بنات ضروري تدشون بخصوص تجميل الخشم

السلام عليكم ورحمة الله وبركاته
شلونكم بنات؟ ان شاءالله زينين

بشاوركم بموضوع ولاني عارفه انكم بتنصحوني مثل اختكم نزلت الموضوع..

انا مثل مااغلب البنات عارفين سويت عمليه تجميل لخشمي عند بول عوده من سنتين و4شهور والنتيجه عارفين انها موعاجبتني صح العظمه اللي بين عيوني صغرت وصارت اوكي
بس خشمي مومثل ماكنت ابيه رفعه لي وقصره والفتحات مختلفه انا لمن رحت لعمليتي كنت توني طالعه من صخونه ونشله ولمن قلت له دكتور اهم شي الفتحات طالع فتحاتي وقال اهم بينهم اختلاف الحين بساويهم@@
قلت دكتور من النشله مختلفين مع اني ماكنت اشو ف ان بينهم اختلاف المهم الظاهر على هالاساس سوواهم غير عن بعض
اللي مضايقني بخشمي احس الجهه اليسار قصتها مخروطيه شوي واليمين سيدا ماادري اذا فهمتوا علي

المهم

انا مفكره الحين اسوي عمليه ثانيه ابي الشغل بالارنبه والغضاريف ابي اساوي الفتحات وابي اطول خشمي شوي بنزله لانه مرفوع
فمادري وين اسويها لان صج صج خشمي متعب نفسيتي وخصوصا الفتحات
فكرت اسويها عند بول لاني حاجيته وقال لي اذا مو مضبوط اسويها لج ولايهمج اهو حليو كلامه بس خايفه واللي يشجعني على بول لان اهو اللي مسوي العمليه الاولى فبيحاول يضبطه وبيجتهد
واذا دكتور ثاني اخاف مايهتم لان اذا ماضبط بيقطها على راس دكتوري الاول

والله محتاره وبس افكر واحاتي
فكرت ببسام حواري بالرياض ودقيت باخذ موعد حطوه بعد 6شهور @@
والعمليه اقل شي بعد الموعد ب6 شهور همن
يعني سنه شينطرني

وفكرت بخالد الصبيح بس قريت هني بعض التجار اللي شككو البنات بمصداقيتها

وماادري والله حيل حيل محتاره ابيكم تنصحوني وتساعدوني شسوي وين اروح حدي متضايقه
ومنو سوت عمليه ثانيه ونجحت من جميع الجهات

بصلي واستخير واقرا ردودكم وان شاءالله بعد الله بتدلوني على الخيره..

احبكم احبكم الله لايحرمني منكم خواتي

14 اللي دشوا ولارد

رفعوا الموضوع بدعوه حقي

up
up

انا من رايي تروحين حق دكتورج احسن

وان شاءالله يارب تطلع النتيجه مثل ما تبينها

انا بعد من رايي ترجعين لدكتورك و تشرحين له وش تبين بالضبط و تخلينه يشرح لك وش راح يسوي بالضبط.. و بما انك بتروحين لبنان اول شي استشيري دكتورك و بعدين استشيري دكاتره ثانيين . انتي مشكلتك نفس هيفا وهبي قبل لا تضبط فتحاتها و تنزل خشمها و طلعت اشاعات انها مسويته عند مكرم ابو فاضل ممكن تستشيرينه بعد . اما الحواري سمعت انه مو مره كويس انتبهي و ابحثي عنه اكثر بالنت تلاقين بنات مسوين عنده و تجاربهم

موفقه يا رب

السلام عليكم
نصيحتي يمكن ماتعجبك انا ترا مالي شغل بهالسوالف بس حبيت انصح لاتعبثين بخلقة ربك اكثر من كذيه
عشان ماتصير النتيجة عكسية فاحمدي ربك ان ماصار شي اكثر من كذيه انا قاعدة اقرا مواضيع الخشوم الاغلبية مارضو ودهم يرجعون من اول
سبحان الله ….الله خلق الانسان في احسن تقويم والانسان مو عاجبة ولما يجرب يتاكد بس شعقبة
فاختي نصيحة لوجه الله والله ما ادري يعجبك كلامي ولا لا
ولا ادري هل راح تتقبلونه ولا لا
بس اقولك وانتي كيفك قولي ستوب خلاص واحمدي ربك علي هالنتيجة واعتقد انك ماراح تحصلين احسن منها وراح تتحسفين بعدين …يمكن انا مالي خبرة بالتجميل بس اللي متاكدة انه مافي رضا الا برضا الله والرضا بما قسمة لنا
واسفه علي المداخلة بس حبيت انصحك لانك مثل اختي وما ابي لك الا كل خير …. وانتي عاد ادري بنفسك
والله يريح بالك ويوفقك يارب …. والسلام عليكم

Upp

هلااا والله بنمله معصبه من زماان ما شفنااااج…. بالنسبه حق التعديل حاولي ادوريين بعد… شوفي حسام فوده حق الاخطاء الطبيه يمدحونه البناات واذا تقدرين اتروحين لايران راسلي دكتور بهزااد فروخي شاطر … الله يسهل اموورج

الظاهر جذي مشكور ياقلبي على الرد

اي ان جذيه فتحات ومرفوع بس هيفاء ضعيف خشمها أنا كبير شوي
متأكده مسويته عند مكرم؟
مشكوره ياقلبي عالافاًده*

حبيبتي بالعكس أتقبل كلامج وعلى راسي والله فعلا لو مسويه الصحي وماسويت تجميلي أريح
الله يجزاج خير

الله يرفع قدرج

لا ايران شايلتها من بالي كللللش احس ماحب ستايل خشومهم
مشكوره قلبي على المرور