|
|
السلام عليكم
أنا والله ناقده على نفسي إني كتبت هالموضوع
بس لا تلوموني ، مو مني، من الضيق الرهيب اللي فيني
أحس أحيانا ماني قادرة أتنفس
و هالحال أهون عندي من ضيقة الصدر اللي يكون مبين من ملامحي إني مستانسة
دخلت هالمنتدى قلت أكيد بستانس إن في ناس يشاركوني نفس الحدث ، اللي هو الزواج
والحمدلله خف الضغط علي شوي بس ما زال
ماني عارفه بالضبط شفيني، كل ما تذكرت أن العرس قريب، صكتني حالة ضيق رهيبة
ولا تقولون أذكار ، لأنها ما تطيح من ايدي
هل هالحالة طبيعية؟ اللي أشوفه أن البنات يستانسون بليلة العرس
ليش أنا لا؟
و واحد من الهموم غير الهم النفسي، هو موضوع التجهيز
عندي ناس مسوين فيها يبون مصلحتي، و أدري أنهم يبون بس يتحكمون بحكم أنهم أكبر مني بالعمر بكذا سنة
و أنا ما ودي أفشلهم
مثل ما أهم يحرجوني كل ما بغيت اشتري شي قالوا: لا من صجج شتبين بهذا في شي أحلى منه
مادري شقول أحس ودي أتحلطم ولا عندي أحد أشكيله
اسمحولي مصختها معاكم بس مالي أحد أكلمه غيركم يا بنات
عادي الارتباك قبل العرس شي طبيعي .. حتى لو مستانسه مايخلى الامر من الربكه والترقب ..
واشتري الي بخاطرج فيه ولا تردين على آحد .. انتي الي بتلبسين وبتكشخين على ذوقج ..
موفقه يا رب
يا امي انتو الحين المفروض عايشين احلى مرحلة بحياة كل فتاة
اشترو اللي بخاطركم واي وحدة لا تتكلف وتتصنع عشان لا تعاني بعدين بعدم القدرة على التكيف مع اهل المعرس
موفقين يا امي
بس انتي فكري بالشي الحلو العرس والفرحة وجهازك
وتوكلي على الله حبيبتي بس الحين هالشعور بعدين يروح اول ايام العرس
مباررررررررررررررك لجميع عرايسنا الحلوين
شي طبيعي حبيبتي والوحده لازم ما تكتم فضفضي راح ترتاحين
فددديتج ذكري ربج اول شي
حاولي تشيلين كل شي يضايقج من بالج وماعليج من احد شفتي شي وعجبج اخذيه ولاتهتمين لاحد حتىا لو قالولج وع يلوع الجبد دام انتي مقتنعه فيه عطي الباجي طاااف
بعدين ترا كثر التفكير والمحاتى اهم اللي يابولج الضيق و الخوف شي طبيعي لاتحاتين
متىا ماحسيتي بخاطرج شي دخلي المنتدىا وطلعي كل اللي فيج ياقلبووو
والله يبعد عنج الضيقة ويوسع صدرج ويوفقج إن شاءالله
اللهم لا سهل الا ماجعلتة سهلا وانت تجعل الحزن ان شئت سهلا
موضوعج ذكرني بنسفي عرسي بعد 3 اسابيع الله يسهل عليج وعلينا يارب العالمين
من بعد موضوعج حسيت مو بس انا الوحيدة اللي احاتي التجهيز والعرس
قوولي يارب بكل شيء …..
والله ولي التوفيق …
انا عرسي بشهر واحد وشايله هم كل شي مع انه العرس بعيد
بس شي عادي ومؤقت واستانسي وحطي مخطط روحات وجيات مع زوجج بعد ماتزوجون وفكري بأيام حلووه معااه
ووربي يفرج ضيقتج
بس حبيت أدعيلج،،،
عسى ربي يوفقج ويفرج ضيجج ويفرحج إن شاء الله،،،،،
بس أنتى لاااتفكرين وااااايد،،،،،،،
وانا نفسج بالضبط وللحين شايله هموم الدنيا على راسي.. وكل مااتذكر العرس اخترع..
عادي حبوبه لا تحاتين مافيج الا الخير..
بس لانج وايد تفكرين
بطلي الكبت وشوفي الملابس اللي ماتبينهم وحطيهم بجيس ودقي ع الصدقات وتبرعي فيهم …
لان الزكاه (دفـعة بـلا) .. وعسى ربي يبعد هالضيقه عنج ….. وييسر امورج وماعليج سهالات ان شاء الله ..
معرووفه :الواحد اذا قعد كل يووم يفكر بشي يتضااايق منه ويزيد نفسه هم وغم أكييييد راح يصير تعيس ..أما العكس صحييح حتى لو كانت فيج هموووم الدنيااااااا قووولي بنفسج الحمدلله …أنا بصير أحلى وأجمل وأسعد عروووس …وادعي ربج بآآخر الليل …والله بترتاحين رااحه ما بعدها راحه …
وعسى ربي يوووفقح يااا أحلى وأسعد عروووس …
((لا تنسين …ادعي لي معاج بالتوفيق مع زووجي ))
