للتشجيع نحو الأفضل

بنات
كلنا ندخل المنتدى ، نشارك ، نكتب مواضيع ، ونساعد غيرنا ، ونطلب من غيرنا أن يساعدنا

الهدف شنو ؟

للتطوير نحو الأفضل

كل وحده فينا تقرى وتشارك عشان تتطور بحياتها الزوجية والنفسية والعاطفية لي جدام ،، مو لي ورا

صح ؟

أكيد صح

يمكن بعض البنات تغيروا للأحسن ،، بس مو ملاحظين نفسهم لأن بكل بساطة أحيانا غيرنا يلاحظ تغييرنا بس احنا مانلاحظ هالشي بنفسنا

وما يمنع ان في بنات تعمدوا هالتغيير وانجحوا

طبعا أكيد ما نعرف جوانب التغيير بحياة كل وحده بره المنتدى

بس لابد ان احيانا نلاحظ التغيير للأحسن والتطور لبعض الخوات من خلال ردودهم وتعليقاتهم وكتابتهم للمواضيع

البعض صار عندهم
وعي أفضل
قدرة أكبر على حل المشكلة اللي تصادفها
صبر أكثر
حكمة أكبر
تفاؤل أكثر من قبل
تخطيط أفضل لحياتها الزوجية
وغيره من جوانب ثانية

موضوعي هذا دعوة ان نشجع كل وحده تغيرت
منها ان نشجعها على هالتغيير
ومنها تتفاأل وتستانس خاصة إذا كانت إهي نفسها مو ملاحظة هالتغيير الإيجابي فيها

المطلوب منكم

كل وحده تذكر إسم العضوات او عضوة تشوف إنها بالفعل تغيرت
طبعا مع احترامي للكل
ما أقصد إنها كانت سيئة أكيد ولا أتجرأ أصلا أغلط على أي وحده فيكم وكلكم على العين والراس

بس لابد ان في عضوات لاحظنا أن في جوانب تطورت فيهم وبتفكيرهم وتحليلهم للمواقف

———–

أبدي آنا
العضوة اللي بالفعل أحسها تطورت للأفضل
أشتياق
اشوف شخصيتها صارت حازمة أكثر بحياتها
تاخذ موقف جاد أكثر
زاد عندها الصبر وتحليل الأمور
واتمنى لها كل خير

انا شايفه صمت الشفاه تغيرت وصارت تعرف تتصرف صح

وتعرف شو تحكي وشو ماتحكي

وامتى تحكي وامتى ما تحكي

وان شاء الله يكون تحليلي عليها صح

وإذا تشجيعج لنفسج هني بييب نتيجة
فما يمنع أكيد

وحضوركم المميز بنات

بس شي حلو لما الوحده تقرا اسمها ان العضوات ملاحظين تغييرها للأحسن

حلو نشجع بعضنا