|
بنات في ظاهره منتشره عندنا بالكويت ولا احنا عارفين شالسبب وراها
بنات ليش لما اتكون المسؤوله مره اتكون ( نسره ) والكل يكرها ويذم فيها … وهي صج نسره محد ياب هالكلام من عنده وكل تصرفاتها اتقول انها نسره : لسان طويل وتلعلع لي آخر الممر ولا جنه بالدوام في رياييل … عيل وين اللي يقول صوت المرأه عوره؟؟؟
احنا الموظفات والله قمنا اندور المكان اللي يكون فيه المسؤول ريال لأن الريال واايد ارحم … ما عنده كلام زايد ولا يدقق ابأدق التفاصيل.
الحريم بس آآآخ من الحريم ( إن كيدهن عظيم ) تلقونهم يترسون روس الرياييل بالدوام ويفرونهم فررر واذا يبون شي يسوونه.
الحين المسؤوله ( النسره ) ما تدري انها راح اتصير كريها ومحد راح يحبها على تصرفاتها؟ بدال لا الناس تذكرها بالخير تذكرها بالشر! وبدال لا الناس تدعيلها تدعي عليها!
طبعا آنا يايبه هالكلام مو من عندي لأني مره شفت استفتاء بالجريده يقول ان نسبة المعامله السلبيه من المسؤولين تقريبا 80%.
والله بقولكم شي ما اقص عليكم مره رحت الطبيب مادري اشفيني تعبانه يوم شافت الدكتوره ضغطي قالت ضغطج وااايد مرتفع وعلى طول قالت انتي عندج مشاكل بالدوام قلت لها اهي بس مشاكل سكتي بس ياني القولون العصبي منهم.
الحمدلله اني ارتحت من اويوهم ….. ما اقول الا حسبي الله ونعم الوكيل.
انا مسئولتي السابقة كانت شوي غريبة !!
مع اني عارفة طبيعة الشغل بس ما تعلمني التفاصيل و الأشياء المهمة
و مخليتني صفر على الشمال !
ما تبيني اتعلم !!
و الكل يشتكي منها .. اهي نفس الوصف اللي قلتيه يا " بنت بلادي "
بس الحين الحمدلله غيرت قسمي توني من جم يوم و مسئولتي اليديدة واضحة و صريحة مو مثل الأولية ,,
و اتمنى انها تكون طيبة و حليوة انشالله ,,
* سلامتج يا بنت بلادي ترى ما يسوى تحرين روحج على شي خصوصا الدوام ,, خلج كول و كيرلس و سوي المطلوب منج
" امش سيدا يحتار عدوك فيك "
جنه نطر منهم!!!
واحسن شي المسئول يكون رياااااال ماكو قرقه ولا عوار راس !! مو هذيك كل شي مو عاجبها !!
علشان جذي يقولون ان الناس نفوس……..يعني مو كلهم سوا……..وحطو روحكم بدالهم لمدة اسبوع …وشوفو شنو راح يصير فيكم لأن فيه موظفين وموظفات صراحة ما ينعطون ويه كلّش ملّش…….عدل ولا مو عدل
يلا بااااااااااااااي
نظام التصيد وتهويل صغائر وتوافه الامور…
تخلي نفسها من المسؤؤلية لو على حسااب الكل وتقطج على صخر..
طبعاً مو الكل …بس النفوس الردية والمريضة اللي تلقينها من مكان لي مكان يا تنتقل يا اللي معاها ينتقلوون …
وياكثر هالنوعية..الله يكافينا شرهم
والرياييل عكس الحريم ما يدققون على شي