مدرسات الحاسوب شنو شهاداتكم ؟

السلام عليكم

شلونكم مدرسات الحاسوب

لو سمحتوا ابي اعرف شنو لازم تكون شهادتي الجامعيه عشان اصير مدرسة حاسوب

انا بكلية العلوم – علوم رياضيه وابي اتخصص علم حاسوب ان شاءالله

اقدر اصير مدرسة حاسوب بعدين ؟

وتنصحوني بهالتخصص و تدريس حاسوب ؟

ومشكووورين

لوووووووول هم انا الي برد عليج اول وحده

اهو بالحاسب الالى بالعلوم تقدرين تصيرين مدرسه بسهوله بس حرام و حسافه لان احنا تخصصنا مو سهل ( فيه صعوبه شوي ) و قوي بنفس الوقت و مطلوب وايد فحرام تروحين التدريس و في المقابل تقدرين تروحين تربيه اساسيه تخصص حاسب الي و تتخرجين بكالريوس بسهوله و هم تصيرين مدرسه حاسب الى ( تربيه جامعه الكويت مافيها تخصص حاسوب )

انا عندي بنت عمي خريجه علوم اداريه و مدرسه حاسب الى
و كانت عندي مدرسه بالثنويه مدرسه حاسوب تخصصها كان هندسه كمبيوتر
و عندي اخوي تخصصه رياضيات تربيه و اخذ دورات بالحاسب و صار مدرس حاسوب ( بس هذا قبل فتره وقت الي ماكان فيه مدرسين حاسوب وايد الحين اتوقع ما ينفع )

فيعني عندج ( الهندسه و العلوم و العلوم الاداريه و التربيه الاساسيه )

أنا شهادي نظم معلومات ادارية و صرت مدرسة حاسوب ابتدائي و متحسفة و قاعدة احاول اطلع من التربية
لاني تعبت تدريس و توجيه و انشطة و مناوبات و شغل الناظرة و الوكيلة و باجي الاقسام غير التطريش شفايدة العطلة وانتي طول السنة مو مرتاحة واي ما انصحج بالمرة و ادعيلي اطلع من التدريس و اروح المكان الي في بالي آمين

حبطتوووووني وحبطتوا البنت معاي

<<<==== مشروع ابله حاسوب وشهادتها برمجه ونظم معلومات

حبيبتي انا تخصصي حاسوب في كلية التربية الاساسية
واشوف انه التخصص وايد ممتع >>يمكن لاني حابته وفي بنات بالعكس

وعندي بنت خالتي تخرجت الكورس اللي طاف من كلية العلوم تخصص علوم طبيعية
والحين صارت مدرسة حاسوب علطول خذوا اوراقها ديوان الموظفين لانه تخصص نادر ومطلوب

حتى لو ما عجبج بعدين تقدرين تشتغلين اي مكان مثل البنوك

لانه تخصص حييييييييييل مطلوب وجديد

أنا متخرجة من جامعة الكويت – كلية العلوووم تخصص حاسب آلي

إشتغلت أول 3 سنين بقطاع خاص لانه التخصص مرغووب بكل مكااان وعقب طلعت تعبت رحت التدريس وصرت مدرسة حاسووب عادي والحمدللله

ولقيت التدريس حلووو – بس حرام دام توج حولى تربية أساسية تخصص حاسوب أسهلج وهم يصيير بكلية العلووم
الفرق بينهم ان بكلية العلوووم تروحين أى مكان سواء تدريس أو غيره أما الأساسية مجالج يكون فقط تدريس
أتمنالج التوفيج

انا مهندسة كمبيوتر و حاليا مدرسة حاسوب حلوو وممتع

اذا في بالج انج اتصيرين مدرسه و ما تفكرين انج تطلعين من التدريس فانا انصحج اتروحين التربية الاساسية لان راح تصيرين تربويه و هذا يفرق في سنوات خبره حصولج على الكادر

اما اذا كنتي بتجربين التدريس و اذا ما ارتحتي تطلعين فروحي مثل ما قالوا البنات كليه العلوم

عموما انا اسمع عندنا بالابتدائي انه مجال حلو بس مساكين احس وايد شغلهم و نشاطاتهم و مسابقاتهم غير جذي الاداره وايد تعتمد عليهم

كليه العلوم لازم علمي ولا ادبي سوري داشه عرض بالموضوع بس ياليت تفيدوني

مثل ماقالوا البنات اذا هدفج التدريس بس دشي تربيه اساسيه مو عشان الكادر وبس

لا راح يكون اسهل بوااااااجد من الجامعه غير انج تتهيأين للتدريس

انا شهادتي علوم احصاء ومدرسه حاسوب

نصيحة ترا الحاسب بالعلوم صعببب حيل خصوصا اذا بالاخير بتردين للتدريس مايسوا

وتدريس حاسوب الابتدائي حلو ومتعب بالنسبه للاطفال

بس لا امتحانات ومناهجهم سههههله عكس المتوسط والثانوي

بس اهم شي الاداره ماتعطينها وجه والا بتصيرين سكرتيره الاداره 

وموفقه ان شالله*

اكيد علمي ياحلوه
ويالله يفلحون فيها 

انا شهادتي نظم المعلومات من كليه البنات الجامعيه و دي احول الي مدرسه حاسوب

يمكنك استكمال دراستك في تخصص علوم المعلومات .. كلية البنات الدراسية

ومن ثم الإعداد لشهادة الـicdl ..

وتقديمك على وزارة التربية – معلمة حاسوب

ويقبلونج ان شاء الله