ولدى من الخدج ؟؟؟؟؟ساعدووونى ضرورى

السلام عليكم
انا والده باول الثامن ولدى من الخدج وقعد بالشيشه شهر ونص وطلع قبل 3 اسابيع والحمد
لله بس ما ادرى متى اطهره الدكتور قال لى عادى باى وقت بس انا احس توه صغييير ابى امهات الاولاد الخدج متى طهرتوا عيالكم وعند منووو؟؟؟؟؟؟

اب اب ان شاء الله يفيدوونج

رفع

الحمدلله على سلامتج وسلامة ولدج
انا ولدت بنص الثامن وقعد بالحضانه اسبوعين وطلع
وطهرته لمن كمل عمره شهرين
وديته عند اشرف كابش بالسلام
ماشالله عليه دكتور ممتاز والتطهير واااااايد نظييييف ماشالله
طريقته حراري يعني لا حلقه ولا شاش ولا اذيه يبجي جم ساعه وبس
يعطيج ادول وغسول حق المنطقه وكريم تحطينه مكان التطهير
والدكتوووور وايد عسل اول شي لازم يكشف عليه ويقولج اذا يطهره او لأ
فتح ملف + دخول على الدكتور ( الكشف ) 20 دينار
تحليل سيولة الدم 4 دنانير << يسويه قبل لايطهره ونتيجته تطلع ب10 دقايق
التطهير 55
الادويه 13 ونص

وانشالله اكون فدتج
ولا تحاتين حبيبتي ترى اليهال الخدج ماشالله بسرعه يكبرون
ويصير طبيعي نفس الي بعمره

حبيبتي ربي يحفظه ويخليه لج نطري على حسب الوزن .. لازم الدكتور يقرر .. موزين عليه لازم الدكتور يقولج اذا اي وله لا ..

انا ام لطفلين خدج واثنينهم يبتهم نص الثامن
الاول قعد اسبوعين بالحضانه وماطهرته الا لمه كمل 3 شهور بناء على كلام الطبيب
والثاني طهرته لمه كمل شهرين وقعد بالحضانه 18 يوم

ترى الوزن مهم حيل
جيكي على وزنه اذا فوق الي 4 كيلو طهريه انا كان الدكتور يطر ولدي يكمل 4 كيلو عشان يطهره
لانه مو زين يكون وزنه صغير ويطهر

تحياتي لج

ممتاز هالدكتور انا طهرت ولدي عنده روووووووووووووووعه ماشاء الله

الحمدلله على سلامتج وسلامة البيبي

ورفع لعيونج

روحي المخيزيم يمدحونه واااااااايد