الوسم: المسؤوله

بنات في ظاهره منتشره عندنا بالكويت ولا احنا عارفين شالسبب وراها

بنات ليش لما اتكون المسؤوله مره اتكون ( نسره ) والكل يكرها ويذم فيها … وهي صج نسره محد ياب هالكلام من عنده وكل تصرفاتها اتقول انها نسره : لسان طويل وتلعلع لي آخر الممر ولا جنه بالدوام في رياييل … عيل وين اللي يقول صوت المرأه عوره؟؟؟

احنا الموظفات والله قمنا اندور المكان اللي يكون فيه المسؤول ريال لأن الريال واايد ارحم … ما عنده كلام زايد ولا يدقق ابأدق التفاصيل.

الحريم بس آآآخ من الحريم ( إن كيدهن عظيم ) تلقونهم يترسون روس الرياييل بالدوام ويفرونهم فررر واذا يبون شي يسوونه.

الحين المسؤوله ( النسره ) ما تدري انها راح اتصير كريها ومحد راح يحبها على تصرفاتها؟ بدال لا الناس تذكرها بالخير تذكرها بالشر! وبدال لا الناس تدعيلها تدعي عليها!

طبعا آنا يايبه هالكلام مو من عندي لأني مره شفت استفتاء بالجريده يقول ان نسبة المعامله السلبيه من المسؤولين تقريبا 80%.

والله بقولكم شي ما اقص عليكم مره رحت الطبيب مادري اشفيني تعبانه يوم شافت الدكتوره ضغطي قالت ضغطج وااايد مرتفع وعلى طول قالت انتي عندج مشاكل بالدوام قلت لها اهي بس مشاكل سكتي بس ياني القولون العصبي منهم.

الحمدلله اني ارتحت من اويوهم ….. ما اقول الا حسبي الله ونعم الوكيل.

حمدالله انا مسؤلتى اذهبه مو نسره اتهبل وحتى مسؤلتى السابقه والا اروع اتهبل بس البنات معاى بالقسم حدث والا حرج اى شي وحده اتحفر للثانيه فاحتكاكى مع الشباب افضل بمليون مره من البنات

صح الرياييل وايد ابرك و احسن في التعامل – غالبا – ..
انا مسئولتي السابقة كانت شوي غريبة !!
مع اني عارفة طبيعة الشغل بس ما تعلمني التفاصيل و الأشياء المهمة
و مخليتني صفر على الشمال !
ما تبيني اتعلم !!
و الكل يشتكي منها .. اهي نفس الوصف اللي قلتيه يا " بنت بلادي "
بس الحين الحمدلله غيرت قسمي توني من جم يوم و مسئولتي اليديدة واضحة و صريحة مو مثل الأولية ,,
و اتمنى انها تكون طيبة و حليوة انشالله ,,

* سلامتج يا بنت بلادي ترى ما يسوى تحرين روحج على شي خصوصا الدوام ,, خلج كول و كيرلس و سوي المطلوب منج
" امش سيدا يحتار عدوك فيك "

طبعا هالكلام اللي كتبته ما ينطبق على كل المسؤولات آنا اقول اغلبيتهم بس في مسؤولات مثل العسل على القلب الموظفه ودها اتحطهم بعيونها وهذول ينعدون عالاصابع … تحياتي وكل حبي واحترامي لكل مسؤوله (طيبه) واتقدر الشخص اللي جدامها.

اي والله ترى حتى الموظفات اذا رحتيلهم نفسيه ويالله ترد !!! بس روحي حق ريال شحليله يرد عليج ويبتسم بعد
جنه نطر منهم!!!
واحسن شي المسئول يكون رياااااال ماكو قرقه ولا عوار راس !! مو هذيك كل شي مو عاجبها !!

والله انا مسئولتي مرة ok واذا مالها مزاج مو ok…….بس ساعات لاتنسون انها مرة مثلنا عندها ظروف في البيت وعندها دورة شهرية غير انه ممكن تكون فوق راسها مسئولة اعلى منها وحنانه…..ساعات احط لها العذر ساعات لأ……..بس الحمدلله انها تقدر الظروف واذا احترمتيها تحطج فوق راسها…..ولمن اشوف غيري اقول الحمدلله…..احسن من غيري…….

