تخطى إلى المحتوى
الرئيسية » الحمدالله على كل حال :( حتى مادري شكتب عنوان

الحمدالله على كل حال :( حتى مادري شكتب عنوان

الحمدالله على كل حال

بس بنات ضايق خلقي
وانا سلمت امري لله
ممكن يكون هذا ثاني اجهاض لي او الله يتممه لي
من كثر ماتعقدت من الاجهاض صرت اخاف من الحمل خليجية

استغفر الله
ادعو لي انه الله يثبتني واذا الله ماكتب ادعولي الله يرزقني باقرب وقت ويتمم علي خليجية

بنات بقول لكم
الي صار معاي

انه يوم( الخميس) الي طاف رحت طوارىء ويتني دكتوره نسا (مادري شلون صارت دكتوره ماتفهم شي)للعلم انا رحت للطوارىء مو عشان شي جايد بس كنت بطمن لانه في افرازات خفيفه وانصحوني اروح افحص وليش الخميس مافيه عيادات غير الطوارىء
المهم فحصتني والحمدالله طمنتني ووسوت لي سونار داخلي ورتني جيس الياهل ولو اني ماشفت شي بس كنت اقول لها اي واي حتى عطتني صوره بس هم ماشفت فيه شي : وعطتني مثبت وقالت راجعيني بعد 10 ايام كمراجعه روتينيه

المهم
بعدها ردت دكتورتي الاساسيه وحطيت موعد معاها الي اهو اليوم (الاربعا) ولما سوت لي سونار مالقت شي خليجية لا جيس ياهل ولا شي @@ للعلم اني اسبوع الخامس
سوت لي سونار داخلي هم مالقت استغربت الدكتوره قلت متاكده انج حامل : قلت لها نتيجه التحليل بوزيتف متاكده وحتى الدوره مايتني
قالت ممكن صار اجهاض للبويضه ماكمل الحمل خليجية
قلت لها شلون الخميس مجيكه والدكتوره شافته ومايبت طاري انه في شي ومن الخميس الى الاربعا ماسويت اي مجهود وكنت اكل حبوب مثبت ولا نزل مني شي غريب غير افرازات الي تعودت عليها

وقالت لي سوي تحليل دم اعتقد هرمون لانه قالت لي نسبه 99
فقالت نطري لي الاسبوع الياي يبين اكثررر

والله كريم

الله يرزقج بالذرية
الله يرزقج ياقلبي ويفرح قلبج

والله عورتي قلبي

بس خلي ايمانج بالله قوي والله يحقق مرادج وتفرحين بشوفة البيبي بحضنج يارب

حبيبتي الله يرزقج ان شاء الله ولاتحاتين الله كاتبلج اللي فيه الخير و ان شاء الله يكون في بيبي بس نطري على و استغفر الله وااايد و ان شاء الله خير
حبيبتي لحظه نطري لاتروحين والله انا نفسج وقالولي اجهاض وتعالي اسبوع نسوي تنضيفات رحت دكتوره ثانيه والله العظيم قالت حرام كاهو الجيس وسمعتني النبض بغيت ارفع قضيه عالدكتور اللي قالي اجهاض لاتستعيلين يارب ماكو شي وطمنيني
الله يرزقج ياارب
دام مانزل عليج شي وانتي توج مسويه سونار لاتستعيليين وان شاء الله يااارب يثبته ومايكون اجهاااض
حبيتي الله يكتب لج الخير وين ماكان

وعسى الله يثبته لج ويفرحج بشوفة ظناج

ان شاء الله ماكو الاالعافيه

انا اقولج روحى مكان ثانى وسوى سوناار

وان شاءالله الله يتمم عليج

ان شاءالله حاامل لا تحاتيين بس ادعي وسوي تحالييلج وان شاءالله خير يااارب
سوي تحليل هرمون وشوفي نسبه الهرمون وردي كرريه وان شالله ترتفع

وان شلاله يبين الحمال واذا الله ماكتب لج ان شالله يعوضج بالحمل السليم المعافى

السلام عليكم
اختي ان شاء الله ماكو الا الخير .. اول شي انت بالاسبوع الخامس .. يعني بداية حملج يمكن الحمل صار متاخر يعنيمو شرط يبين الجيس هالمرحلة ..
ثانيا لما سوولج سونار داخلي لازم يكونون متاكدين ان مافي حمل خارج الرحم ..
و بعدين تقولين نسبة هرمون الحمل بس 99 .. الجيس ما يبين الا اذا مصل الهرمون 3000 !! فانصحج تسوين التحليل الهرموني و تعيدينه عقب 48 ساعة اذا تضاعف هني نقول ان شاء الل الحمل ماشي طبيعي و بعدها باسبوعين سوي سونار لان الحين مستحيل يبين شي الهرمون قليل
هالمعلومات كلها من تجربة شخصية .. لان قبل صارلي مثلج بالضبط و كنت مثلج احاتي و داومت على المثبتات و كنت من طفاقتي اسوي سونار كل اسبوع و مرات اكثر من مره !! ما سمعت كلام دكتورتي لانها ما عطتني موعد الا بعد 3 اسابيع و كانت نسبة هرموني بالبداية 103 يعني قريبة من نسبتج .. تفائلي بالخير خليجية
الحمدلله على كل حال انشالله يكون خيره هالشي
والله كريم اذا كاتبلج رزقج بتاخذينه وين ماكنتي والله يعوضج انشالله ويفرح قلبج
الله يثبته وتفائلي بالخير تو الناس على جيس الحمل
انا مايبين جيس الحمل الابالاسبوع السادس او السابع والنبض الاسبوع الثامن او التاسع

عييدي التحليل الهرموني بعد يومين وقارني النتييييييييييييييجه

وان شاء الله حامل وعسى الله يثبته يارب

انشالله تكونين حامل يارب

صلي اخر الليل وادعي ربك الله كريم يتمم عليكي فرحتك يارب

ولا يعور قلبك وانشالله يكون حمل متأخر بس

انتظري لا تستعجلي

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.