|
|
بسم الله الرحمن الرحيم
السلام عليكم ورحمة الله وبركاته
الشكاوري وااااااااااااايده
والرغبات اكثر
كل واحد منا يتمنى ان يكون الافضل بين الناس ويتمنى ان يملك قلب اللي يحبه ( زوج + ام الزوج + رب ربة العمل للموظفات ………..الخ )
بس انا حبيت اتكلم عن اللي نفس حلاتي
ودهم يتصافون مع حمولتهم
اسهل قاعده طبقتها <<<<<<<<<<<<<<<<<<وفعلا هي الوحيده اللي يابت نتجيه ( مجربه ومضمونه )
هالقاعده
اذا اتقنتيها
بتخليج تكسبين كل اللي حواليج ويهمونج 
القاعده هي :
هاذي
قاعدة ( لا أرى . لا أسمع . لا أتكلم )
سهله وبسييييييييييييييطه ونتايجها رووووووووووووووووعه
أولا : لا أرى :
– يعني اللي يحاول يستفزج سوي روحج ما تشوفينه
– لا تطالعين غيرج شنو عنده
– لا تبققين عيونج عاللي يصير ببيت حمولتج
– اذا شفتي شي غلط ببيت حمولتج سوي ديليت على طول
ثانيا : لا أسمع :
– لا تعطين اذنج للي يبي يخرب بينج وبين حمولتج واللي ينق لج الكلام قولي له مابي اسمع
– لا تسمعين الكلام اللي قد يضايقج
– لا تسمعين كلام اللي يحاول يحبطج
ثالثا : لاااااااااااااااااااااااا أ تكلم :
– تذكري هالمثل ( لسانك حصانك ان صنته صانك وان خنته شانك )
– يعني قكري بالكلمه اللي بتقولينها مليوووووووووون مره قبل لا تقولينها حاولي تقلبينها بمخج
– حلي لسانج كل الناس تصير خلانج يعني يعني الكلمه الشينه موجوده والزينه هم موجوده بس الزينه هي اللي بتخلي الكل يحطج على راسه وتحلي مقعدج
– لا تشاركين بمواضيع النم والغيبه والحسد ولا تتكليمن على احد لا بخير ولا بشر
– اذا حبيتي تسولفين دايما قولي هالدعاء ( اللهم ادخلني مدخل صدق واخرجني مخرج صدق واجعل لي من لدنك سلطانا نصيرا
وانشالله بتشوفين تغير ملحووووووووووظ بحياتج
وعن تجربه شخصيه هذي اسهل قاعده تحببج في حمولتج ( مهما كانت ) 
وزين اتسوين اخاف انقول كلمة تنحسب علينا انسوي الواجب ونعاملهم بالمثل وبسسس ونسايرهم عشان رياييلنا
بغض النظر اذا كانوا زينين او شينين الحرص واجب والعلاقة لازم اظل فيها نووع ولو شي بسيط من الرسمية احسن عشان الكل احشمج
موفقة ربيعتي
هذا احسن شي الوحده تسويه
لا أرى لا أسمع ولا أتكلم
جاري التطبيق
كلامج حيل حلو ومنطقي وجان زين كل البنات يطبقون هالشي عشان يعيشون براحه بعيد عن عوار الراس والحنه والنجره
جاااااري التطبيق
هذي انا والله اطبقها على لا ارى لااسمع لا اتكلم
بس بعض الاحيانن لا زم اتكلمين في بعض الامور
عشان تعرفين تحلين الشي الصعب
اما بنسبت بيت الحموله دليت من قلب لان مافي شي يعنيني يعني الامور طاف ماتدخل لا بكبيره ولا الصغيره
اللهم اعطي وجهة نظري اذا شي صار قدامي وهذا الشي ناادر حيييييييييييل يحصل
سولف وضحك وياهلا ويامرحبا
والله يقدرنا ونطبق
بس في شغلات مانقدر نسكت عنها
والله يوفقج ويوفقناااا اجمعين
الله يعطيج العافية ….
الحمدلله اهل ريلي زينين … يمكن لاني مطبقة هالكلام …. مع اني مرات اقول كلام مو مفكرة فيه واكون على نياتي وينقلب ضدي
هني تعلمت …. معنى ( لا اتكلم )
مشكورة عالنصيحة و انج ذكرتيني
.gif "Eh S(8)")
