السلام عليكم ورحمه الله وبركاته
شلونكم مساكم الله بالخير
بنات الله يوفقكم ابي رقم وحده تسوي اكل نفاس
ويكون ((مجرب))مابي تحطون لي رقم وحده من قوقل او سامعين عنهاا
ابي وحده مجربينها واكلها نظيف وماتطنش بالمواعيد
امي مره كبيره وانا ماعرف اطبخ وعلى الله ثم عليكم
ولكم مني احلى دعوه
فيه وحده حاطه بركن الطلبات طباخه للنفاس اجار شوفي وساليها والله يسهل عليج ..
مشكوره ياقلبي الله لايهينج بس انا مابي خدامه تجيني وتطبخ عندي
انا ابي وحده تطبخ وتجيب لي نظام وجبات يعني
تكفون بنات الي تعرف لاتبخل علي
انا شفت بالواتس اب وحده تسوي وحاطه صور شكل اكلها يشوق اسمه نفاس بس ما اذكر لا رقم ولا شي لانه قديم شايفته قبل جم شهر .
في وحده تبيع نظام نفاس اسمه ( نفاس) انا دقيت عليها قالتلي عن الوجبه تيي فيها قبوط وعصيده ولهوم وما ادري شنو بعد, في نظامين تختارين الي تبينه منهم, واحد سعر الوجبه 12 واذا اشتراك جنه 130 والثاني 15 دينار الوجبه ويكون سعر النظام 150, حلوه فكرتها بس انا شفت وايد الفلوس عليها خصوصا ان الاشتراك غالي وحق اسبوعين بس.
راعية النظام قالتلي جربي اكلي وجبه وحده واذا اعجبج طلبي النظام, او كل ما بغيتي طلبي الي تبيه, بصراحه ما جربتها بس كنت شايفه شغلها اييج شي مرتب ونظيف جنه دايت سنتر او دايت كير.
هذا رقمها على ما اعتقد: 60936006
مادري والله بس اذا تبين قبوط ومرقوق وعصيدة في بمطعم فريج صويلح حلو ونظيف واتوقع الطلب مايتعدى 5 دنانير حق 3 وجبات يعني طالبه عصيدة للريوق ومرقوق للغدا وقيوط للعشا وتقدرين تطلبين ديايه شوايه من اي مطعم مشويات واكلي سلطات وجرجير والادويه اشتري الكورس الكامل للنفاس من ام خالد معانا بالمنتدى والله يوفقج لان انا اشوف 150 دينار حق اسبوعين ووجبه وحدة وايد صراحه طلبي مرة عن خاطرج وانتي وميزانيتج
في وحده هنيه بالمنتدى يمدحون شغلها جنا اسمها نفاااس فود تلقينها بقسم بيع المنتجات والاغذيه
يمال العافيه ماقصرتو عسى الله ينولكم الي في بالكم
جزااكم الله خير حبيباتي
اببببببببببب
شوفي نفاس فود اكلها اطلبي الجدر الكبير ب ٥
يكفيج يومين واكثر
الله يسهل عليج
بنت الاحلام عفيه اذالقيتي لاتنسين وخيتج
من زمان ادور
انا جربت ام عوااشه لاكل النفاس ولي يومكم هذا انا مشتركه معاهادزلي غداي انا وزوجي يوميا بيصيرلي سنه معاها والله
66763421ام عواشه
قولولها من طرف ام شوق
اكلها راهي ولذيذ ونظيف سوو سيرج بقوقل عنها
وادعولي بالولد الصالح اذا عجبكم
والله يحفظ بناتي