو اليوم و بس
نبي جيل يتمتع بصحة و عافية .. كل يوم امر على مدرسة صبيان متوسطة .. اغلبهم يعانون من السمنه؟؟
دشوا اي مستشفى حكومي و شوفوا الامراض الغريبة و العجيبه الي تطلع.. ترا الله محاسبنا على عيالنا من و هم ببطونا لازم نهتم بتغذيتنا على شان صحتهم
يعني تعتقدون الدكاتره لما يقولون مو زين شنو مصلحتهم؟ هذي دراسات و ايحاث سنين و ناس خذو شهاداتهم منها لا تستهينون فيها و تعتمدون على تجارب الآباء و الاجداد الي مالها اي اساس علمي شوفو الاجانب ما شاء الله تلقينه صاك ال 80 يركب الباص حاله حالنا و حنا امهاتنا ما كملت 55 يسحيونها بويل جير!
عيالكم اماانه حطو بالكم عليهم عسى الله يحفظهم

صاجة حبوبه
والله يجزاج خير عالموضوع

صاجه من بعد حليب الصناعي لازم ينسون او حبه حلوة توخر الغازات وتنام مرتاحه الياهل

مشكوره عالنصيحه ..

بس لاتنسين إن الرسول عليه الصلاة و السلام … وصى ان لمن يطهرون الولد لازم الام او الابو يمضغ تمره و يطلعها من حلجه و يحطها بحلج الولد الصغير لأنها تخفف الالم ..

و غير جذي … الطفل باول أيام الولاده يحوشه صفار.. و لو سألتي الدكتور بيقولج عطيه ماي و سكر نبات و عرضيه للشمس…
و كل الدكاتره نفس الكلام …

و هم الميلوبا … ينصحونا الدكاتره فيه … و هالشي بعد على مستوا العالم … مو بس بالكويت….

حبيبتي …

الحليب إهو الاساسي…

بس لو ما فيها فايده الاعشاب ما سوو الميلوبا و المشروبات الثانيه للأطفال… مع مراعاة العمر ..

و جزاج الله خير

مشكوووووره

صاااااااجه ما عطيت بنتي شي واكثر من دكتور قااايل
وتصدقين لاحظت بنتي ما صار فيها غااازاات وااايد
وبناتي اللي قبل كنت اعطيهم واتأذى من الغااازااات

يعطييج العاافياااا

السلام عليكم ورحمة الله وبركاته ………..
اخواتي عندي سؤال عن تطعيمت الاربع اشهر هل هي نقط او أبر وهل هي تؤلم الطفل او لا ؟

ابر ونقط ويصخن الطفل
..ماراح تؤلمه كثير حالها حال تطعيم ابو شهرين شوية الم مكان الفخذ
تحياتي

مشكورة قلبي على الرد واللة يوفقك ويسعدك

مرحبا انا مشكلتي مشكله انا انسانه عصبيه حيييل حيييل واتنرفز بسرعه وماعندي صبر لااي شي عندي ولدي الكبير عمره اربع سنين مجنني معذبني مشاغب لدرجه كبيره وكلاامه وصخ ويطقني احيانا وانا طايحه فيه طق مع انه ضعيف يحززن بس افقد اعصابي واذبحه طق حاولت في الطيب ماجا مايجي الاا بالطق ابي حل

حبيبتي اول شي انتي لازم تشتغلين على نفسج
وتحاولين تمسكين اعصابج
وبعدين شوفي في وايد مواضيع لطريقه التعامل مع الطفل
شوفي اي طريقه تناسبج وتحسين رح تنفع مع ولدج جربيها
هذا اهو احنا ما نعرف كل شي بس نتعلم

