|
|
السلام عليكم
شلونكم بنات شخباركم
حبيت تفيدونا أكثر عن دواماتكم
يعني كل واحد تكتب :-
1) وين موظفة ؟
2) شنو المميزات ؟
3) العيوب ؟
4) شلون الرواتب زينة او قليلة ؟
5) فيها مستقبل ؟ يعني تنمي الطموح ؟
6) تنصحون فية او لا ؟
7) واي ملاحظات ثانية ودج تقولينها ؟
ولاتبخلون علينا بالردود ومشكورين مقدماً 
انصج تتوظفين بالجمعيه التعاونيه …اتمنا اني نورتك
|
المشاركة الأصلية كتبت بواسطة ام بدر1
 هلا اختي اذا كنت حاب افضل وظيفه بالقطاع الخاص وتظمنين نفسج فيه
انصج تتوظفين بالجمعيه التعاونيه …اتمنا اني نورتك |
الله يعطيج العافية
مميزاته والله امممممم المعاش بس
والصراحه حلو شغل البنك عيوبه دوامين واذا كنتي بالرئيسي دوام لي ال ٤ ونص غي انج ملزومه تسمعين من فلان وعلان وناس ماتسوى جم كلمه وتصكرين حلجج ماتكلمين والا يصكونج بانذار يوقف ترقيتج والبونص والزاده وتتجمدييييييييين والمفروض كل عاجبج وماتعترضييين تعب وكراف وحياتج تصير كل شغل
<—— بس لسانها طويل وحيل زف بالعملا
الراتب وايد زين وراهي علشان جذي متردده اطلع منه واروح وزاره بس الحين مومتردده بشتري راحتي
اوكي فيها طمووح شوي وتنمي المستقبل بس حق ناس وناس
اممممممممم انا مانصحج فيها اللي يجرب لقطاع الخاص صعب بعدين يتأقلم مع القطاع الحكومي لان الراتب وايد راح يفرق كل شي راح يفرق
واول وتالي القطاع الحكومي مو مال وحده متزووووجه كلش يعني اول وتالي اللي تشتري بيتها لارم تتنازل عن اشياااااء
وكنت موظفة قطاع خاص وطلعت لأسباب خاصة في الادارة ولكن القطاع الخاص له وعليه ابدي أولا :
الخبرة 3 سنوات ونص في شركه خاصة
ساعات العمل في القطاع الخاص بشكل عام لا تقل عن الساعه 3 يعني اقل وقت في أي شركة الساعه 3 واذا في بنك وشفتين تطلعيت قبل عشان شفت العصر .
الراتب ممتاز بالاضافة لدعم العماله اللي يعتمد على الشهاده جامعية , دبلوم والباجي
طبعا امتيازات الشركه بعد تكون حلوة اما تأمين او تذكرة سفر او بونص على حسب الشركة
بالنسبة للطموح يعمد عليج وعلى مسؤولينج ولكن كتنمية قدرات ومهارات وخبرة القطاع الخاص ينمي حيـــل فيج القدرة على تحمل المسؤلية الانجاز بالوقت المناسب والمنافسه وغيرة وهذا لايمكن تلقينه في الحكومة
عيوبة طبعا الوقت ضغط العمل الحزم وطبعا طبيعة وبيئة العمل
الحكومة ما افكر اجربها من بعد ما جربت الخاص وقاعده اسمع عن الاهمال والترف في الحكومة لا يمكن اشتغل حتى لو شنوكان لا الواحد يفكر في اسم ومستقبل له مو بس راحة وكرش واكل وريوق ومافي تقيـــم للموظق ولا لين يصير عمري 40 يمكن يمكن اصير رئيسة قسم
هذا رايي والله يوفقج
اشووف الكستمرز اكثر من امي وابووي
داوم عصر 3 ايام بالاسبووع
بس الراتب حلوو وكل كوارتر ينزل انسنتف يسرسح على الجبد ينسييج التعب والزف اللي كليتيه
اذا عندج طمووح واذا تحبين الالتزاام انصحج بالخاص خصوصا اذا ماكنتي متزوجه يعني ماكو وقت فراغ
من مميزاته على الاقل من وجهة نظري ان مثل ماقلت مساعه قضى على وقت الفراغ نهائيا واحس اني قاعده اسوي شي مهم بحياتي يعني مو قعده ورا مكتب واكل وحش لالالا خصوصا اني بفرع تجاري فماكو وقت حق هالسوالف البريك 10 دقايق اروح اشرب قهوه وارجع اصلا حتى الستااف كله يحب بعض ماكو نجره بينا وبين بعض لان ماكو وقت الواحد يفكر طالع هذا شسوه ولا هذي شسوت وتعلمت انا وايد اشياء تعلمت ان اتحمل مسؤولية الشي اللي اسويه وتعلمت ان اتحمل واصبر اهم شي هههه
وسلبياته انج تنقطعين عن صديقاتج واهلج يعني كل ويك اند تشوفينهم… عندج خميس ويمعه وسبت بهالثلاث ايام تقضين شغلج كله ممم ماكو وقت معين ترجعين فيه البيت يعني مثل الماي تردين البيت الساعه 9 بالليل عااادي
واهم شي ان مكانج بالقطاع الخاص مو مضمون يعني التفنيشه عندهم ابيزه خصوصا الكويتييين لان رواتبهم اعلى
بس عموما انا حابه القطاع الخاص احس فيه ذرابه ورقي يعجبني واايد
ان شاءالله اكون فدتج خيتوو
والسموحه على الاطاله