من الامتياز الى الدور الثاني

سلام عليكم
حبيت ابارج للي نجحوا عيالهم وانشاء الله للاعلى
واواسي اللي مثل حالاتي ولدهم جاب لهم دور ثاني
بس المصيبة اذا كان الولد في يوم من الايام من اهل الامتياز
تبي تقولون اهمال اقل لا
تبي تقولون وينكم عنه طول السنة راح اقول ماقصرنا عنه بشي
والله ماني عارفة شنهو السبب؟؟؟؟؟؟؟؟؟؟؟
محد سهر وياه ولخصله ويراجع وياه الولد:: مايبي الدراسة يبي الوناسة بس
كل شي توقعته الا هالمصيبه الانيييييييييييي تعبت
ودي اعاقبه على ماكسبت يديه بس اشلون؟؟؟؟؟؟؟؟؟؟؟؟
ياليته كان اهمال مني او من ابوه يمكن المصيبة تكون اهون

والله ليلة امس ما نمت بسبب هالمشكلة واللي زاد الطين بلة الفشلة اللي سواها لي عند حمولتي
ابي راااااايكم لعل وعسى تنطفي النار اللي في صدري

اشدعوه

الولد خذا دور ثاني وانتهى لا تنضغطين وتعصبين وتسهرين لان مافي شي بيرجع ينجحه

غلطتم معاه من البدايه دلعتوه المفروض في شي اسمه عقاب اذا مادرست مافي طلعه مافي مطعم مافي لعبه مافي مافي مافي

لاتساهلون معااه

بهل مرحله عباله عادي ومايهمه بعدين بيتحطم ويقول انتم مانصحتوني ماطقيتوني والله يعينج

ياكثر ماانطق وياكثر ما حاسبناه بسسس ماكو فايده

بس عندي سؤال اذا كان ماعندكم شي تعلقون عليه وياليت الرد يكون من معلمين
فيه امل ينجح خصوصا اذا كان عنده اكثر من ماده؟؟؟؟؟؟؟؟؟؟؟؟؟؟؟؟؟

في امل ونص ليش مافي امل
هذا مستقبله

دوري امهات عيالهم خذوا دور ثاني وشوفي تجربتهم

الله يعينج عالتدريس برمضان لأنه الدور الثاني بيكون اول ماتفتح المدارس قبل الدوامات يعني بتاريخ 7 / 9

يبيلج تقعدين قعدة مع ولدج وتكلمينه عدل

وتسنعين روحج طووووووووووول العطلة

لاتتراخين المسألة يبيلها فزعة

ماهو كفو اتعب معاه مرة ثانية
اما يعتمد على نفسه او يضيع سنة من دراسته
انا حيل تعبت معاه

لازم تعاقبينه
وتحرمينه
اذا اهمال منه
ولا يضيق خلقج
الحين عندج فرصه وخل يجابل دروسه ودخليه معهد
ولا تتعاطفين معاه ديري بالج
شدي معاه علشان ما يستهتر

ليش مو كفو ؟؟؟؟؟؟؟؟؟؟؟

ولدج هو ولا ولد الجيرااااااان

مهما كان عمره صدقيني يظل طفل او جاهل على قولتهم وللحين عقله ما يميز عدل الصح من الغلط

ابدي معاه بالحرمان والعقوبات الاقتصادية والاجتماعية وازعلوا عليه صج صج حسسوه انكم صج زعلانين

وبلشي من اللحين دوري ارقام مدرسين وسنعي امورج

لاتضيعين سنة من عمر ولدج

صدقيني بعدين انتي بتندمين لأنه ان سقط سنة بيكرر السقوط كذا مرة

ديربالج تيأسين بلشي من اللحين ولاتحاتين ربج يحلها الله قادر على كل شي

وقلبي معاج وبشرينا عنه

حبيتى فى جم شغله ودى أقولهم وأتمنى منج سعة الصدر وكلامى اللى بقوله كأم ومعلمة بنفس الوقت ..
أنتى لاحظتى تغير مستواه من متى ؟؟ وشسويتى معاه بالضبط ؟؟ قصدى شلون عالجتى هالتغير؟؟
بعدين لازم حبيبتى تحطين فى بالج أنه عيالنا لهم قدرات كل واحد تختلف عن الثانى ن وإذا كان النتيجة اللى يحصل عليها بسبب تهاون منه أو كسل لازم تتخذين اجراء أو عقوبة معينة بس ما تكون الضرب لانه عمره ما ياب نتيجه ( تكون العقوبة حرمانه من شغله معينه يحبها – أو طلعه عائلية ) يعنى أشياء ولدج يحبها بس الحرمان ما يكون مستمر ويصير عنده بعدين لامبالة .
بعدين حاولى تقعدين معاه قعده جاده وناقشيه بالموضوع وقوليه كل اللى راح يصير فى حال النجاح او الرسوب لا سمح الله وهم كونى متابعته لا تتركينه نهائى ترى مهما كانو عيالنا مايحسون بغلطهم والتيجه السيئة لتصرفاتهم إلا بعد فوات الاوان مو ولدج بس أغلب عيالنا جذيه وهذ بحكم خبراتهم الحياتية البسيطة ، بس أهم شى أنتى تكونين قوية وقولى الحمد الله على كل حال إنها دور ثانى مو رسوب مره وحده ولا تفقدين الأمل مدام دور ثانى فى فرصه للنجاح بإذن الله حتى لو أكثر من مادة والحمد الله إنها كانت فى درجات مو بصحته حبيبتى هونى الأمر وهذا دورنا كأهل نتحملهم ونربيهم ونتابع وعسى الله يصلحهم وتفرحين بنجاحه ويكون هذا درس له .. بس كل هالقرقه ونسيت اسالج ولدج الله يحفظه جم عمره ؟ وأول مره ياخذ هالنتيجة يعنى ما سقط من قبل ؟؟

الله يعينج صراحه قهر انا لو مو ناجح ولدى جان مت من القهر بس ترى الامتحانات مو نفس قبل والله صعبه لا تضغطين عليه ترى بعدهم صغار بس برمضان بلشى معاه الدراسه وقولى له من الحين على شان يعرف وعادى هونيها يا قلبى انا حاسه فيج ( بس حبيت اسالج هو باى صف )

اشدعوا

ولدك أي صف أنا أولدى أخذ دور ثانى فى الأنجليزى..والله يعين ..
ترى أمتحانات الأبتدائى صعبه والله..عاقبته أشويه حسسته بالخطأ..
والحين حاجزه مدرسة أنجليزى لمدة شهر يوميا..والله يعين ويوفقهم..

حبيت اسأل الامهات اللي مروا بهالتجربة الولد درجاته بالشهادة فوق الاربعين ويقولون فيه خلطة سريه للنجاح بالدور الثاني احد يقدر يفيدني