علشان جذي يقولون ان الناس نفوس……..يعني مو كلهم سوا……..وحطو روحكم بدالهم لمدة اسبوع …وشوفو شنو راح يصير فيكم لأن فيه موظفين وموظفات صراحة ما ينعطون ويه كلّش ملّش…….عدل ولا مو عدل

يلا بااااااااااااااي

اللي شفته بالحريم ….

نظام التصيد وتهويل صغائر وتوافه الامور…

تخلي نفسها من المسؤؤلية لو على حسااب الكل وتقطج على صخر..

طبعاً مو الكل …بس النفوس الردية والمريضة اللي تلقينها من مكان لي مكان يا تنتقل يا اللي معاها ينتقلوون …

وياكثر هالنوعية..الله يكافينا شرهم

صح لسانج صج الحريم ماينعطون ويه في الرئاسه

صج كلامج اختي المسؤوله لما اتكون مره في اغلب الاوقات اتكون نسسسسره مادري ليش الحريم ما ينعطون ويه من يحطونهم مسؤولات يتصيدون على الموظفين كل كبيره وصغيره وجنهم يعطون الموظفين معاشات من جيبهم ….. انصحكم انكم تبتعدون عن المسؤولات الحريم لأن لسانهم طوييييييل (ويبيله ق…….)

اختي كويتيه100% اعارضج الراي في (وحطو روحكم بدالهم لمدة اسبوع …وشوفو شنو راح يصير فيكم لأن فيه موظفين وموظفات صراحة ما ينعطون ويه كلّش ملّش) والله ابصراحه اذا كانت المسؤوله طيبه وزينه الموظفين راح يصيرون زينين معاها وراح يحترمونها لكن اذا كانت مستلعنه محد راح يحترمها ولا احد راح يقدرها …. وهالشي صارلي آنا شخصيا لما كنت عند مسؤوله مو زينه كنت ما اشتهي اداوم كلش واستغل اقل الفرص علشان اغيب لأن مالي خلق من الصبح اشوف اويوه امكشره ومو سمحه لكن يوم صرت عند مسئوله ثانيه طيبه وحليوه واتهبل والله استحي اسوي اي شي يزعلها واستحي اغيب حتى لو انشاء الله كنت مريضه او شنو فيني اداوم اداوم بس علشان خاطر مسؤولتي اللي مثل العسل على قلبي.

اتصدقين انا ملاحظة الشغلة هذي

والرياييل عكس الحريم ما يدققون على شي

بنات في ظاهره منتشره عندنا بالكويت ولا احنا عارفين شالسبب وراها

بنات ليش لما اتكون المسؤوله مره اتكون ( نسره ) والكل يكرها ويذم فيها … وهي صج نسره محد ياب هالكلام من عنده وكل تصرفاتها اتقول انها نسره : لسان طويل وتلعلع لي آخر الممر ولا جنه بالدوام في رياييل … عيل وين اللي يقول صوت المرأه عوره؟؟؟

احنا الموظفات والله قمنا اندور المكان اللي يكون فيه المسؤول ريال لأن الريال واايد ارحم … ما عنده كلام زايد ولا يدقق ابأدق التفاصيل.

الحريم بس آآآخ من الحريم ( إن كيدهن عظيم ) تلقونهم يترسون روس الرياييل بالدوام ويفرونهم فررر واذا يبون شي يسوونه.

الحين المسؤوله ( النسره ) ما تدري انها راح اتصير كريها ومحد راح يحبها على تصرفاتها؟ بدال لا الناس تذكرها بالخير تذكرها بالشر! وبدال لا الناس تدعيلها تدعي عليها!

طبعا آنا يايبه هالكلام مو من عندي لأني مره شفت استفتاء بالجريده يقول ان نسبة المعامله السلبيه من المسؤولين تقريبا 80%.

والله بقولكم شي ما اقص عليكم مره رحت الطبيب مادري اشفيني تعبانه يوم شافت الدكتوره ضغطي قالت ضغطج وااايد مرتفع وعلى طول قالت انتي عندج مشاكل بالدوام قلت لها اهي بس مشاكل سكتي بس ياني القولون العصبي منهم.

الحمدلله اني ارتحت من اويوهم ….. ما اقول الا حسبي الله ونعم الوكيل.

طبعا هالكلام ما ينطبق على كل المسؤولات آنا اقول اغلبيتهم بس في مسؤولات مثل العسل على القلب الموظفه ودها اتحطهم بعيونها … تحياتي وكل حبي واحترامي لكل مسؤوله (طيبه) واتقدر الشخص اللي جدامها.

للرررررررررررررررررررفع