السلام عليكم
شلونكم يا عرايس؟؟
انا عرسي انشالله بيكون بعد شهر وزوجي عيد ميلاده عقب عرسنا ب10 ايام
وماني عارفة شسوي؟؟ شلون اتصرف؟؟ شنو اشتري له هدية؟؟
ابيكم تساعدووووني
حبيبتي سويله مفاجاه سوي روحج نااااااااااااااااااااااسيه ولاطاري فبالج واهو اتوقع راح يستحي يذكرج وضبطيلج هديه معتبره وحجزي عند مطعم او فندق وقوليله بنطلع وفاجئيه صدقيني بيطييييييييييييييييييييييييييييييير من الفرحه عاد انتي خلي هجيتج مميزه وذربه ييبي بوكس وحطي فيه جم شغله عطر نظاره اشتراك بنادي مساج بوك ماركه تيشيرت ماركه بولو وايد حلوين ويحبونهم الشباب والنظارات انا يعجبني بوليس والعطور وفي عطر اموووووووووووووووووووووووت فييييييييه حد امه رجالي وروووووووووووووعه اسمه سكلبتشر وديزل فطيع وهالله هالله بالدلع انتي بعد كشخي وحسسيه انه هذا اهم يووووم بحياتج والله يوفقكم ويهنيكم يارب
^
راي من رايها
وهمن من الحين اشتررري الهديه وزهبيهاا
نفس الحاله ومستحيه **
يسلموووووووووو حبيباتي ماقصرتو
انا فكرت بفندق بعد لان ابي شي مميز مابي هديتي تكون عادية بصراحة والا شرايكم
بنات
تكفوون ابي افكار ساعدووني
مو عارفة ارتب له
انا عندي طريقة رمانسية ,, احجزي ليلة في فندق من غير مايدري واشتري نفنوف حلو للمناسبة السعيدة وكيكة على شكل قلب حب وعليها صورة العريس وكتبي عليها كلام حب وروحي الفندق ودي الكيكة واخذي معاج بالونات حمرة وورود حمرة وشموع ونثريها على الفراش وبالحمام وبالارض وعلى الطاولات بنفس يوم الميلاد واختاري هدية عطورات ساعة بوك ولفيها ورتبيها وحطيها عالفراش لا تنسي البطاقة .. رجعي البيت تمكيجي ولبسي الفستان الحلو .. قوليلة اليوم عيد ميلادك انا حجزت بمطعم في فندق … اللي انتي اخترتيه رح يكشخ وروحو تعشوا ونبهي على الريسبشن بالفندق يكون كلشي جاهز وبس تخلصون عشا ويندفع الحساب وديه على الريسبشن وطلعي عقد الزواج وشوفي الصدمة هيهيهيهيهي وطلعوا الغرفة والف الف مبروك الباقي عليكم
مشكووووورة
فكرتج تينن
انشالله اني اقدر اسويها
حبيبتي عيد ميلاده بعد العرس ب10 ايام اكيد بتكونين برا الديره بشهر العسل شفيج نسيتي ؟
اشتري الهديه من الحين لان لي صرتي عنده راح يكون معاج وماراح اتكون مفاجئه.. اتعرفين الرياييل اول العرس لزقه 
الله مافرض علينا بالحياه غير عيدين حبوبه ..
هو عيد الفطر وعيد الأضحى ..
الأحتفال بغير هذه الأعياد بدعة و كل بدعة ضلاله وكل ضلاله فــ النــــــــــــــــــــار .. والله يكفينا شر النار ..
نصيحه أخويه إذا تبين التوفيق و الفلاح إبعدي من أعياد الميلاد و أعياد الزواج و هالبدع ..
و الله يوفقج وييسر أمورج
انا مثلج حبيبتي
عيد ميلاد ريلي بعد عرسنا بـ 6 أيام مادري بشنو بفاجأه حدي محتارة
بس مثل ما قالت وحدة من الخوات اذا بتسافرين خذي الهدية من الحين واخذي معاج أشيا خفيفة وتنحط بالجنطة عشان حركات السبرايز مثل الشموع الصغار …الخ