|
|
هذا ماحدث باحدى مدارس الابتدائيه.وطبعا هذا التصرف يحدث ويتكرر
من بعض المدرسات الله يهديهن
تطلب البنت من المعلمه الذهاب للحمام وترفض المعلمه
وتكرر البنت الطلب وتصرخ في وجهها الابله وتقول لها اجلسي مكانج
وبالاخير البنت المسكينه تتبول على نفسها
وشنهي النتيجه؟؟؟=عقد نفسيه+كراهيه للمدرسه+تأخر في التحصيل الدراسي
تصبح انطوائيه لانها قدتعرض لسخريه من بنات صفها تعرفون صغار اول او ثاني ابتدائي
وكل هذا بسبب ان المدرسه منعتها من الذهاب للحمام
والمعلمه تبرر فعلها هذا بحرصها على وجود الطالبه اثناء الشرح وحتى لايطوفها شي من الحصه
نقول لها يااختي ترضين على بنتج انها تنحط في هذا الموقف؟؟
ترضين بنتج تصاب بعقد نفسيه؟
والله في مدرسااات ينحطووون عالجرح يبرا
الله يهديهم الواجب علينا انا ننصحهم ونبين لهم خطر تصرفهم على نفسية الطفل
امس بمدرسة بنتي كانت الناظره حاضره حصه الاحدى المعلمات بصف بنتي جان بنيه تستأذن
من المعلمه بتروح الحمام ومارضت المعلمه ولما سوتها البنت على نفسها طاح وجه هالمعلمه جدام الناظره
والبنيه مسكينه مو عارفه وش تسوي ظلت تبجي
وهذا ثاني مره تكرر هالسالفه بمدرسة بناتي خلال اسبوع,
خليه او خليها تروح .. و بس ترجع تروح الثانية..
انا جي اسوي .. و اذا عندج اولى ابتدائي تخاف تروح بروحها مثلا..
تخلين وحده تحسينها فاهمه و هادية تروح وياها..
اما الماي فتقدر تنطر لي اخر الحصة ..
وفي طالبات تعرفينهم البنات نفسهم لما يسعونها تقول بروح الحمام تقولج ابلة هذي نوعها تروح تلعب ..
لكن بالنسبة للمتوسط و الثانوي من دون الحالات الخاصة
ممكن يتحكمون و ينطرون لما تخلص الحصة او بالفرصة
والمدرسة الي ما طلعت البنت اكيد مانتبهت لملامح البنت او ما كانت مهتمه هاللي ما طلعتها ..
بالنهاية المدرسات بشر ويغلطون حالهم حال باجي الناس .. وتسلمون
اهيه تسوي بعيالها جذي؟ ترضى احد يسوي بعيالها جذي؟
مو بس اليهال .. حتى الكبار
يمكن وحده مريضه او شي .. وتقولها قعدي ماكو روحه
هم مارضت تطلع بنت للحمام والبنت سوتها تقول كنت اظنها تبي تطلع وبس ماتوقعتها صجيه
ولما جا ثاني يوم جاء ولي امر البنت وشرشح الابله تقول تحسفت امية مره اني ماطلعت البنت ان شاءالله رايحه تلعب طول الحصه
ولا يجي ابوها