حيااتى الطق بيزيدة عنااااد
والله عندى وعندج خير انتى صبى انا ثلاثة الله يخليهم ان شالله
ومجربة كل شى الطق هذى اخر ورقة استخدمها بس مو بمعنا طق طق لا لوية اذن قرصة ادزة هذا اذا فقدت اعصاابى معاهم
انتى شوفى شنو مشكلة عناادة زهقان ضايق خلقة او يغار من طفل بالبيت او يمكن ماتعطينة اهتمام؟؟
وفريلة جو اسرى لعبى معاة لو اشوية ..سولفى معاة بالليل قبل لاينام قولى انا احبك وانت كلة تساعدنى طلعى كل محاااسنة ومدحى لحد مايناام
واذا سوة شى غلط جربى تنادينة وتحضنينة حييييييل وقوليلة انا ماارى ازعلك ليش انت تزعلنى احنة مو نحب بعض ولعبى معاة اشوى خلية يستحى على عملتة واذا كمل غلطتة قولى شووف انا احبك بس مو معناة انى ارضى انك تصير ولد شيطان اذا غلط مرة ثانية ماراح اكلمك ولااقصلك قصص باليل ولا تقعد بالمكان اللى انا قاعدة فية روح دارك وطنشى فى لما يعتذر واذا اعتذر علمى يوعدج انة مايعيد الغلط واذا عاد لغلط ذكرى قوى انتة وعدتنى جذى يعنى مو حرام تجذب؟
والله يعينج على تربية الصبيان تربيتهم غيييرررر الله يصلحهم

لله يعينج والله انا ولدي بعده سنه و8 شهور اسمالله عليه
مادري عاد عن شقاوة السن الاكبر اللي يعيني باجر شلون بتعامل معاه

انشالله البنات يفيدونج يارب

الله يعينج ياقلبي ولازم انت تتغيرين وتتحكمين باعصابج قبل لا تحاولين تعدلين سلوك ولدج وبنصحج بعد بشغله شوفي اي دكتور نفسي متخصص للاطفال ترا اكيد بيساعدج

مشكوورين حبايبي على الردود والمساعده فديتكم

بنات ابي مركز لتعليم الرسم
ولدي صارله مده يحن يبي يتعلم الرسم
ياليت تفيدوني بالمراكز اللي فيها تعليم الرسم واكون شاكره لكم

والله اللي اعرفه بيت لوذان فقط

تسلمين رفرف
ماعندج رقم تلفونهم

السلام عليكم جميعا كيف حالكم ؟؟

ما عليكم أمر كل وحده فيكم تكتب لنا أسماء عيالها من الاولاد .. الله يحفظهم ويبارك لكم فيهم ويخليهم لكم ان شاء الله

لان أختي فيها ولد ومحتارة شنو تسميه .. يالله كل وحده تدخل تكتب لنا أسم ولدها ، او اسم ولد بعايلتها

:

stars: ولكم مني كل الشكر مقدما ..

اسم وليدي الله يحفظه عبداللطيف وإذا الله رزقني غيره بسميه عبدالعزيز
عندج عثمان – قتيبة – سلمان – عبدالرحمن حلوين هالأسماء

[color="blue"]مشكورة حبيبتي على الرد السريع
وانتو بعد قولولنا اسماء عيالكم الحلوة[/color]

والله أنا أحب يوسف – ضرار – فارس – فراس – وطبعا محمد – حمد – خالد والله يقوم أختج بالسلامه

احنا عندنا

احمد محمد فيصل عمر يوسف مشاري براك خالد عبدالعزيز جاسم عبدالمحسن فارس

انا عيالي
الله يخليهم لي 2

علي و محمد

نصار يزيد مؤيد زياد

انا احب الاسماء المركبه مثل عبدالرحمن -عبدالمحسن -عبدالوهاب

عبدالله محمد يوسف مشاري خالد فهد عبدالرحمن

عبدالوهاب
عمر
يوسف
فهد
خالد
محمد
حمد
شملان

أنا ولدي الله يحفظه اسمه محمد ……. و عندج الاسامي الحلوة برايي مثل (( يوسف .. مهدي .. يعقوب .. علي ))

بدر يوسف فيصل ضاري شاهين جراح فهد نواف فواز عبدالرحمن خالد راكان يعقوب

وبسسسسسسسسسسسسس

في اسماء وايد حلوه بس خير الاسماء ما حُمِد وعُبِد ( محمد – حمد – أحمد – عبدالله – عبدالوهاب – عبدالرحمن – عبدالرزاق – عبدالعزيز – عبدالمحسن – عبداللطيف )

تركي

انا ان شاءالله اذا اللي فيي بطني ولد بسميه عبدالعزيز
في اسامي وايد حلوه ( أحمد / جراح / حمد / مشاري / يعقوب / عبدالرحمن / خالد / جاسم )