إنسداد بمثانه الجنين والكليتين متضخمين :(

بنات قالولي الدكاترة ان المثانة والكليتين للبيبي مليانين ماي وحجمهم فوق الطبيعي
البعض قالي انه انسداد بمثانه البيبي والماي حوالينه جداُ جداُ قليل وانا توني داخلة شهري السادس
مادري أذا أحد مر بهالتجربة
بيعيش البيبي ولا لأ؟؟ نفسيتي تعبانه يا رب ارحم حالي

والله ما عندي فكره
بس عسي الله يكمل حملج ع خير ويقر عينج بمولودج

ربي يكون بعونج عزيزتي ، ما سبق لي ان مريت بهالتجربة او احد اعرفه ، بس حبيبتي خلي يقينج بالله قوي وعسى البيبي يعدي هالمرحلة وان شاء الله الأخوات يفيدونج

فيه علاج برا الكويت يحطون حشوة اسمها الدفلكس مكان الصمامات علشان البول ما يرجع الكلية
اما بالكويت يحطون البيبي تحت المتابعة مع دكتور مسالك بولية و احتمال يعطونه مضاد حيوي لفترة معينه من عمره
طبعا اول ما تولدين راح يحتاج يسوون له اشعة نوويه و صبغة
بس انا افضل تتاكدين من التشخيص من دكتور ثاني مثل ماجد الشمري

ان شاااااء الله بيعيش

الله يشفيه وتفرحين بشوفه معافي ياااااارب

نفس كلام الاخت انا ولدي جذي من الشهر الثامن اكتشفوا فيه ضيق في الحالب وتضخ بالكليه والحين عمره اسم الله عليه سبع شهووور وللحين متابعه مع دكتور مسالك بوليه وعنده موعد بعد شهرين يشوووفون الماي اذا ماراح يسووون له عمليه
والله يشافي ولدي وولدج يااااارب

ربي يشافيلج اياه وتفرحين بشوفته

حبيبتي لاتحاتين انا ولدي كان فيه انسداد بالحالب وكان البول يرجع عالكلية وتضخمت وتغير شكلها عن الطبيعيً وكانت كل اسبوع يزيد حجمها من الشهر السابع بالحمل وولدت طبيعي بالتاسع وسنوا البيبي العملية ب مستشفي بن سينا ولله الحمد والشكر نجحت العملية وضليت اراجع فيه ل ٥ سنوات والحمدلله

يا رب يشافي ولدج و يقر عينج بشوفته سليم كامل معافى
بس بنات بسالكم هالاشياء تبين بالسونار العادي ؟
لانه احس السونار بس اشياء سوده بدون تفاصيل

يا عسى ما تمر الشهور إلا و الجنين بحظنج بصحة و عافية وسلامة

ما عندي فكرة عن الموضوع الله يكون بعونج و تعدي الشهور على خير انشالله

حييبتي روحي عند اكثر من دكتوره تاكدي ترا تشخيص عن تشخيص يفرق انصحج تروحين للدكتور ماجد الشمري اذا ماني غلطانه شاطر بعلم الاجنه

ماعندي فكرة ربي يشفيه
وتشوفينه بصحه وعافيه