الوسم: اليني

مرحبا حبايبي
انا اقدر اساعدج توخرين خطوط الحمل
واذا تبين تسهيل الولاده حاظر
واذا تبين بشرتج تصير عجيبه عندي
اعلمج الخطوات وبسيطه ومضمونه
حياج اساليني وانا حاظر
بس اهم شي دعوه حلوه من قلبج

انا ابي كل شي

اذا تقدرين قووولي لي

شنو ياقلبي بالضبط

والله جان بخت تقوليلنا وتفيدنا
والله يوفقج ويستر عليج ويقضي حوائجج

شلوون اختى نخفف الخطوط الحمل اللى بالبطن ؟؟؟ وبعد الكلف اللى بين الصدر وتحت الصدر متعبنى

وجزاك الله خير

،

حبيبتي والله صج صج موضوعج مفيد ماشاءالله عليج هذا دليل ان قلبج ع البنات

انا توني حامل بالشهر الاول بس احاتي الخطوط ماودي اولد مني واصير زيبرا مني ابي كريمات ونصايح عشان مايطلع لي خطوط كلش؟ والخطوط بس بالبطن والزنود والفخوذ والمؤخره والا بمكان ثاني بعد؟

والرقبه السودا للحامل اكثرهم يقولون الي تحمل بولد يصير رقبتها سودا شلون اتفادى هالشي؟

الله يجزاج خير علا هالمبادره الطيبه

طبعا خطوات تزيل تشققات والخطوط البيضاء :
طبعا
اهم شي خل التفاح وهو عجيب
الخطوه كتالي:/
ضعي ٤ملاعق كبيره عسل اصلي
ملعقه صغيره خل التفاح
ملعقتين كبيره شب ابيض
طبعا اخلطيهم مع بعض وضعيهم عالجسم
طبعا تقدرين تحطين ماي ورد علشان الريحه واذا دهنتي الجسم
لفي بالنايلون على المنطقه لين يتعرق وراح تشوفين الفرق
واستمري عليها

حبيبتي بدويه وايد
طبعا هذي خلطه عجيبه:-
بياض غير طبيعي للرقبه:
ملعقة كبيره عسل
بياض بيضه
ثمان نقط زيت زيتون
ملعقه كبيره عصير ليمون
اخلطيهم مع بعض على الرقبه مدة نص ساعه
واغسليها بماء دافي
ونتايجها ١٠٠٪

،

حبيبتي كتالونيه ماقصرتي مشكوره حيل على مساعدتج للبنات

اهم شي البنات فكروا بالزين ونسوا شي يسهل الولاده صج حريم ههههههههههههه

ابي اللي يسهل الولاده بليز
انا على وشك ولاده و طاف موعد ولادتي ومااااا ولدت

لتسهيل الولاده
اهم شي تمشين لانه المشي يساعد على ثبات راس
الجنين داخل الحوض ويساعد ع نزوله
طبعا كثري تمر من بداية التاسع يسهل الولاده
حبيبتي عندج كذا شي
مثلاً : التمر يخفض ضغط الدم وينظف القالون ويسهل الولاده
منقوع الزعتر: يفتح الرحم
مغلي البابونج :يحمي الطلق وبعد يفتح الرحم
وطبعا يمدحون
الحليب مع الزعفران لانه يسهل الولاده ويخلي الحامل تولد بسرعه
هذي الاعشاب مفيده ومضمونه

ماتقصرين كتالونيه بس انا سمعت خل التفااح موزين للبطن كذا دكتور ماينصح فيه
يخلي الجرح مايتخايط للي يولدون عمليات وحتى اللي والدين طبيعي ماتدرين
الولايد الجايه شلون ؟؟

هو موزين للي عمليه بس
والا هو يساعد ع الضعف ويشيل الخطوط
لانه العمليه مايصير تضعف ولاتحط شي ع بطنها
وتكون حساسه اما الطبيعي
فتقدر عادي
والعمليه تقدر تسويه بس بعد اربع اشهر

