|
|
اللي خلاني اكتب هالموضوع..إني بحاجة لردود واستشارات وتجارب استفيد منها…
بعد شهرين بإذن الله راح اتزوج زواجي الثاني وانا عندي ولد عمره 7سنوات..الحمدلله زوجي راضي بولدي ويحبه ويساعدني على تربية..بس بصراحه ولدي كنت حيل مدلعته يعني متوعد على طريقتي مو متعود انه يكون له اب او رجل يفرض قوته عليه..
أخاف ان ولدي يغار من زوجي.. واخاف من زوجي يغار من ولدي
انا محتارة وارجو منكم اعطائي بعض النصائح وتفيدوني جزاكم الله ألف خير
بس تفائلي خير ان شاء الله ريلج بيكون ابو ثاني لولدج
وولدج راح يحبه لانه محتاج ابو نفس ربعه
وعسى الله يوفجج
انا صج ماعندي ولد بس عندي اخووي الصغير يحبني حيل وانا مربيته
يموت من الغيره علي من زوجي بس بعدها صاروا احسن من الربع
حتى اخوي ايي يلعب مع ريلي ويخليني ههههههههههه مع انه عمره 5 سنوات ويدق يسال وين ريلج
اشتري لهم بلاي ستيشن وخليهم يجابلونه مع بعض وصدقيني بتشوفينهم ربع
بس اذا في طرق تتوقعونها تفيد او قصص ارجو الافاده اكثر
شي طبيعي أول شي راح يكش منه … بس بعدين راح يتعود …..مدامه صغير أحسن من لايكون كبير
وإن شالله يتأقلم مع الوضع …. وربي يسعدج …
عن تجربه وحده اعرفهاا ومشاءالله ولدها وريلها حييل ويه بعض لي درجه اذا ازعلت من ريلها وراحت بيت اهلها الريال همه الولد والولد يدق على ريلها من وراها ويحن يبييه
ولدج بيحب ريلج من تصرفاتج وتصرفات ريلج وياه
الولد توه صغير ويقدر يتأقلم مع الرجال بسهوله خلي زوجج اهو يربيه واذا زفه او هاوشه لا تدخلين بينهم علشان ما تصير عنده حساسيه منه وديم قوليله ( الله لا يحرمنا منك وتربي ولدنا مو ولدي بروحج لا ولدنا )
خليه يطلب منه مثل الجمعيه مو منج عشان يتعود عليه ويقوله ( يبه ) مو عمي او خالي او اذا يبيه الرجال مو تقولين فلان يبيك لا قوليله ابوك يبيك لا تدلعينه جدامه وديم قوليله ان ولدج يحبه
اذا كان زوجج بلبيت فضي نفسج له واذا طلع خليج عند ولدج عودي ولدج ان يطق باب غرفتج قبل لايدخل مو يدرعم عليكم خليه يوقع شهاده المدرسه واذا رحتو السوق استشيريه بملابسه وخليه يبوسه قبل لاينام
حبيبتي لا تنفعلين لما زوجج يعصب ع ولدج تري الولد مصيره بيتزوج وينسي وان شاءالله زوجج بحب ولدج والله يهنيج
بس ارجوك لاتظلمي ولدك مع الايام عشان زوجك
ترى الرجال هالايام قلبهم قاسي على عيالهم كيف عيال غيرهم
سامحيني على صراحتي واتمنى لك السعادة
وتزكري انه ضناك قطعة منك اما الزوج فبكلمة واحدة تصبيحين عنه غريبة
لأن انا صديقتي تعبت منها وانا احاول اوصل لها شكاوي عيالها ما كو فايدة ذبحها حب الزوج
والنهاية ولدها 15 سنة مع زوجها يتهاوشون بالسكاكين وانحلت السالفة بالمخفر وانتهت بالطلاق
لا تخلينه يعذب الطفل وبنفس الوقت لا زم ولدج يحس ان هذا الرجل ابوه
ومبرووووووك