تجربتي في تجميل أنفي الصعب بالصور

السلام عليكم ورحمة الله ..

حبيت أشارككم تجربتي الغير عادية مع أنفي ..أنفي من النوع العريض جداوالمسطح ..يشبه الى حد كبير انوف الفلبينيات ..ومسطح لأن فيه كسر قديم ..من لما كنت طفلة ..

ما كان ببالي أبدا أعمل اي عملية او أغيره ..صارت الفكرة تجي وتروح ..وأستبعدها أوقات وأتشجع أوقات ثانية ..

حتى قررت أعملها ..في البداية بحثت عن الدكاترة الموجودين عندنا في المملكة ..زرت 2 ..ما اقتنعت ابدا ولا حسيت بارتياح ..

وبعد البحث وقراءة التجارب هنا ..قررت أسافر ايران ..حجزت من هنا عند دكتور مشهور في مشهد ..لكن مع الأسف ماصارت فرصة أني أدخل على موعدي لظرف ..واضطريت أروح لدكتور ثاني ماسمعت فيه من قبل !!

خفت في البداية ..لما دخلت عليه وشرح لي الي بيسويه ارتحت له جداااا ..كان واثق من نفسه ..وخلوق لأبعد حد ..عرض علي صور لعمليات كثيييرة من شغله ..وتطمنت أكثر ..

توكلت واليوم الثاني دخلت المستشفى وسويتها ..طبعا ما راح اسرد تجربة العملية نفس الي مروا فيه الكل ..عملية متعبة وشاااقة وصعبة ..بشكل ماتصورته ..ورغم كل وجعها ما تندمت اني سويتها ..لأن موضوع انفي كان مأثر على نفسيتي جدااا ..

اول ماصحيت من البنج وشفت انفي ورغم انه مغطى وباين منه جزء بسيط فرحت لان الفرق كان واااضح ..وارتفعت معنوياتي جدا ..

اليوم صار لي شهرين من العملية ..أنفي لازال وارم خصوصا الجوانب ..والأرنبة لسى مدورة ومتنفخة ..لكن يتحسن تدريجيا ..الدكتور قال ل 6 شهور تختفي الاورام ويطلع شكله النهائي ..لكن شكلي تغير 180 درجة ..ملامحي صغرت وصارت أجمل ..وكل من يشوفني يتفاجأ بالتغيير ..والأهم أن أنفي جدا طبيعي ..

أنفي قبل ..

وبعد ..

لي عودة ..باسم الدكتور وموقعة ..وتكاليف العملية ..

حمد لله ع سلامتج
هنيئا لج

لا صراحه وايد متغير مبروك

الله يرزقني فلوس واسوي كل العمليات الي بخاطري

ماشاء الله متغير حيل

الله يهنيج والحمدالله على سلامتج

الف مبروك حبيبتي تتهنين بيه ان شاء الله
نفس انفي بالضبط قبل وبعد انا هم كنت اعاني وسويته عند الدكتور لطفي
الحمدلله منو سوالج العملية؟

الله يسلمكم حبيباتي ..

عمليتي عند دكتور علي سرابي ..بتكلفة 3000 دولار تقريبا ..

وللأمانة الدكتور مهما مدحته ما اوفيه حقه ..ماقصر معاي ..

ماشالله ماريا حده فرق خلاه متشكل شوي لان قبل كان مب محدد وبدون شكل

شغل طبيعي وحلو .. بس ياريتج موريتنا صوره له من عالجنب بعد ..

مبرووك حبيبتي تستاهلين

ما شاء الله طالع حلو والاهم مبين طبيعي ومو كأنج مسويه عمليه وان شاء الله مع الايام يصير احلى واحلى

اﻻ منو كان الدكتور الاول اللي ما قدرتي تسوين عنده .. ويا ليت تذكرين لنا طريقة سفرج لايران علشان السعوديات يستفيدون

اشرحي لنا كيف سافرتي

الحمدلله على السلامة حبيبتي
ماشاالله وايد فرق

ما شاء الله تبارك الله جميل جدا و فرق كبير و الحمد لله توفقتي بالدكتور و ان شاء الله ان تكون في سن صغير انا سويتها بس للاسف سويتها بعد ال35 ياليت اني سويتها قبل و استمتعت بنتايجها بسن اصغر

تسلمين حبيبتي ..ان شاء الله ائا اختفى الورم برويكم صور من الجنب ..لان الورم لسى واضح ..

تسلمين حبيبتي ..

الدكتور الأول بور صادق ..

بالنسبة للسفر اساسا أمي وأبوي يروحون مشهد باستمرار ومتعودين عليها لكن انا اول مرة ..فحجزنا عن طريق مكتب سفريات ..ورحت معاهم ومع زوجي وأولادي ..والحمد لله صاروا حواليني لان العملية متعبة لو بس زوجي معاي مابيقدر يهتم فيني لوحده ..

والتواصل مع الدكتور عن طريق مترجم عراقي ..هو الي دلنا ع الدكتور ..وخلص كل اجراءات المستشفى ..واخذنا للمستشفى ورجعنا منه ..

ترى الأمور هناك جدااا بسيطة وميسرة ..بشكل ماتوقعته ..

الله يسلمكم حبيباتي ..عمري 29 ..وتمنيت فعلا أني سويتها بعمر أصغر بعد ماشفت الفرق الشاسع ..
هذا الي كاتبه ربي لنا ..و35 لساتك في عز شبابك تتهني فيه ..اشوف كبار في السن مسويينها ..