ضروري بنات ,,, عن حبوب الدوفاستون .

السلام عليكم

بنات انا اجهضت شهر 6 الي طاف
و من يومها الدوره كل مالها و تتغلى ما تنزل و تتاخر حيييل
المهم شهر 10 رحت راجعت الطبيب و الدكتوره عطتني حبوب دوفاستون
قالت لي اخذهم لمده 10 ايام و راح تنزل و اذا نزلت قبل الـ10 ايام خلاص تركيها
المهم انا سويت سيرج عليها طلعت انها تنوخذ (عشان يا تثبت الحمل او تنزل الدوره ان مافي حمل) بس مادري اذا اهو نفس النوع ولا غيره

المهم انا خذيتها و بعدها بيوم على طول نزلت دورتي و تركتها
الشهر الي بعده اهي اهو شهر 11 بيوم موعدها الي المفروض تنزل خذيت من الحبوب الباقيين الي كانو عندي و بعدها بيومين نزلت (لاني كنت بسافر ومابيها تنزل علي بالسفر) المهم لمن ريلي درى اني ماخذتها زفني يقول يمكن حامل ليش خذيتيها جذي بدون ما تروحين الطبيب قلت له هذي اذا في حمل تثبته و اذا مافي تنزل الدوره ما اقتنع بكلامي

والحين هالشهر متاخره علي 4 ايام وحللت ماكو شي
ابي اخذهم عشان تنزل لان احسها معلقتني
عادي بنات اخذهم بكيفي من غير ما اراجع الطبيب ؟؟؟
و اذا براجع وين احسن مكان عشان يعالجون تاخر الدوره ؟؟؟ لان احس الدكتوره يوم عطتني الدوفاستون بس عشان تنزلها نفس الشهر و انا ابي اعالجها ابيها تنزل بوقتها عدل ؟؟؟

كلمة لو جبر خاطر

حبيبتي لالالالالالالالالالالا تاخذين شي من غير استشارة طبيب نصيحة لله مرات ممكن تكون حتى لو حبة بنادول تخرب السالفة
فديري بالج
وبعدين الدفاستون لو كان في حمل عادي يثبته لج إن شاء الله يعني ما منه مضرة
عندج د. خالدة المجيبل تمام والله بسوالف ومشاكل الحريم وعلى فكرة ويها خيييييييييييير

سمعي كلام دكتورتج لاتخافين عسى الله يرزقج قريب

حزن يعطيج العافيه

dana انا باخذه من غير استشاره عشان جذي متردده

حياتى دقى عالدكتوره وساليها افضل..واللى اعرفه الدفاتسون مامنه خوف ان شاء الله..
وربى يرزقج البيبى القمر اللى يفرح قلبج يارب العالمين.

تسلمين حبيبتي على هالدعوه
امين يارب

حبيبتى ساعات بعد الاجهاض الدوره تتلخبط شويه
ومش لازم تجيلك كل شهر فى معادها ممكن تجيلك
كل 28 يوم او كل 35 يوم
اصبرى وبلاش الحبوب ماتخديها بدون داعى خليكى على طبيعتك
واى سؤال تحت امرك

سكر تافيت

تسلمين عالرد

مرات تمصخها و توصل لي ال٤٠ يوم و ما تنزل

وانا صارلي من شهر ٦ يعني تقريبا ٦ اشهر متى بتتعدل بعد

الله يرزقج نوحا حبيبتي

اممم مادري منو دكتوره زينه ماجربت بس البنات يمدحون خالده ونداء بس ان شاء الله البنات يفيدونج اكثر

اعتقد اللي تخربط اهو ضعف بالمبايض سوي سونار وشوفي ليش ماتنزل وتتنظم ديري بالج انا تعبت بالاجهاض واخرتها طلع الرحم عندي مو منظفينه عدل بعد السونار تاكدوا وسوي لي ثاني مره وان شاء الله ماكوالا كل خير

الدفاستون لتثبيت الحمل شكو تنزل الدوره؟

والله مادري سألي والله يرزقج

حبيبتي الدوفاستون امن مامنه مضره واذا في حمل يثبته واذا مافيه تنزلها
بس هذا مو معناته انج تاخذينهم علا كيفج لا اختي جذي غلط يمكن تضرين نفسج روحي لدكتورة وراجعي عندها وشوفي العلة احسن من انج تقعدين بالبيت وتلعبين بنفسج علا كيفج
والله يشفيج ويرزقج بالذرية الصالحة اللهم اميييييييييييييين

جوريه
تسلمين عالرد

الاميره جوري
انا ماسوولي تنظيفات لان توني بدايه حمل و البيبي صغير

نوناتي
انا خذيتهم مرتين
المره الاولى لمن وصفتهم الدكتوره
والمره الثانيه بروحي
تنزل عليهم الدوره

زمزم
مو انا اكره شي عندي روحه الطبيب ولا بعد دكتوره نسا المره الاولى رحت وانا مغصوبه

بعد الاجهاض الهرمونات مخربطه خليها على راحتها يمكن يصير حمل باخر الشهر

لا اجازفين حبيبتي

الدوفاستون لعبوا باعصابي