للمتزوجات ابغى الفايده الله يسعدكم مع ازواجكم بارب

انا توني ملكه ومن خلال الحديث اكتشفت انه انسان غيور جدا مايحب اني اشتغل في مجتمع مختلط واذا رحت السوق هو الي يكلم صاحب المحل يقول انا الي اكلمه يغار ومايغاني اروح السوق لوحدي يقول اغار عليك من البياعين
دلوني بنات وش اسوي ؟؟؟؟

شتسوين يعني هذا ريلج لازم تسمعين كلامه الهياته ماراح تنفعج ريلج وبيتج ابدى
وحلو ان الريال يغار على مرته
يعني ماتبينا ييغار ويايه تدورين حل ان يبطل غيرة
مستحيل بو طبيع مايخلي طبعه
بعدين اذا هو مقتدر وقادر يوفس ببيته ومايقصر معاج ليش الشغل
اخذي الموضوع بجديه هذا ريلج

الغيرة حلوة لكن فى حدود وطولى بالك هذى امور تحصل فى البداية بس لكن بعدين أمورك تساهيل كل الرجاجيل فى الاول كذا

وبعدين عادى يبى يحس ان له كلمه ورأى ومن حقه لكن بعدها يعرفك زين ويتطمن ويترك عنه هالشغلات

ياقلبي هو يبغاني اشتغل وملزم اشتغل بس مجتمع حريم اخاف الغيره الزايد ه بعدين تولد شك وش رايك ؟؟؟

الغيره الشديده تنخافين منهاا اخاف تقلب شك الله يهديه ان شاءلله

والله يعينج سمعي كلامه ياقلبي

ادعيله حبيبتي
ولا تخافين كلهم اول شي يشدون حيلهم بعدين يطخون
عادي عشان توكم متزوجين

هبة معرس ،،،
كلهم في البداية جذي ،، بعدين يتغير 180 درجة ،، وخصوصا اذا جبتي جهال ..
طولي بااالج ..

حلوة الغيرة بين الزوجين

الغيره ان زادت عن حدها تنقلب شك
وان شاء الله هذا مو فالج
انتي سمعي كلامه وبس ولا تثيرين غيرته كلش
واذا اهو مو مخلي عليج قاصر اشلج بالطلعات والشغل

بعدين تلقينه تغير ان شا الله

اكثرهم في البداية جذي

بعدين يطخ

عادي ماقال شي
اذا معاج بالمحل اكيد هو اللي بكلم الريال
وماينلام اذا مابغاج تروحين السوق بروحج لانه مايبي احد يضايقج
وبعدين توه معرس وبيرز روحه