السلام عليكم ورحمة الله وبركاته
بدخل بالموضوع على طول حبيباتي منو فيكم جربت اختبار الحمل كلير بلو الرقمي وتنصحوني استخدمه
الحين مع ان باقي على الدوره ست ايام وهل وحده فيكم جربته او اي اختبار ثاني يبين الحمل قبل موعد
الدوره
افيدوني جزاكم الله الف خير
وعليكم السلام ورحمة الله وبركاته
نصيحتي نطري تتاخر عالدورة اسبوع عالاقل عشان يبين الحمل اكثر
واذا مستعيله جربي هرموني دقيق اكثر
انا حللت بحملي الاول قبل موعدها بالبيت بين معاي حمل الحمدالله
ان شاءالله انتي يبين بعد والله يرزقج …
حبيبتي فوفو تقصدين بالهرموني تحليل دم ومشكووووره على ردج وتفاعلج معاي الله يرزق الجميييييييييع يااااارب
حبيبتي نصيحه نطري ﻻتحللين قبل الدوره خلج ليما تتاخر
وعسى لله يررررزقج
هلا اختي .. الله يرزقج بالحمل السليم .. انا جربته اول حمل لي قبل الدوره بيومين وطلع حمل و ثاني حمل لي ما بين اﻻ عقب الدوره بجم يوم بتحليل البيت و الحمل هذا ﻻ دم هرموني و ﻻ كلير بلو ما خليت شي آخرتها نطرت بعد موعدها تقريب ال7 ايام وبان بتحليل البيت العادي (( يمكن ﻻنه التبويض متأخر ))
والتوتر له دور ترى لمن تنطرينها وتحاتين .. طنشي الحين واشغلي نفسج باﻻستغفار ب نيه الحمل و بس يطوف موعدها يوم جربي الكلير بلو وإن شاءالله تبشرينا 
وللعلم تحليل الدم الهرموني دايم اجربه ومايطلعلي شي من اطوف الدوره اسبوع ل10 ايام يبان عندي 
مو كل البنات سوا بهالشي
اول حمله جربت كلير بلو العادي قبل الدوره بخمس ايام وبين معاي معنه الدكاتره قالولي حملج متأخر لان التبويض كان متأخر
اما هالمره سويت العادي والالكتروني قبل الدوره باسبوع مابين طنشته وقبل الدووره بيوم جربت مره ثانيه الالكتروني والحمدلله بين معاي
نصييحه لوجه الله
لاتفكرين انا كنت كل شهر قبل الدوره بعشر ايام ابدا احلل هرموني والكتروني و عادي وكله مايبين واوقات يبين ولما احلل دم يطلع ماكو شي وبعدها تنزل الدوره قويه والنفسيه تتدهور اكثر واكثر
حبيبتي يبقى الوله امييييين الله يسمع منج وياليتني منتظره سويت الهرموني طله صفر قبل موعدها بسبوع قالتلي اللي سوت لي التحليل انتظري بعداسبوع وتعالي والله كريم منو فيكم حللت قبل الموعد وطلع صفر وحللت بعد ما طافت الدوره وطلع فوق 25 تكفووون جاوبوني النفسيه صفر والحمد الله على كل حال
[size="4"]كوكيز بالكريمه امين يرحج ويرارب يرزقني ويرزق الجميع بالحمل السليم ريحتيني بردج الله يريحج يارب بس انا طلع صفر يعني هالشهر مو حمل؟؟؟؟ ولا شنووو
نيو بيرد مشكووره على ردج وتفاعلج معاي ويعطيج العافيه على النصيحه يارب الله يرزق كل وحده تبي بالحمل ويتمم عليج حملج يااااااارب
وين الردود اكثر من 80 مشاهده جزاكم الله خير
بحاجتكم خواتي
حبيبتي انطري والله يرزقج انشالله
اللهم امييييييين ميمي مشكوره ع الدعوه
الله يرزقج بالحمل السليم ياعمري
شمس وورده مشكوره على الدعوه حبيبتي يسلموو ع المرور
مبجر وااايد
اذا تبويضج مو متأخر حللي قبل موعد دورتج بيومين