شالدبره مع بنتي

صباح الخير

طبعا و مما لاشك في أبدا ما أتردد ان اطرح عليكم استفساراتي و سوالفي و تفكيراتي

لأنكم مشاء الله فيكم الخير و البركة

بنتي ربي يحفظها عمرها سنتين و نص ، و اسم الله عليها عنيدة عنيدة ما تسمع الكلام نضى قلبي منها

يعني تنشف ريجي اذا ابي اسوي شي ، حنه وقت التبديل الا لبسي هذا لا بابي بابي = مابي ضمن قاموسها

مع اني دايما معاها و اخذها وياي و تطلع و تشوف الناس لكن من نروح بيوت اهلنا تفشلني جدامهم لا ترضى تسلم و تصير وحشية جنها عمرها ما شافت ناس

و تدلع و تستملق كل ما ازور تيني البجية اتحسف ليش زرت

قولولي شلون اتصرف معاها بالطريقة السليمة

مرحبا

والله انا بنتي نفسج،

مادري يمكن توهم صغار اذا كبرت شوي تتعلم.

والله انا فكرت اني اطقها بس مو جدام الناس مادري ينفع ولا لأ؟؟؟

ياريت اللي عنده خبرة يقول؟؟

يعني يمكن هذا دلع اتوقع

ياربي الطق مو الحل

صج لي قالوا التربية يبيلها طولة بال

بعدها صغيرة بس اهم لاترخيين ولا تشديين خلج وسط

واذا عالسلام اهي ما تفهم ان اذا ماسلمت عيب وجذي يعني استمري نصحيها ان تسلم واذا كبرت راح تتعلم شوي شوي بس الحين لاااتجبرينها عالسلام يقولون مو زين >>> كلام دكتورتنا بالكلية

بس خلج هادية معها حاولي لا تصرخين واذا سوت شي غلط خلج حااازمة معاها خزيييها وسكتي راح تخاف بس اذا كانت عنيدة من غير سبب غيري الموضوع وسولفي باي ًشي وشوي شوي بتنسى العناد

انا ولدي بعد جذي مينني بس قاعدة احاول فيه بس اذا معاند من غير سبب اغير الموضوع واسوولف معااه عن اليهال ووين بنروح الاسبوع الياي ههههههه

ووايد مطبقة معاه مبدأ الحنااان دايما المه واحبه واقوله احبك وتعال سولي حنااان يعني لمني احسه ينفع معاه ساعات *

هههه فديتها
اموت على اليهال اللي جذي يعاندون لوول
ترا مو غصب تسلم خليها على راحتها لي كبرت بتسلم بروحها
والله يخليها لج

أولا لأني ههه خبر باليهال إذا ما لبست في حلين أما تشدينها بالحوار وتسولفين معها تقوليلها قصة لبسي عشان تكونين أحلي طبعا قوليلها اسم البنت إلي تغار منها قوليلها تري اعطيها بدلتج سيدة أكيد بتي تلبس أو حل ثاني قوليلها إذا ما لبستي وصرتي بنية شاطرة ما تروحين معاي ولبسي وخليها تشوفج طالعة وإذا ما رضت عاد خليها مرة مرتين تبجي وتقعد عشان تعرف مو كل شي اهي تقوله يصير لأن الطفل بهالمرحله ذكي يمكن يكون إذكا منا أحنا وخليها قوليلها شرايج نبطل الكبت وتختارين بدلتج بنفسج وخليها كل شي تنسقة أهي وطلعة عطيها الثقة بنفس راح تستانس وعلى السلام أولا أهم شي تخلينها مو لازقه فيج أيام الزوارة خليها تندمج مع اليهال عشان تكون جريئة بسس طبعا بأدب وعدها تشوف اليهال يسلمون بتقلدهم وتتعود بس لا تجبرينها على شي ما تحب اتسوية بيصيلر العكس لأن الطفل بهالمرحله لي 5 سنوات يكون رأسهم يابس دايم خلج معاها بطريقة القصص وتخذينها بالحجي وتألفيلج قصة إن في بنت شاطرة كانت تلبس دايم نظيفة وجذي إمها كانت تحبها لأنها تسمع الكلام وجذي بتعدل أكيد وعن خبرة باليهال قاعد أكتبلج وإن شاء الله افدتج.

تصدقون بنات كلامكم وايد مقنع
بس السالفه يبيلها طولة باااااااال

لازم انا اعلم نفسي بالاول عشان اطول بالي (مع اني طويلة بال بس مع لوية الدنيا ابدا مالي بال صار)

المهم شوركم علي اتعامل معاها بالحقران و المسايس ولي متى عاااااااااااااااااد

الله يهديها ويصلحها

عندنا وعندج خير ولدي قبل وهو تقريبا عمره سنه تخيلي لما ازور اروح اقعد برووحي اشووي مايبي اخد يطالع
ومايبي يشوف احد ولا يبي احد يشيله !! فما بالج السلام كنت عادي ما اكدر روحي لان مو متعود عليهم عقب الحمدالله بدى يتعود
وعادي صاار الوضع عنده وبدى الحين يسلم بس اهو الحين عمره قريب ال 5سنين صااار عادي وضعه مع اهلي والناس الغرب بس ليلحين المستحى ذابحنا ما يتحرك

كل هذا مسألة وقت لا تتكدرين وتحاولين تغيرينها فتره وتعدي …ولا تعطين الموضوع اهميه وايد سوي نفسج ما تشوفينها ولي قالوا
تعالي سلمي ردي عن ضحك تستحي وهي طبعها جذيه حيييل تستحي وخلج انتي ريلكس

اذا هي وحيدتج و متعلقه فيج ضروري تودينها حضانه ان تخالط ناس غيرج

اهي اسم الله عليها تروح الحضانة

مو المشكلة يقعدون يدربحون عليج كلام ما يعرفون يقولون ياهل !! عبالهم مرة
تخيلي بيت يدتي ما قمت اروح بسبة الحريم ( حريم غرب ) يسيرون علينا وعينهم علي تصرفاتها
هاااو اكو ياهل ياكل و اهو يحوس !! عفوا وكانت اصغر من جذي بالله عليج شلون اقعدها !!
هاااو شوفي شسوت !! هاااو خشمها !!! امبيه طاعي !! وتاليتها يعني