|
|
السلام عليكم ورحمه الله وبركاته
حبيباتى بنات منتدى كويتيات
بصراحه انا كنت كاتبه رد لى فى موضوع وحده من الخوات اهى تتكلم فيه عن خلطه اعشاب لمرضى السكر وكان ردى انى ذكرت قصه لوحده تعالجت عن الكلوسترول وكتبت اللى تبى الطريقه تراسلنى عالخاص
اللى راسلونى وينهم :
لانى حابه اول شى اعتذر لهم عن التاخير عندى ظروف وجهازى كان فتره مايشتغل
المهم قلت احط الطريقه عالعام عشان الكل يستفيد ولانى مااقدر الحق كل الرسايل اللى عندى بالخاص وارد عليها كتابتى بطيئه حيل هههههههه
الخلطه ذكرتها وحده جزاها الله خير تقول تعبت من الكلولسترول وجربت هالخلطه ولما شافها الدكتور انها تشافت سالها وقالها اذا تبين الاجر ماتطلعين الا وانتى كاتبه الطريقه وكتبتها له
الطريقه هى
انج تغوشين الماى بالغورى وتحطين فيه نصف ليمونه يسمونه الليمون المصرى حجمه صغير وتحطين زنجبيل طازج وشاى ليبتون اخضر ولما يغوش الماى حطى فوقه نعناع طبيعى
وبالعافيه
والطريقه هذى تزيد حسب كميه الافراد
وللعلم البنت اللى جربت الخلطه تقول انها لاحظت ان منطقه البطن عندها الكرشه خفت وايد
يعنى اللى تبى الطريقه للضغط والطرش تكون ضربت عصفورين بحجر هههههههههه
واتمنى الكل يستفيد
واى سوال انا حاضره
موللضغط
بس بغيت أسأل يعني اول نغلي الماي وعقب نحط المقادير ؟ ولا نحطها وياه ونخليه يغلي وبغيت أعرف الكمية اللي تنحط من الزنجبيل ،، وعن الليمون يعني بس نقطع نص ليمونه ونحطها كامله في الغوري ونخليه يغلي ولا نعصرها ؟
وكم مرة لازم تنشرب باليوم ؟
اسفه اسئلتي وايد بس حتى نستفيد
شوفى انا الخلطه للامانه ماجربتها بس على لسان اللى مدحتها لنا تقول
اول شى تخلين الماى يغلى وبسرعه حطى القادير حتى لو عشوائى عادى بس النعناع الطبيعى اخر شى حتى يكون احلا طعمه حتى بالشاى العادى النعناع يكون اخر شى
بالنسبه لليمونه اهو ليمون مصرى حجمه صغير تلاقينه وايد بالجمعيات تقصين نص ليمونه وتقطينها بالغورى بقشرها تتطبخ
وبالنسبه للزنجبيل انتى كيفج اذا كنتو وايد زيدى اما اذا كنتى بروحج اعتقد حجم صغير منها يكفيج لان كثرته يخلى الشاى حار حيل عليج
وبالنسبه لسؤالج كم مره اشربه باليوم الحرمه اللى جربته كانت تسوى المطاره مالتها وبشاده جيرانها انها كانت تسير ومطارتها معاها وماكانت تشرب من الشاى اللى يسونه
والله انا امى التزمت فيه فتره وبعدين خلته كنت اتمنى تلتزم فيه الله يشافيها ويشافى كل مريض يارب
ماننحرمش يائمر
ويعطيكي الف عافيه
شكرا حبيبتي
وانا استفدت من الموضوع واستفادت منه الوالده وايد جزاج الله خير
بس ايش هي خلطة الضغط لأن عندي ارتفاع في الضغط ويمكن تفيدني الخلطة