اللي تعالج عند د.ماجدة اليتامى تدخل ؟!!

السلام عليكم بنوتات

:
:

بصراحه ابي مساعدتكم

انا بنت بعدي مو متزوجه … واليوم خذيت موعد عند الدكتوره بتاريخ 3-11

انا شاكه ان عندي تكيس بالمبايض .. وبروح ومحد يدري لا امي ولا خواتي

مابيهم يخافون علي .. اول شي بفحص وبشوف .. انشالله ماكو شي

:

منو اللي جربتها ؟!! وتعالج عندهاا

:
:

بليز ساعدوني

شدعوة التكيس مايخوف
وصراحة ماعندي فكرة عنهاا
وياريت يقول لنا اسعارها بعد لاني ودي اروح لهابعد

عادي لا تحاتين

دكتورة ماجده وايد زينه

شلون عرفتي ان عندج تكيس؟؟
لاتحاتين ما كو الا الخير ان شاء الله

ماااااافيج شي لا تروحين لا عند ماجده ولا عند غيرهاا

توج بنت .. والتكيس موجود فينا كلنا واحجامه مختلفه ومافي اضرار دام حجمه صغير

انا سويت عملية تكيس بس عقب ماتضخم عندي وسبب لي مشاكل ..

واللي يهيج التكيس اهو أبر التفجير وغيرها من علاجات الحمل ..

يعني شي طبيعي فيج تكيس لكن أحجامها صغيره ماتأثر عليج بإذن الله ..

لاتلعبين بنفسج حبيبتي .. وماجده بتقولج نفس كلامي

وعل فكره وااااااايد ناس تحمل وتولد وفيها تكيس يعني شي طبيعي

دامها صغييييييييييره وماتسبب أذي ..ومع الزواج والحمل والولاده بينظف رحمج باذن الله

والله مادري انا بنت وماعندي فكره عنه اذا خطر او لا بس انا سمعت انه يمنع الحمل مؤقتا

وفي بنات تموا سنين يعالجونه

والله كريم انشالله ماكو الا العافية

حبيبتي ماتقصرين

قريت اعراضه بالنت وتقريبا كلهم فيني !!

حبيبتي مشكووووره على النصيحه .. وماقصرتييي

تسلمين والله ويعطيج العافية

انا بسوي تحليل هرمونات بالاول وبشووف النتيجه

حبيبتي غيري ماجدة اذا انتي محتاجة دكتورة لانها وايد تخرع الواحد وتهول الموضوع حتى لو مافيج شي انا ترى لعبت فيني وبنفسيتي اول ماتزوجت وذبحتني بهالكلوميد والابر عشان التكيس ولا قالتلي حمالج وايد صعب يكون طبيعي لازم تسوين تلقيح صناعي وخلتني اسويه مانجح ولما رحت حق دكتور ثاني قالي ليش لعبتي بروحج انتي توج متزوجه قطي الادوية وخليها على الله وفعلا لما هديت العلاج تميت 3 او 4 شهور حمل الحمدالله طبيعي ولا بعد لا يطوفج كانت بتسويلي انابيب بس اشوة ماطاوعتها
ماعلية قلتلج قصة حياتي من الحرة وانتي توج بنت لا تلعبين بنفسج والتكيس ترى امره وايد هين الحين قامو يعطون حبوب السكر اعتقد حق البنات تخفف منه وايد والله يسهل عليج

اللة يستر عليج التكيس ما ينشال بالعملية الا اذا سبب الام مبرحة مثل الزايدة لانة يروح مع العلاج او اثناءنزول الدورة روحي حق بهواني الي بالهادي امينة انا عندها من زمان ولها معاي مواقف اللة فكنى من تلاعب الاطباء روحي بس اسمعي شنو تقول

بالنسبة لدكتورة ماجدة فهي من الدكاترة الممتازين بالديرة وعن تجربتي الشخصية معاها فهي بعد الله عز وجل اللي ادخلت الفرحة لقلبي وفلب كل من يحبنني فانا من النوع اللي حملهم عزيز وخطر ويحتاج لمتابعة دقيقة ومن خلال متابعتها لي في كل حمالي الله تمم علي حملي ورزقني من عندة والله لا يحرم كل محروم يا رب اما بالتسبة لعلاج التكيس فهو سهل للغاية باذن الله تعالى واذا ناوية تروحين لدكتورة ماجدة فهي استشارية ومتمكنة من عملها وهي ايصا سبق ان قامت بعمل عملية لجنين داخل رحم امة قبل ولادته بشهور فما بالك بعلاج التكيس اللي اسال الله ان يشفيك منه يا رب

بعد عمري والله .. صج عانيتي .. بس الحمدلله ونستيني بخبر الحمل

وعسى الله يوفقج انشالله

بس منو الدكتور اللي رحتيله ؟؟؟ ممكن اسمه

تسلمين حبييبتي على النصيحه وماقصرتي

بس شنو جنسيته هالدكتور؟