سؤال عن شي شاغلني ~ارجو الاجابه

السلام عليكم كويتيات
بدخل بالموضوع على طول
انا فالمدرسه كنت لازم احط كحل وروج وردي خفيف ورتوشات
الحين انا داشه الجامعه وجامعتي الحمدلله مو مختلطه بس فيها اساتذه
فـ شنو حكم اني احط كحل وروج وردي فاتح يعني مب مكياج طلعات |>بدون كريم اساس وبدون ارواج غامج ولا شدو …..
وشنو حكم المناكير والجامعه مو مختلطه؟
وشنو حكم النظاره الشمسيه؟>ابوي دايما كان يقول انها تلفت وماكان يسمحلي فـ حابه اعرف حكمها!
وشكرا

مآيجوز تطلعين بزينتج حتى لو كنتي متعوده عليها
دآم بجامعتكم هندي او استاذ واحد

وصبغ الاظافر بعد مآتجوز .. تلفت الانظار

اما النظارات الشمسيه .. الله أعلم
مآأشوف فيها اي زينه!!

وانشاءالله اللي بعدي يفيدونج

تصدقين حتى انه لين البس النظارة ابوي يقعد يقول شلج فيها ومادري شنو !!
يعني ماعرف ليش بس يمكن شايفين فيها شي احنا مانشوفه !! خبرج الرياييل كلشي يلفت انتباههم ماخلو لنا شي نقدر نسويه ههههههه !

الله اعلم شنو الحكم ولا مرة سمعت انها حرام ! بس سألي احد خبير احسن

حبيبتي المناكير ما يصير علشان الصلاة اصلا وبالنسبة للنظارة هذه اول مرة اسمع انها ملفتة

حبيبتي انا نفسج كنت متعوده على المكياج في المدرسه والروتوش
بس الحين ولله الحمد في الجامعه ولا نقطة مكيااااااج لا جامعتي نفسج فيها اساتذه
تذكري من ترك شيء لله
اتركي الرتوش لله وبيعوضج خير بأذن الله