تطعيم الشهر الثالث

السلام عليكم
خواتي عندي استفسار عن التطعيم بعد الشهر الثالث اللي يكون ابره بالجتف اليسار ..
انا وديت بنتي وطعمتها بتاريخ 25-12 وقالتلي الدكتوره انها ماراح تسخن ولاتسوين لها كمادات مكان الابره لان بعد جم يوم مكان الابره راح تطلع مثل وضخ وصديد لاتخافين هذي عشان المناعه والحمدلله بنتي ماسخنت ولا شي بس الحين صارلها تقريبا اسبوع ومكان البره ليلحين مومبين واضح ولا طلعت لا وصخ ولا صديد فمادري هالشي عادي ولا لأ ؟؟

حبيبتي انا زيك طعمت بنتي 3 شهور ولا صار فيها شي والحمد لله عاااادي الحين بتدخل الربع بعد وعادي مو لازم يكون فيها شي بالتطعيمه هاذي … احتمال بالتطعيمه الثانيه

كذا قالت لي الدكتوره اذا ماصار معها لا حراره ولا شي عاااادي قالت يمكن بالتطعيمه اللي بعدها تسخن عليك
ولا يبين مكان الابره ولا بيطلع منه شي .. وش هالأبره اللي تطلع صديد

حتى ولدي قبل اسبوعيين تقريبا طعمته وماسخن ولا صار شي بمكان الابره اتوقع عادي لاتحاتييين

تنتفخ الابرة عقب ٣ اسابيع تو الناس عليها

تنتفخ الابرة عقب 3 اسابيع تو الناس عليها

عقب شهر شوي تنتفخ بس عادي مووايد

انا بنتي طعمتها هالتطعيم قبل 10 ايام تقريبا وماصار اي شي مكان الابره

بعد عمري مشكورين ماقصرتوا لاني صج كنت احاتي
تسلمون فعلا خوات

انا بنتي طعمتها اليوووووووووووووم ياقلبي عليها تبجي بجي
سالت السستر احطلها كمادات حاره او بارده اعطيها ادوووووول قالت لا تعطينها شي

بنات بما انكم طعمتوا 3 شهور انا ولدي تطعيمة الشهرين شنو صار بعيالكم وقتها يا ليت تردون علي باجر بوديه

حبيبتي لازم تعطينه ادووووووول بعد نص ساعه من الابره وتحطين له كمادات دافيه
عسى ربي يخليه لج

حبيبتي غلاي انا بنتي عطيتها ادول ووديتها وكنت مزهبه الحليبه معاي عقب الابره بالسياره شربتها و بسم الله عليها نامت ولا بجي ولا شي ولما وصلت البيت دهنت مكان الابره بهرده كانت مرت عمي قايلتلي عنها وفعلا ما شاء الله مكان الابره صار لين وماتعبت ولا سخنت تميت 3 ايام وقمت اطلعها والحمدلله مافيها شي
فلا تحاتين حبيبتي
بالسلامه

بنات عندكم فكره عن تطعيم الشعر الرابع؟

يسخن البيبي نفس تطعيم الشهر الثاني؟

up up up

بنات شنو في كريمات تحطونها مكان التطعيم لانة فخذ ولدي مورم ويبجي منة مو عارفة شنو احطلة