|
|
السلام عليكم و رحمه الله و بركااته
.gif "Eh S(17)")
بنات انا بجامعة الكويت اداب .. تخصص english المهم صارلي سنتين اجتزت 30 وحدة بس
ما ترقعت لعدة اسباب .. من اهمالي لاني حديثة الزواج و زوجي من النوع اللي يراعي 100% علمزاج او ظلم الدكتور او صعوة المادة
و عشان اتخرج يبيلي 4 سنين و 5 كورسات صيفيه و لازم انجح بكل مادة
معدلي موذاك الزود نقطة و شي
هدفي التدريس و ابي اسرع و اسهل طريقة باني اتوف مدرسة بسرعه مليت من الدراسه !!!
و حياتي الحين ما تساعد بلذات عقب الزواج و زوجي قاعد يتشفق على يااهل و انا مابي الحين .gif "Eh S(4)")
بناااات قالولي تربية اساسيه بكالريوس نفس شهادة الجامعه و اسهل و تخلصين بسرعه و ماتواجهج مشاكل بالتسجيل يعني مو نفس الجامعه ما القى شعب و ان لقيت عند دكاترة مو زينين
فا ماادري ابي بنات تربيه اساسية قسم انجليزي شرايهم ..و اللي تخرجو شكثر خذالكم
لان هم اسمع في بنات يظلون 4 – 5 سنين بالتربيه اساسيه و في مشاكل بلتسجيل نفس الجامعة
و في بنات يقولون اللي تتخرج من تربيه اساسيه تتأخر علاوتها كمدرسه سنتين غير عن اللي تتخرج من كلية اداب او تربية
و ان شهادة التربيه الاساسية بكالريوس بس درجه ب dgree B مو نفس الجامعه درجة أ
و في يقولون ماله شغل اللي متخرجه من تربيه اساسيه نفس اللي تتخرج من الجامعه نفس العلاوات و الوقت ما يفرق
اللهم تربيه اساسيه تدرس مراحل ابتدائي و متوسط اما كليه مراحل اكبر و انا مابي المراحل الكبيره
والله ضعت .. كل وحدة تقول حجي فيدوني عسى الله يوفقكم بمستقبلكم انشالله
لان شهر 6 اخر مهله لي يا اروح تربيه اساسيه يا استمر بالاداب ما اطلع .gif "Eh S(2)")