إللي عندها فكرة عن تخصص الترجمة في الكويت تفيدني بلييز؟؟

قوة بنات, شلونكم؟؟

و إللي يعافيكم, منو تخصصها ترجمة و لغويات أو عندها فكرة عن هالتخصص؟؟ و هل هو مطلوب بالكويت مثل ما يقولون؟؟ و هل عليه كادر؟؟

لأن أنا قاعدة أدرس تسويق و حاسة نفسي مو قادرة أمشي فيه.

فإحتمال كبير إني أغيره إنشالله… بس ممكن تفيدوني و أكون شاكرة لكم

أنا بعد أدرس في قست.. و يقولون قوي هالتخصص بجامعتنا.. بس مترددة والله

حبيبتي تخصص الانجليزي ماعليه كادر بس مطلوب بأماكن وايد
واحسن تتخصصين linguistics
صعب شوي بس احسن واحلى من الأدب
يعني اللغويات فهم اكثر من الحفظ بس اكيد بيمرون عليج مواد ادب شوية
اذا انتي مو ذاك الزود مع الفهم وتعرفين تحفظين تخصصي أدب
بس اذا تفهمين عدل اللغويات حلو
بيمرون عليج مواد phonetics & phonology
اللي يعلمونج على sound الحرف نفسه يعني th تنطق ث و ذ يعلمونج رمز كل وحدة فيهم
واييبونلج باراغرافات تقرينهم او تحولينهم رموز
كأنه الغاز واااايد حلو
وبالتوفيق حبيبتي

انا اشوف انه .. Rose كفت و وفت ..

بس شوفي اذا انتي ماتحبين هالتخصص انصحج لاتعبين نفسج لانه هالتخصص يبيله مجابل ودراسه اول باول فلازم تكونين من الاساس حابه هالشي عشان مايصير فيج نفس بنات اعرفهم اللي حولو من هالتخصص .. او اتقدرين تدرسين هالتخصص بالتربية لانه اسهل من الآداب لأنه الاداب شوي متعمقين ومتوسعين اكثر من التربية .. هذا اذا بتصيرين مدرسه

بس الحلو اللي فيه انه شي حلو ومميز عن باقي التخصصات ..

و بجامعة الكويت الترجمة يكون تخصص مساند يعني مو رئيسي نفس ال Linguistics او ال Literature

وموفقه