سكان جنوب السرة مدارس الابتدائي الفضل والا هشام بن امية؟؟

السلااام عليكم …

بنات الله يعافيكم عندي استفسار و يا ريت القى رده عندكم .. انه من سكان جنوب السرة و بنقل ولدي من مدرسة خاصة لي حكومة و ما ابي مدرسة شيخان الفارسي ..

و ما ابي نظام المستقبل .. و الحين وقع اختياري بين هالمدرستين ياا (( الفضل بن العباس )) او (( هشام بن امية ))

بلييز اللي يعرف عنهم يفيدني و بشكل مستعجل..

حبوبة الفضل بن العباس بالسلام ومن مدارس المستقبل
هشام بن اميه بحطين صح اعتقد نظام عادي
وعلى فكرة لازم واسطة اذا مو عنوانكم على نفس المدرسة

الفضل بن عباس وشيخان الفارسي كلهم مدارس المستقبل وهشام في حطين

مدرسة هشام ولد اختي فيها
الحين برابعه ابتدائي
تعلم انواع الكلام الوصخ والحركات الوصخه
وابوه كل يوم والثاني رايح المدرسه يا طاقينه يا ياي البيت يسب ومتعلم كلمه وصخه يديده

صج اختي اتعبت معاه حيل بثالثه ورابعه ابتدائي

ولدي بمدرسه هشام بن اميه مدرسه فاشله من اداره ومدرسات العام اشكثر حاولنا ننقله مدرسه ثانيه بس الله يهديها المديره مارضت
واحنا اللي ماكلينها انصحج بالفضل بن العباس

السلام عليكم الصراحه المدرسه ممتازه المدرسات يهبلون والإداره وايد حريصه على التلاميذ من ناحيه الغياب او الإستئذان الي يكون ماله داعي تكون الإداة شديده ، وآنا بصراحه قبل كنت الوم واذم المدرسه بس لما كنت أبي استفسر عن اي شي من المدرسات اوعن ولدي مولازم أروح أتصل و الإخصائه هي تقوم بالازم ، والله واني ما ابالغ والحمد لله وليدي من المتفوقين من أولي الي رابعه والسنه بروخ خامسه إن شاء الله (سامحيني وايد هذرت ) لو تشوفين المدرسات وشلون ينشلع قلبهم بالشرح مع هالصبيان ماتصدقين بس ماأقول الا الله يحفظ عيالنا ويستر عليهم ويكونون من المتفوقين دائما ومايخسر التعب .

واسفه المدرسة هي هشام بن أمية