حبيبتي اذا تبين طريقه ثانيه وخايفه من خل التفاح
حاظر اعلمج
بس انا كتبت الاظمن والاسرع والاحسن

بنات حابه اساعدكم بهالقسم
اي وحده تبي تعرف شنو استخدامات اي عشبه خل تسالني وان شالله بجاوبها طحت لكم على موقع عجييييييييييييييييييييب اللي تبي الرابط تقولي

واللي تبي تسال حياها الله مايردكم الا لسانكم ترا ماكو تعب كوبي وباست وانتيهينا

انتهينا ولا طمني بس

يالله ناااااطرتكم سلملم

ممكن الربط اختي بليز

ابغي عن الجوجوبا والبراهمي

مشكوره حبوبه بفكر بعشبه وبرد اسال

ممكن الرابط

يا ريت الرابط لو سمحتي

هاج حبيبتي
هذا فوائد البراهمي:
– عشب البراهمي : وهي عشبه هنديه تستخدم كمغلي مثل الشاي ويسمى شاي البراهمي – وأظهرت التجارب العلميه المعمليه والسريريه أن خلاصة هذه العشبة تؤدي إلى تحسين الذاكره قصيرة المدى والذاكره طويلة المدى ( وأن إستخدام هذه العشبه آمن جداً مع تعاطي جرعات كبيرة منها ، ويستخدمها الطلاب في الهند للمساعده على الحفظ وتحسين درجاتهم التحصيليه في الامتحانات )

الجوجوبا: ويعتبر الجوجوبا ليس زيتاً من الناحية الفنية ولكنه شمع سائل وهو لا يتأكسد أو يتعرض للفساد, وبإضافة نسبة ضئيلة منه لباقي التركيبات تعمل على إطالة عمرها. وبما أن الجوجوبا تشبه إلى حد كبير (Sebum) الزهم (مادة دهنية تفرزها الغدد الدهنية في جلد الإنسان) فنجده نافعاً في زيوت الجسم والوجه كما يوصى به لعلاج فروة الرأس والشعر.
وزيت الجوجوبا رائع خصوصا للاشخاص الذين يعانون من جلد حساس، أو حالات مثل الاكزيما. حيث يخفف الجفاف ويطري الجلد وعندما يضاف الى مستحضرات الشعر يزيدها لمعاناً. كما يعرف بأنه يقلل التجاعيد، وكافة الاعراض التي تسبب الشيخوخة للجلد. بالاضافة الى ذلك، تساعد على نمو الخلايا الجلدية، كما ان له خاصية محاربة البكتيريا.

وبسب هذه المزايا المذهلة، لا عجب في ان زيت الجوجوبا يستخدم في جميع المستحضرات الخاصة بالجلد، وعلاج مشاكل البشرة، والشعر.

ان الجوجوبا اكتشاف رائع، ومهم لصناعة مواد التجميل لانه يساعد الجميع على الحصول على بشرة طرية وناعمة والتخلص من الامراض الجلدية والجفاف، اذا كنت تفكر في شراء مستحضر الجوجوبا تأكد من أنه اصلي أو يمكنك صنع مستحضرك الخاص من الجوجوبا، اخلط 50 نقطة من زيت اللافندر، مع علبة من زيت الجوجوبا، ضعه على الجلد وافرك حتى يمتصه الجلد تماما.

ان شالله فدتج يارب

هاكم بنات الرابط اي عشب او زيت بتلاقين فوايده هني ومضاره واستخداماته

https://www.m3loma.com/nabat/index.htm

وشكرا لكم

مشكورة حبيبتي ويعطيك العافية

حياج الله رورو ياحلوة

مشكورة اختي

حياج الله حبيبتي

تسلمين على الرابط

حياكم الله بنات وشكرا على مروركم

مشكورة يا الغلا وما قصرتي