مرت الحما ومرت الحما وانا بعد مرت حماها ؟؟؟؟؟؟؟؟؟؟؟؟؟؟؟؟

شلونكم شخباركم ؟؟؟؟؟؟؟؟؟؟

الموضوع نقاش ……….. وبس ماهي مشكله

انا ماعندي خوات ولا جربت مرت اخو يعني الحمولة اول مرة احس فيها لما تزوجت

طبعااا انا اول جنة بالبيت وبعد سبع سنين ………………………………. يت لنا جنة ثانية
ابي اعرف انتوا ( طبعا اللي عندها مرت حمى ) شلون طريقتكم بالبيت ؟؟؟؟؟؟؟
بيت الحمولة شلون على الغدا والعشا تنزلون ولا لا

كل وحدة تقول لنا يومها في بيت الحموله

ليش لان انا يوميا انزل واتغدي معاهم و لا اقعد بشقتي بالايام ما اشوفهم ……….
اما عروستنا اللي صارلها 6شهور ما نشوفها كلش تنزل اذا عندها مشوار يعني طالعة ولا تتغدى معانا
ابي اعرف منكم انا مثل اختكم فيدوني

( ما ابي نصايح لان الحمدلله مرتاحة بس بعرف يومياتكم )

أنا ساكنة في شقة لحالي

إن شاء الله البنات يفيدونج

آب

آب

والله انا تزوجت وكنت ثاني جنه

اول جنه مارضت تسكن معاهم تبي شقه بروحها عشان تاخذ راحتها

لان يده ويدته ساكنين بالبيت واليد مو محرم يعني لازم تلبس حجاب اذا بتنزل تغدا وتعشى

بس انا عادي عندي امووت عاليمعه والسوالف ماحب اطلع بشقه بروحي

ليش دام اكو شقه بلاش وحلوه وكبيره ووسيعه اقولج دور كامل لنا داخل فيلا باحلى منطقه وغير هذا طباخ عندهم وخدم

يعني صج باخذ راحتي ارد من الدوام اشوف روحي احسن ما اقعد اخدم ولا اطبخ

حضرتها شايفه روحها اتيي كل اسبوع مره هذي جنتهم القديمه واتيي على حزة الغدا تغدا وتمشي

بس الحمدالله انا مو جذي بالعكس احب اسولف مع الكبار والصغار

وعادي عندي البس حجابي وانزل مولازم اقطه عشان اخذ راحتي

عندي شقتي فوق اقطها مثل ما ابي

وياحلو الحموله وياحلو اليمعه والقعده وياحلو اليده واليد بالبيت والله عزوه والله بركة البيت الله يخليهم له

يمكن لان انا ماعندي لا يد ولا يده ولا حتى ام

بس جد احبهم واقدرهم واحترمهم وابوسهم على راسهم حتى خالتي مع انها مو كبيره وايد

كل واحد وطبعه

يعني انتي لج طبعج اللي عودتيهم عليه

وهي لها طبعها اللي عودتكم عليه

بس مو شرط الوحدة تنزل كل يوم

وعيب تكون ساكنه معاهم وما يشوفونها كأنهم مؤجرين

بس يكون فيه تواصل الوحدة ما تقطع بالذات اذا الناس زينين

سبحان الله

شلون الجد مو محرم ؟؟؟؟؟؟؟

ابلة كويتية انتي متأكدة !!!!!!!!

أول مرة اسمع فيها

انا اقول لاتغيرين طبعج تقليدا لها
ولا تتدخلين فيها
او تقولين هذي ماتنزل واهل زوجي يحترمونها ويحبونها اكثر وهالسوالف هذي
لأن صار لج 7 سنين معاهعم صرت من اهل البيت
ماراح اقول خلي علاقتج رسمية معاها
بالعكس خلي علاقتج حلوة بس مو لازم كل اسرارج عندها
ولا تحشين فيها عند اهل زوجج حتى لو حشو فيها
كل بيت له نظامه
في ناس كل مرت ولد عندها مطبخها
وفي ناس يتجمعون عالغدا والعشا
كل بيت نظامه يختلف

زين تسوي

لان توها جديده

مو زين تلزق فيهم وتحتك حيل

يده (( ابو امه ))

اي والله انا زوجي قالي …

والي سمعته مو محرم …

أبلة كويتية

الجد محرم للزوجة مو لازم تتحجب الوحدة عنه

مع اني احب الحجاب امام كبار السن احسه اكثر وقار واحترام

صج

اول مره ادري .. عيل ريلي يقول مو محرم

يعني اتفرع من باجر ههههههههه

اي والله الله يعطيه الصحه والعاافيه ويطولنا بعمره بركة البيت

انتي شلون ما سألتي شيخ

اذا خال الام والابو محارم وعم الام والابو محارم

شلون الابو لاا!!!!!!!!!!!!!!!!!!!!!!!!!!!!!!!!!!!!!!!!!!

كل وحده و طبعها

و الصراحه انا اشوف ان الوحده تكون رسميه معاهم احسن

و خصوصا في البدايه

متأكدة من خال الام والابو؟
اظن الموضوع بينقلب فتاوي

توني قريت بالنت

خال الابو والام مو محارم حتى العم

عم الابو وعم الام مو محرم

بس اليد اي صح محرم توني قريته

شدراني على اساس ريلي يعرف قالي مو محرم

شدراني هههههههههههه