قرحة عنق الرحم

منو تعرف أحسن دكتورة أسوي عندهاعملية كي للقرحه وشلون على البنج موضعي أو عام وكم أقعد يوم بالمستشفي وأخيرا كم تكلف تقريبا وهل العملية مؤلمه أم لا والله يجزاها خير اللي ترد علي………….

انا سويتها من قبل …….. 16 سنه عند الدكتوره ايفا اللي بالراشد وكنت طالبه كمام وما شاء الله الكي روعه
انا حسيت بوخز بس عادي مدام الكمام موجود واعتقد طلعت بنفس اليوم بس بجم والله ما اتذكر او بالاحري ابو العيال دفع

مادري حبيبتي انا قبل لا احمل قالولي انه فيني قرحه بعنق الرحم ولازم اسوي كي
وحملت وما سويته
بس لا تخافين انشاء الله بسيطه

مشكورة إخت ثلاثينية على الرد وصج إهي تؤثر على الإنجاب يعني إذا فيني قرحه ما حمل

مشكورة حبيبتي على الرد زين بعد الولادة حسيتي فيها أولا والله يجزاج خير

انا بعد بعد بجري طلعتلي وحللوها لقوها صغير ماتحتاج كي بس تحتاج علالالالالالالالالالالالاج
والحمدلله رااااااااااحت مع العلاج

ما تشوفين شر يالغاليه اختي سوتها عند يوليانا بالراشد و تمدحها

اول شي بستاذن صاحبة الموضوع بهالسؤال!! اسمحيلي بسال البنات بس ما دام انكتب الموضوع حبيت اسال….
بنات انا توني محلله وطلعت حامل وصارلي جم يوم بطني يعورني وافرازات قالت لي الدكتوره بداية قرحه بعنقع الرحم وماراح اعطيج شي الا لما يصير لج شهرين؟؟؟ منو صارلها نفسي وشنو سوت؟؟مع ان اللي اعرفه ان اللي فيها قرحه ما تحمل؟؟؟؟

وسوري على الاطاله………….

حبيبتي انا كانت فيني قرحه بالرحم سويتها عن دكتور جمال الدين بالمواساه والله شاطر حيل انصحج انج تسوينها عنده لانه وايد شاطر

مشكورين حبايبي على الرد

up up up up

شوفي حبيبتي هي مايبيلها بنج لانها سهله انا كويت بالتبريد عند الدكتوره جميله الي بالعربيد بلازا بالفروانيه
وطبعا بوصف لج الاحساس بالضبط
تحسين بالم نفس الم الدوره بالضبط وقت الكي وبس

للرفع

هلا حبيبتي انا صارت فيني قرحة و كويت عند دكتورة هند مسعود و الكي بالصج اهو ترا مو كوي .. لأ .. اهو شي مثل الدوا يحرق شوي و تحسين بالضبط بألم يشبه ألم الدورة .. و مايستخدمون لها لا بنج و لا كمام ..

و ماتنامين بالمستشفى و لا شي .. تطلعين على طول تردين بيتكم .. مو عملية اهي .

و ماتشووفين شر حبوبه..